Ẹksọdọs 29:2 - Edo Bible (E Baibol Ẹdo) Version 1996

² U ghi vbe viọ ebrẹd ne ọ ma hue, ebrẹd ne eyist i ye kevbe ebrẹd eso ne a ye ofigbọn oliv ru, kevbe ebrẹd nọ ma hue ne parha ne a tu ofigbọn yan. Igharhuarhua ọghe ọka irhuarhua ne ọ wa ma ọre a gha ya ru ẹe.

Ẹksọdọs 29:2 ပူးပေါင်းရင်းမြစ်များ

Ẹksọdọs 12:8

Vbe asọn nii, te a gha tọn ẹn vbe erhẹn, a ghi ye ebrẹd ne ọ ma huẹ kevbe oriwo rriọe.

Ẹksọdọs 29:23

“U ghi rhie ebrẹd ọkpa ne a ya ofigbọn ru vbe uwu okhuae ọghe ebrẹd ne ọ ma hue ne ọ rre odaro, a ya fi ohan gunmwẹ, kevbe ebrẹd ne parha ọkpa kevbe ebrẹd ne ọ huere.

Ẹksọdọs 29:3

U ghi muẹn ye okhuae ne u ya zẹ ọhẹ mẹ vbe ẹghẹ ne u ya ye ẹkhuia ẹmila kevbe ogho nii zọ ese.

Levitikọs 2:15

Wa ghi rhie ofigbọn ọliv kevbe eturari ba ẹre.

Levitikọs 6:13

A ghi gie erhẹn nii gha baa vbe aka, a ghẹ giẹ dọyọ.

Levitikọs 7:10

Izẹọhẹ ọka ne a ma le hia, a deghẹ a ya ofigbọn gbe ẹe ra te ọ ka ẹe, avbe ohẹn Errọn hia ọre ọ yan rẹn, a ghi gha ẹre umwọmwẹ ne iran.

Levitikọs 7:12

Ọmwa gha zẹ ọhẹ na do ya kpọnmwẹ Osanobua, ọ ghi mu ebrẹd ne a ma ye eyist gbe lele aranmwẹ nii gha dee, ọ sẹtin gha re ududu ne a ya irhuarhua ne a ya ofigbọn ọliv gbe ru, ra ne fẹrhẹfẹrhẹ ne a ya ofigbọn woo, ra ebrẹd ne a ya irhuarhua ne a ya ofigbọn ọliv gbe ru.

Levitikọs 8:2

“Rhie Errọn kevbe ivbi ẹre gha rrie onurho Owa Ukpọn Ile, u ghi vbe viọ avbe ẹwu ohẹn rre, ofigbọn ne a sa ye emwa uhunmwu, ovbi ẹkhuia ẹmila ne a ra ya zọ ese orukhọ, ogho eveva ke ẹe kevbe okhuae ebrẹd ne ọ ma hue.

Levitikọs 8:26

ọ keghi rhie ududu ebrẹd ọkpa vbe uwu okhuae ne a viọ ebrẹd ne ọma hue ne a ya fi ohan ne Nọyaẹnmwa yi, ebrẹd ne a ya ofigbọn ru kevbe ebrẹd ne fẹrhẹfẹrhẹ ọkpa, ọ keghi viọ ẹre yan ẹvbi kevbe owẹ erha ọmwa rẹn nii.

Nọmbas 6:15

Ọ ghi mu okhuae ọkpa ọghe ebrẹd ne a ma ya eyist le rre: ududu ebrẹd ne a ya irhuarhua ne a ya ofigbọn oliv gbe le, kevbe ebrẹd ne fẹrhẹfẹrhẹ ne a ya ofigbọn oliv lọọ, do deba inu ọka kevbe ayọn izẹọhẹ ne a ghi mwa yọ.

Nọmbas 6:19

A gha ghi le ogho nii nẹ, ohẹn ghi mu izabọ ẹre, kevbe ududu ebrẹd ọkpa kevbe ebrẹd ne fẹrhẹfẹrhẹ ọkpa vbe okhuae nii, Ọ ghi viọ ẹre ye Agbihiagha nii obọ.

I Kọrinti 5:7

Wa rhie eyist ọwiẹyi orukhọ na hi ehe ne uwa ye rre, ne uwa miẹn ehe na huan fo. Ẹghẹ nii, wa ghi do ye vbe ẹlubọ ne a ma he rhie eyist yi, I rẹnrẹn ighẹ egbe emwi vberriọ ọre uwa khin. Rhunmwuda a le evbare Alagberra mwa nẹ nian, ugbẹn vbe a miẹn wẹ, a ya Kristi ne ọre Oteghe Ohuan Alagberra mwa, zọ ese nẹ.