Ẹksọdọs 29:20 - Edo Bible (E Baibol Ẹdo) Version 1996

²⁰ Gbe ẹe ne u rhie vbe esagiẹn ọnrẹn, u ghi ya ẹe kan etọghọ ehọ obọ erha ọmwa ọghe Errọn kevbe avbe ivbi ẹre, kevbe ikpinhianbọ nogie, kevbe ikpinhianwẹ nogie ọghe owẹ erha ọmwa iran, u ghi mu ni dekẹe vbọ rhurhẹ lele igienenẹ aka.

Ẹksọdọs 29:20 ပူးပေါင်းရင်းမြစ်များ

Ẹksọdọs 29:19

U ghi mu ogho nọkpa, Errọn kevbe ivbi ẹre ghi viọ obọ yan ẹre uhunmwu.

Ẹksọdọs 29:21

U ghi rhie vbe esagiẹn nii rre aka, kevbe ofigbọn ne a nọnọ ye emwa uhunmwu, u ghi miẹn rẹn yan Errọn kevbe ukpọn rẹn, kevbe avbe ivbi ẹre kevbe ukpọn iran, rẹn, avbe ivbi ẹre kevbe ukpọn iran hia gha khian ne a ya fiohan.

Aizaia 50:5

E Nọyaẹnmwa rhie irẹnmwi mẹ nẹ, mẹ ma vbe sọtẹ ọ re ra ne I fi iyeke gbẹe.

Aizaia 52:15

Sokpan, te irẹn khian gha re ọyunnuan ne avbe uhunmwu ẹvbo nibun, avbe ọba gha yan unu uan, iran i miẹn ẹmwẹ ta. Iran gha bẹghe, iran ghi vbe rẹn otọ emwi ne iran ma he rẹn ẹdẹ.”

Levitikọs 14:14

Ohẹn ghi rhie vbe esagiẹn ovbi ohuan amwẹ nii, ọ ghi rhi ẹre ye etọghọ ehọ obọ erha ọmwa, ikpinhianhọ nogie ọghe obọ erha ọmwa, kevbe ikpinhianwẹ ne ogie ọghe owẹ erha ọmwa ọmwa ne a ra ya khian ne ẹ i ghi mwẹ awua nii.

Levitikọs 14:16

Ọ ghi fi ikpinhianbọ obọ erha ọmwa ọghọe yọ, ọ ghi sanmwẹ eso vbọ ye evba igba ihinrọn vbe sirra e Nọyaẹnmwa.

Levitikọs 14:17

Ọ ghi rhie vbe ofigbọn nii ne ọ rre ọre atataobọ kevbe esagiẹn ovbi ohuan amwẹ nii, ọ ghi rhie ẹre ye eto ọghe ehọ obọ erha ọmwa kevbe ikpinhianwẹ ne ogie ọghe owẹ obọ erha ọmwa ọghe ọmwa ne a ra kha ighẹ ẹ i ghi mwẹ awua nii.

Levitikọs 14:25

Rẹn ghi gbe ovbi ohuan nii, ọ ghi rhie vbe esagiẹn ọnrẹn ye etọghọ ehọ obọ erha ọmwa, ikpi-nhianbọ ne ogie obọ erha ọmwa, kevbe ikpinhianwẹ ne ogie owẹ erha ọmwa ọmwa nii.

Levitikọs 14:28

Ọ ghi sa vbe ofigbọn nii lele dọmwadẹ ehe ne ọ vbe rhie esagiẹn ọnrẹn lele, etọghọ ehọ obọ erha ọmwa, ikpinhianbọ ne ogie obọ erha ọmwa, kevbe ikpinhianwẹ ne ogie obọ erha ọmwa ọghe ọmwa nii.

Levitikọs 14:7

Ọ ghi sanmwẹ esagiẹn nii yan ọmwa ne a ra khuẹ hin emwirregbekẹn rre, igba ihinrọn, ọ ghi ta ẹe wẹ ẹ i ghi mwẹ awua. Ọ ghi sẹ ahianmwẹ ne a ma gbe nii rae ne ọ tin la oha gha rrie.

Levitikọs 16:19

Ọ ghi vbe ya ikpinhianbọ ẹre sanmwẹ esagiẹn yan rẹn igba ihinrọn. Odẹ vberriọ, ọre ọ gha ya họnmwẹ awua orukhọ ivbi Izrẹl hin rre, ọ ghi ya ẹe khian ne ọ huansẹ.

Levitikọs 8:23

E Mosis keghi gbe ẹe, ọ na rhie vbe esagiẹn ọnrẹn ye etọghọ ehọ ọghe obọ erha ọmwa Errọn, ke ikpinhianbọ ne ogie ọghe obọ erha ọmwa kevbe ikpinhianwẹ ne ogie ọghe owẹ erha ọmwa.

Levitikọs 8:24

Ọ keghi vbe viọ ivbi Errọn ladian, ọ na rhie vbe esagiẹn nii ye iran etọghọ ehọ obọ erha ọmwa, kevbe ikpinhianbọ ne ogie ọghe obọ erha ọmwa iran, kevbe ikpinhianwẹ ne ogie ọghe owẹ erha ọmwa iran. Ẹre Mosis ghi na mu esagiẹn ne ọ dekẹe rhurhẹ ye igienenẹ ọghe aka.

Iyẹn ne ọ Maan Ọghe Mak 7:33

Jesu keghi rhie ẹre hin uwu ẹbu rre, ọ na viọ ikpinhianbọ ye ẹre ehọ, ọ keghi tu asẹn ya kan okpia ni aranmwẹ.

Hibru 10:22

Rhunmwuda ọnii, wa gie ima ye ẹkoata sikẹ Osanobua, ba iyayi ne aro dae, ke ẹe kevbe orhiọn ne a kpe huan hin ekhọe ne ọ rri abe rre nẹ, kevbe egbe ne a ye amẹ ne ọ hianrẹn khuẹ.

Hibru 12:24

Wa keghi bu Jesu gha dee, ọmwa ne ọ mwamwa ile ọgbọn nii ye otọ kevbe esagiẹn ne agbe kha kha, ne ọ vbe ta ẹmwẹ emwi ni maa sẹ esagiẹn ọghe Ebẹl.

I Pita 1:2

Te a hannọ uwa zẹ vbe emwamwa ekhọe ọghe Osanobua ne Erha, ne Orhiọn rẹn ye uwa khian emwa ni huanrẹn, ne uwa gha họn ẹmwẹ ne Jesu Kristi, ne esagiẹn ọnrẹn kpe uwa iruẹn kua. Ẹsọhẹ kevbe ọfumwegbe gha re ọghe uwa vbene ọ vuọn sẹ omwa fo.