Ẹksọdọs 29:14 - Edo Bible (E Baibol Ẹdo) Version 1996

¹⁴ Sokpan, efun ẹnrẹn, ẹkpokhurhu ẹre kevbe ohian rẹn, u ghi ya giẹn enii vbe a gha la hin agọ rre nẹ. Izọhẹ ne a ya kpe orukhọ avbe ohẹn kua ọre enii khin.

Ẹksọdọs 29:14 ပူးပေါင်းရင်းမြစ်များ

II Krọnikol 29:24

Ẹre avbe ohẹn na gbele avbe ẹwe nii, iran na hihiẹ esagiẹn iran ye Ogiukpo zẹ vbe izọese ne a ya hẹ orukhọ emwa ni gha rrie, rhunmwuda, ọba tae nẹ wẹ ne a zọ ese ne a giẹn uan kevbe ese orukhọ ne Izrẹl hia.

Ẹzra 8:35

Emwa hia ni ke iwe rre keghi viọ emwiokọ rre wẹ ne a giẹn ọnrẹn ya zọ ese ghe Osanobua Izrẹl.

Ẹksọdọs 30:10

Errọn ghi ru ugamwẹ ayabọ orukhọ ọghe ukpẹ enenẹ nii rrọọ uhukpa vbe ukpo. Ọ ghi lo esagiẹn emwi ne a gbe ya zọ ese ye orukhọ. Wa ghi yevbe gha ru vberriọ vbe orre ne ọ dee. A ghi gie ẹe gha re aka ne ọ huanrẹn ẹsẹse ne a ya fi ohan ne imẹ ne Nọyaẹnmwa.”

Ezikiẹl 43:21

U ghi mu ẹkhuia ẹmila ne a ya zọ ese ye orukhọ, u ghi gien ọnrẹn uan vbe ehe ne a mwamwa yọ ne a na gha ru ẹe vbe a gha lahin iwewe Ọgua Osa rre nẹ.

Levitikọs 16:11

Errọn ghi gbe ẹkhuia ẹmila nii ye orukhọ ọghọe kevbe ọghe emwa rẹn,

Levitikọs 16:27

Ẹkhuia ẹmila kevbe ẹwe ne a gbele ya zọ ese orukhọ nii, ne a mu esagiẹn ọnrẹn ye uwu Owa Ukpon Ile ne ọ kpe orukhọ kua, a ghi viọ iran lahin ore agọ rre, a ghi giẹn iran uan, ke ohian kevbe efun, kevbe ibiẹ ọre, a ghi giẹn ehia a.

Levitikọs 16:3

Ọ gha mu ovbi ẹkhuia ẹmila ya zọ ese orukhọ nẹ, kevbe ogho ne ọ ya zọ ese na giẹn uan, iyeke ọnii, ọ sẹtin la uwu Ehe Nọhuansẹ Ehia nii.”

Levitikọs 4:21

Ọ ghi mu ẹkhuia ẹmila nii hin ore agọ rre, ọ ghi ya giẹn ọnrẹn, zẹ vbene a giẹn ne irẹn ya zọ ese ye orukhọ obọ irẹn. Ese ne a ya rhie orukhọ hin uwu ẹbu emwa rre ọre nọ.

Levitikọs 4:25

Ohẹn ghi fi ikpinhianbọ ẹre ye uwu esagiẹn aranmwẹ na, ọ ghi rhie ẹre ye ukpẹ ni rre okhiẹ aka nii, ọ ghi hihiẹ ni dekẹe ye ẹzi aka nii.

Levitikọs 4:29

Ọ ghi rhie obọ yan ẹre uhunmwu, ọ ghi gbe ẹe vbe odẹ okuọ ọghe aka ne a na gbele aranmwẹ ne a ya zọ ese na giẹn uan.

Levitikọs 4:3

Adeghẹ Ogie Ohẹn ọre ọ ru orukhọ ne ọ na mu abe gie emwa nii, ọ ghi mu ẹkhuia ẹmila ne ẹ i mwẹ okan ya zọ ese ghe Nọyaẹnmwa ye orukhọ ẹre.

Levitikọs 4:32

“A deghẹ ọmwa mu ohuan rre do ya zọ ese ye orukhọ, a ghi gie ẹe gha re amwẹ ne ẹ i mwẹ okan.

Levitikọs 5:6

Ọ ghi mu iye ohuan ra ẹwe gie Nọyaẹnmwa zẹ vbe oya ne a ghi rri ọre re ye orukhọ ne ọ ru. Ohẹn ghi ya zọ ese nẹẹn, ne ọ kpe orukhọ ọre kua.

Levitikọs 5:8

“Ọ ghi viọ iran bu ohẹn gha dee ne ọ ka ye ọkpa vbọ zẹ ese ye orukhọ. Ọ ghi bun ẹnrẹn ẹyaẹn vbe ne ẹ i na vbọ uhunmwu ẹnrẹn hin rre.

Levitikọs 6:25

“We ne ọ ma Errọn kevbe ivbi ẹre, emwamwa na, ọ ghe vbene a zọ ese ye orukhọ hẹẹ. Aranmwẹ ne a ya zọ ese ye orukhọ, odẹ okuọ ọghe aka ọre a gha na gha gbe ẹe, odẹ ehe ne a na gbele aranmwẹ eso ne a giẹn uan, izọese ne ọ huansẹ ẹsẹse ọre ọna khin.

Levitikọs 8:17

Ọ keghi mu ne ọ ghi dekẹe vbe ẹkhuia nii, ke ẹe kevbe ohian rẹn, efun kevbe ẹkpokhurhu ẹre, ọ keghi ya giẹn ọnrẹn uan vbe a ghi lahin agọ rre nẹ zẹ vbene Nọyaẹnmwa wẹ ne a ru ẹe.

Levitikọs 9:2

Ọ keghi tama Errọn wẹẹ, “Mu ovbi ẹkhuia ẹmila kevbe ogho ne ẹ i mwẹ okan ne uwa ya iran zẹ ọhẹ gie Nọyaẹnmwa, ẹkhuia ne ọ rrọọ, ọghe izọese orukhọ, ke ogho ne ọ rrọọ, ọ ghe izọese na giẹn uan.

Malakai 2:3

I gha rria ivbi uwa ikhi, i ghi ya uwa aro wiẹn isan avbe aranmwẹ ne uwa do ya zọ ese, a ghi vbe dada uwa ladian gha rrie otiku.

Nọmbas 19:5

A ghi vbe sirra ohẹn giẹn ikun aranmwẹ ni hia, ohian, kevbe efun, esagiẹn kevbe ibiẹ ọre.