Ẹksọdọs 29:10 - Edo Bible (E Baibol Ẹdo) Version 1996

¹⁰ “U ghi mu ẹkhuia ẹmila nii gha die odaro Owa Ukpọn ne a na miegbe. Errọn kevbe ivbi ẹre ghi viọ obọ iran yan rẹn uhunmwu.

Ẹksọdọs 29:10 ပူးပေါင်းရင်းမြစ်များ

Ẹksọdọs 29:11

U ghi gbe ẹkhuia ẹmila nii vbe evba vbe odaro Nọyaẹnmwa vbe onurho ne a la la Owa Ukpọn ne a na miegbe.

Ẹksọdọs 29:15

“U ghi mu ọkpa vbe uwu avbe ogho nii. U ghi tama Errọn vbe ivbi ẹre ne iran viọ obọ iran yan ẹre uhunmwu.

Ẹksọdọs 29:19

U ghi mu ogho nọkpa, Errọn kevbe ivbi ẹre ghi viọ obọ yan ẹre uhunmwu.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Ezikiẹl 43:23

U ghẹ ghi ru ọnii nẹ, u ghi mu ovbi ẹkhuia ẹmila, kevbe ovbi ogho, iran eveva ghi gha re ne ẹ i mwẹ okan.

Levitikọs 1:4

Ọ ghi rhie obọ yan rẹn uhunmwu, a ghi rhan obọ miẹn rẹn zẹ vbe ese ne ọ gha viọ orukhọ ẹre gha rrie.

Levitikọs 16:21

Ọ ghi viọ obọ re eveva yan ẹwe nii uhunmwu, ọ ghi miẹn rẹn kue uyimwẹ dan hia, ke avbe orukhọ kevbe uyinmwẹ isọtẹ ne ivbi Izrẹl ru yan ẹre uhunmwu, ọ ghi la ekpa odẹ vberriọ werriẹ ehia yan ẹwe nii uhunmwu. Iyeke ọnii, ọmwa ne a zẹ ye otọ ne ọ ru ẹe ghi khu ẹwe nii la uwu ato.

Levitikọs 3:2

Ọ ghi rhie obọ ẹre yan uhunmwu aranmwẹ nii, ọ ghi gbe ẹe vbe onurho Owa Ukpọn ẹ Nọyaẹnmwa, avbe ohẹn Errọn ghi hihiẹ esagiẹn ọnrẹn ye igienenẹ ọghe aka.

Levitikọs 4:4

Ọ ghi mu ẹkhuia ẹmila nii gha die onurho Owa Ukpọn, ọ ghi rhie obọ yan ẹre uhunmwu, ne ọ gbe ẹe ye evba vbe odaro Nọyaẹnmwa.

Levitikọs 8:14

E Mosis keghi do mu ovbi ẹkhuia ẹmila ọghe ese orukhọ, Errọn kevbe ivbi ẹre keghi viọ obọ iran yan ẹre uhunmwu.

Levitikọs 8:18

Iyeke ọnii, e Mosis keghi mu ogho ne a ya zọ ese ne a giẹn uan rre, Errọn kevbe ivbi ẹre keghi viọ obọ iran yan ẹre uhunmwu.

Nọmbas 8:12

“Iyeke ọnii, avbe Livai ghi viọ obọ iran yan ekhuia ẹmila eva nii uhunmwu, a ghi ya ọkpa vbọ zọ ese orukhọ, a ghi ya nọkpa zọ ese na giẹn uan, ne a miẹn ehe na ru iruemwi akpehuan ne avbe Livai.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.