Ẹksọdọs 28:9 - Edo Bible (E Baibol Ẹdo) Version 1996

⁹ U ghi viọ ikpẹrọnmwọ usie eva, u ghi gbẹnnẹ eni ivbi e Jekọb iweva vbene a ya biẹlẹ iran lele egbe yọ.

Ẹksọdọs 28:9 ပူးပေါင်းရင်းမြစ်များ

Gẹnẹsis 2:12

(Emwana ọre a na miẹn igoru nigoru ke emwi ni winhin eso, kevbe okuta ighobioye.)

I Krọnikol 29:2

I hia re ẹsẹse ne a mu egbe emwi hia ye otọ khẹ nene Ọgua Osa na, avbe igoru, esiliva, oze, ematọn, igẹdu, okuta ighobioye kevbe ikpẹrọnmwọ, okuta na a gha gbẹnnẹ kevbe avbe okuta ne ghẹinghẹin ọrhẹnrhẹn.

II Krọnikol 2:7

Banbanna nian, gie ọmwa ne ọ fuẹro emwi ne a gbẹnnẹ, igoru ne a dunmwu, esiliva, oze, kevbe ematọn, gun mwẹ, kevbe ne ọ sẹtin ru ukpọn ne raghoragho, ododo kevbe ne ọ baa. Ọ ghi do deba avbe owinna ni rre Juda kevbe Jerusalẹm ne Devid ne erha mwẹ hannọ ye otọ nẹ.

Job 28:16

Igoru ne ọ ghi maa sẹẹ, ra ikpẹrọnmwọ ighobioye. I sẹtin vba igho ẹre.

Ẹksọdọs 25:7

“Ikpẹrọnmwọ ne mosee kevbe ikpẹrọnmwọ ne a ra ya te adaghọ ogiohẹn egbe, kevbe ne a ra viọ ye uhanhan ẹwẹe ọghe ogiohẹn.

Ẹksọdọs 28:10

U ghi gbẹnnẹ eni ehan ye ne okaro kevbe ehan ye enọkpa zẹ vbene a ya biẹlẹ iran lele egbe.

Ẹksọdọs 28:20

Uviẹn ne ogienẹ ghi gha re bẹril, kanelian, kevbe Jaspa. A ghi sikan ena ye uhanhan igoru.

Ẹksọdọs 28:36

“U ghi ya igoru ne a ma gua ru emwi itegbe ọkpa, wa ghi gbẹn yọ wẹẹ, ‘Te a ya fi ohan ne Nọyaẹnmwa.’

Ẹksọdọs 28:8

A ghi vbe rhie ugbẹkun ne a vbe ya egbe oru nii do yẹnghẹẹn ye adaghọ nii, ne iran wa gba gha re ọkpa.

Ẹksọdọs 31:5

Ne ọ guara gha giagia ikpẹrọnmwọ ọmwa, ne ọ guara gha gbẹn erhan kevbe emwi ifuẹro ọvbehe hia.

Ẹksọdọs 39:13

Ke uviẹn ne ogienẹ, e bẹril, e kanelian kevbe e jaspa. Igoru ọre a mama ehia ya.

Ẹksọdọs 39:6

Iran keghi ru ikpẹrọnmwọ kanelian, iran na yọyọ ẹe yọ uhanhan igoru, iran keghi sa eni ivbi e Jekọb ama lele ẹe vbe ne a na mu umọmọ gbe emwi ya ye ama yọ.

Ihuan Ne Ọ Sọọ Ihuan Hia 8:6

Ghẹ gie ẹmwẹ ọmwa la ruẹ aro gberra ogho mwẹ ghẹ sikan mu obọ ọmwa ọvbehe gberra ọghọ mwẹ, ahoẹmwọmwa wa mwẹ ẹtin zẹvbe uwu, orriarria wa vbe mwẹ ẹtin zẹ vbe uwu tobọ ọre, te ọ mu erhẹn, ọ ghi vbe gha giẹn emwi khian zẹvbe okperhẹn.

Aizaia 49:16

Jerusalẹm mẹ i sẹtin mianmian uwẹ ẹdẹ! I gbẹn eni ruẹn ye atataobọ mwẹ nẹ.

Ezikiẹl 28:13

U kegha rre Idẹni ne ogba Osanobua, u kegha yọ ukpọn Ikpẹrọnmwọ ughughan kevbe edaiamọn; avbe topaz, e beri, e kanelian kevbe jaspa; e safaia, emrald kevbe garnet. U kegha mwẹ emwi itegbe ọghe igoru. Ẹdẹ ne a yi uwẹ tobọ ruẹ ọ re a ru avbe emwi na nuẹn vbe ẹdẹ ne a wa yi uẹ.

Zẹkaraia 9:16

Ọ gha sẹ ẹdẹrriọ, e Nọyaẹnmwa gha miẹn emwa rẹn fan. Zẹ vbene ọsuohuan sinmwi oghẹn ohuan rẹn ladian hin ihe ẹbe rre.