Ẹksọdọs 29:13 - Edo Bible (E Baibol Ẹdo) Version 1996

¹³ Iyeke ọnii, u ghi mu esagiẹn ne ọ rhu yan ẹkpokhurhu ẹre kevbe ẹvbi ne ọ rre udu ẹre kevbe ihẹnmwẹ ọnrẹn eveva kevbe ẹvbi nii rhu yan iran, u ghi giẹn ehia vbe uhunmwu aka zẹ vbe emwi izọhẹ ghe mwẹ.

Ẹksọdọs 29:13 ပူးပေါင်းရင်းမြစ်များ

Psalm 22:14

Orhiọn mwẹ tin fua, ọ wirua zẹvbe amẹ ne a nọnọ ye otọ. Ugboloko mwẹ hia lahin akhuẹn rre, ekhọe mwẹ yevbe odan ne a ranraẹn.

Ẹksọdọs 12:9

Wa ghẹ rri ọre ọghọgbọn ra na a le ẹe, sokpan a ghi wa tọn ikun ẹnrẹn vberriọ, kevbe uhunmwu ẹnrẹn kevbe inu rẹn ke emwi ni rre ọre uwu egbe hia.

Ẹksọdọs 29:18

U ghi wa giẹn ogho nii hia vbe uhunmwu aka. Izọhẹ ne a giẹn ne Nọyaẹnmwa ọre ọna khin, izọhẹ ne a ya erhẹn ru nọ ke ẹe kevbe uwinhinmwẹ ne ọ yẹ mwẹ.

Ẹksọdọs 29:22

U ghi fian efun ogho nii, ẹrhunrhun ẹnrẹn ne ọ tii, ẹvbi ne ọ rhu yan ibiẹ kevbe ẹkpokhurhu ẹre, ududu ẹvbi ne ọ rre udu ẹre, ihẹnmwẹ ọnrẹn eva kevbe ẹvbi ne ọ rrọọ, ekuawẹ obọ erha ọmwa ọnrẹn.

Ẹksọdọs 29:25

Iyeke ọnii, u ghi miẹn iran evbare nii, u ghi giẹn ọnrẹn vbe uhunmwu aka, vbe uhunmwu avbe emwi imuohan na a giẹn uan, ne ọ miẹn ehe na rhie uwinhinmwẹ ne ọ yẹ mwẹ ladian, emwi imuohan evbare ne a ya rhie gun mwẹ nọ.

Aizaia 1:11

Ọ wẹẹ, “Wẹ yayi wẹ mẹ mwẹ emwi ne imẹ ye avbe ese nibun ne uwa zọ ghe mwẹ na ru ra? Avbe ohuan ne uwa ya zọ ese ghe mwẹ, deba ẹvbi ọghe aranmwẹ ruẹn, khan mwẹ ne. Esagiẹn ẹmila kevbe ọghe ẹwe khan mwẹ.

Aizaia 34:6

Esagiẹn kevbe efun egbe iran gha gba umozo ẹre aro kevbe iyeke, zẹvbe esagiẹn kevbe efun ivbiohuan kevbe ẹwe ne a ya zọ ese. E Nọyaẹnmwa gha zọ ese na vbe Bozra; ọ gha ru ẹe ne obọ ugbemwẹ ọnrẹn dotọ ẹsẹse vbe otọe Idọm.

Aizaia 43:24

Wa ma dẹ eturari mẹ, a ma ghi wẹ wa gha ya ẹvbi aranmwẹ vuọn mwẹ ẹko, sokpan, wa keghi ya ẹmwẹ orukhọ uwa mu ihẹ mẹ. Wa ya ẹmwẹ abakuru uwa wọọ mwẹ egbe. Wa keghi ya ẹmwẹ orukhọ ne uwa ru wiẹn mwẹ uan.

Levitikọs 1:15

Ohẹn ghi mu ẹẹn gha die aka, ọ ghi khiẹn ọnrẹn urhu, ọ ghi giẹn uhunmwu ọnrẹn vbe aka. A ghi da esagiẹn ọnrẹn ladian ye egbe aka.

Levitikọs 1:9

Okpia nii ghi kpe avbe ibiẹ ọre kevbe avbe owẹ ọre, ohẹn ne ọ ru ugamwẹ ghi giẹn ese nii hia vbe aka. Uwinhinmwẹ emwi imuohan evbare na yẹ Nọyaẹnmwa.

Levitikọs 16:25

Ọ ghi ya giẹn ẹvbi aranmwẹ ne a ya zọ ese orukhọ vbe aka.

