Ẹksọdọs 28:8 - Edo Bible (E Baibol Ẹdo) Version 1996

⁸ A ghi vbe rhie ugbẹkun ne a vbe ya egbe oru nii do yẹnghẹẹn ye adaghọ nii, ne iran wa gba gha re ọkpa.

Ẹksọdọs 28:8 ပူးပေါင်းရင်းမြစ်များ

Ẹksọdọs 28:7

A ghi vbe rhie okun izabọ eva ne a gha ya gha gba ẹe yọ ẹre asefẹn eveva.

Ẹksọdọs 28:9

U ghi viọ ikpẹrọnmwọ usie eva, u ghi gbẹnnẹ eni ivbi e Jekọb iweva vbene a ya biẹlẹ iran lele egbe yọ.

Ẹksọdọs 29:5

Iyeke ọnii, u ghi viọ ukpọn ohẹn nii, u ghi rhie ẹwu, ẹwu ne a mu ya ẹwu ọkotọ, adaghọ kevbe uhanhan ukpọn ẹwẹe ọghe Errọn, u ghi vbe ye ukugba gba ẹre ẹkun lẹga.

Ẹksọdọs 39:5

Ugbẹkun ne a do mose mose nii ke wa vbe deba nene ẹwu adaghọ na, obọ ona ọkpa nii ọre a vbe ya ruẹe ne a na ye igoru, eto ohuan ne raghoragho, ne ọ vboro rhan-an kevbe ne ọ baa ruẹe, kevbe eto ovbiohuẹ ne vbukhẹẹ ne a mẹ, zẹ vbene Nọyaẹnmwa tama e Mosis ne ọ ru ẹe.

Aizaia 11:5

Ẹmwata kevbe uhunmwu ẹmwẹ ọ re ọ ra ya gha khaemwisẹ yan emwa rẹn.

Levitikọs 8:7

Ọ keghi mu ẹwu iruemwi nii yọ ẹe, ọ keghi ye ugbẹkun ne mose ne a do nii gba ẹe ginna ẹẹn vbe ẹkun.

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.

Arhie Maan 1:13

Emwi ọkpa ne ọ ye vbe ọmwa keghi mudia ye adesẹneva iran, ọ keghi yọ agbada ẹwu ne ọ wa sẹ ọre otọ, ọ keghi vbe mwẹ egba igoru ne ọ wa lẹga re ẹwẹe.