Levitikọs 17:6

Ohẹn ghi rhurhẹ esagiẹn ọnrẹn ku ikinnegbe aka ne ọ rre onurho ne a la lao Owa Ukpọn, ọ ghi giẹn ẹvbi ẹre ne ọ miẹn ehe na winhin ladian uwinhinmwẹ ne ọ gha yẹ e Nọyaẹnmwa ladian.

Levitikọs 4:26

Ọ ghi giẹn efun ẹnrẹn hia vbe aka nii, zẹ vbe ne ọ vbe ru aranmwẹ ne a gbe ya si isara, odẹ vberriọ, ohẹn gha zọ ese ye orukhọ ne enogie ru, a ghi vbe ya bọe.

Levitikọs 4:31

Iyeke ọnii, ọ ghi viọ ẹvbi nii rrọ hia hin rre, zẹ vbene a vbe viọ ẹvbi hin aranmwẹ ne a gbe ya sisara, ne u vbe giẹn rẹn uan vbe aka, zẹ vbe emwi ne ọ winhin ne ọ yẹ e Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.

Levitikọs 4:35

Iyeke ọnii, ọ ghi viọ ẹvbi ẹre hia ladian zẹ vbe ne a vbe viọ ẹvbi hin ohuan ne a gbe ya sisara, a ghi giẹn ọnrẹn vbe aka ba emwi ihaoko evbare ne a viọ gie Nọyaẹnmwa. Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe.

Levitikọs 6:12

A ghi gie erhẹn nọ rre aka gha baa, vbe ne ẹ i na dọyọ. Owiẹ owiẹ ọre ohẹn gha ya gha viọ erhan yọ, ọ ghi mwamwa ese na giẹn uan nii yọ, ọ ghi vbe giẹn efun emwi isara.

Levitikọs 7:3

A ghi viọ ẹvbi ẹre hia ladian a ghi ya ẹe zẹ ọhẹ ye uhunmwu aka, ẹrhunrhun ẹnrẹn ne ọ ti, ẹvbi ne ọ rhu lele ẹkpokhurhu ẹre,

Levitikọs 7:31

Ohẹn ghi giẹn ẹvbi ẹre vbe aka, sokpan ohẹn ọ re ọ yan ewẹn ne ọ rrọọ.

Levitikọs 7:4

ihẹnmwẹ ọnrẹn kevbe ẹvbi nii rri ọe, kevbe ititi ẹvbi nii rre udu ẹre.

Levitikọs 8:16

E Mosis keghi viọ ẹvbi ni rre ẹkpokhurhu ẹre hia, ititi ẹvbi ne ọ rre udu ẹre kevbe ihẹnmwẹ ọnrẹn kevbe ẹvbi ni rrọ, ọ na giẹn ọnrẹn uan vbe aka.

Levitikọs 8:25

Ọ keghi mu ẹvbi ẹre, ẹrhunrhun ẹnrẹn nọkhua, ẹvbi hia ni rhu gue ẹkpokhurhu ẹre, kevbe ititi ẹvbi ne ọ rre avbe ihẹnmwẹ ke ẹvbi ni rhu yan iran, ke owẹ erha ọmwa rẹn,

Levitikọs 9:10

Ọ ke ghi giẹn ẹvbi ẹre, ihẹnmwẹ ọnrẹn, kevbe ititi ẹvbi ne ọ rre udu ẹre, zẹ vbe ne Nọyaẹnmwa tama e Mosis.

Levitikọs 9:19

Errọn keghi mu ehe ne ẹvbi ẹkhuia nii ye kevbe ogho nii,

Nọmbas 18:17

Sokpan emọ ọdiọn ọghe ẹmila, ohuan kevbe ẹwe, a i ra dẹlẹ iran werriegbe, ọghomwẹ iran wa khin fẹẹrẹ, te a gha gbele iran ya zọ ese. A ghi hihiẹ esagiẹn iran ya aka, a ghi giẹn ẹvbi iran zẹ vbe izẹ ọhẹ evbare, emwi ne ọ winhin yẹ mwẹ.

I Samuẹl 2:16

A deghẹ okpia nii ghi wanniẹn wẹẹ, “Gia ka giẹn ẹvbi ẹre nẹ, iyeke ọnii, u sẹtin rhie ne ọ ye ruẹ.” Ọguọmwadia ohẹn ghi kha wẹẹ, “Ẹn o, rhie mẹ nian! A deghẹ u ma rhie mẹ, I gha ya ẹtin miẹn ruẹn re!”