Ẹksọdọs 28:43 - Edo Bible (E Baibol Ẹdo) Version 1996

⁴³ Ẹghẹikẹghẹ ne Errọn kevbe avbe ivbi ẹre a rhirhi ya gha rrie Owa Ukpọn Ne ọ huanrẹn mwẹ, iran ghi rhie ẹre gba, ne iran ghẹ ya bannọ uan ne a ghẹ gbele iran an. Iyi etẹbitẹ ọre ọna khin ne Errọn kevbe ivbi uniẹn ọnrẹn ẹdẹdẹmwẹdẹ.

Ẹksọdọs 28:43 ပူးပေါင်းရင်းမြစ်များ

Ẹksọdọs 20:26

Wa ghẹ ru aka ne a nana ikpawẹ ya gha sẹ mẹ, ne uwa ghẹ ya gha bannọ uan vbe uwa a gha hin ẹnrẹn khian.

Ẹksọdọs 27:21

Errọn kevbe ivbi ẹre ghi mu ukpa na ye uwu Owa Ukpọn ne Osanobua na do gha miẹn emwa rẹn aro, vbe iyeke ukpọn onurho ne ọ rre odaro avbe uhanhan ayere. Ọ ghi gha baa vbe odaro mwẹ vba ke ota ya sẹ owiẹ. Ẹmwẹ na, ivbi Izrẹl ghi da ẹe yi rhinrin ẹdẹdẹmwẹdẹ kevbe avbe emọ ne iran gha biẹlẹ.

Ẹksọdọs 30:21

Te iran gha kpe obọ kpe owẹ ne iran ghẹ wulo. Uhi ne ọ kere ne iran kevbe ivbi uniẹn iran dayi ẹdẹdẹmwẹdẹ ọre ọna khin.”

Ezikiẹl 44:17

Iran gha la odẹ ne a la yo ẹghodo ne ọ ke uwu ẹre vbe Ọgua Osa, iran ghi yọ ukpọn eto ovbiohuẹ. Iran gha tae emwi vbe uwu Ọgua ne ọ ke uwu ẹre vbe Ọgua Osa, ọ ma kei ne iran yọ ukpọn ne a ya oru do hiehiere, ne ọfọ ghẹ miẹn ehe na fọ iran.

Levitikọs 16:13

Evba nii i, ọ ghi viọ eturari nii ye erhẹn vbe odaro Nọyaẹnmwa, ighogho eturari nii gha degue ugue Ẹkpẹti Ile nii ne ọ ghẹ miẹn ehe na dẹghe ẹre, ne ọ ghẹ ya wu.

Levitikọs 17:7

Ivbi Izrẹl i ghi khian dọlegbe gha re ne ẹ i gie a mu ẹtin yan vbe obọ Nọyaẹnmwa, vbe ekpa ne iran na gbele aranmwẹ iran vbe uwu oha ya zọ ese ghe avbe orhiọn dan ọghe ẹwe. Ivbi Izrẹl ghi gha rhie emwamwa na mwẹ ẹdẹdẹmwẹdẹ.

Levitikọs 22:15

A ghẹ gie avbe ohẹn fafa emwi izẹọhẹ ni huanrẹn uan.

Levitikọs 22:9

“Avbe ohẹn hia ghi lele emwamwa ne I mu ye otọ. De ghẹ ẹ i re vberriọ iran gha rrie abe, a ghi vbe gbele iran an, rhunmwuda, iran rra uhi emwamwa ne ọ huanrẹn. Mẹ ọ re Nọyaẹnmwa, mẹ ọ re ọ vbe ya iran khian ne ọ huanrẹn.

Levitikọs 3:17

Ivbi Izrẹl rhọkpa ghẹ rri ẹvbi ra esagiẹn; uhi ne emwa hia gha da yi ke orre yasẹ orre vbe ehe ne iran arhirhi gha ye, ọre ọna khin.”

Levitikọs 5:1

“Avbe emwi vbenian ọre a gha zọ ese orukhọ yi. A gha la odẹ ne a ru ẹe la tie ọmwa ne ọ do sẹ osẹe vbe iko, a deghẹ ọ ma ta ẹmwẹ nii zẹ vbene aro ẹre sẹ ọe, ra vbene a tama irẹn hẹ, ọ rri abe.

Levitikọs 5:17

“A deghẹ ọmwaikọmwa la ekpa a i gbe aro ke otọ ru orukhọ vbe ẹghẹ ihaoko a hae werriegbe gie ohẹn,

Nọmbas 15:15

Uhi na ghi gha re ne uwa kevbe avbe erhunmwuyẹn ni rre ẹvbo rua, gha ya gha ru emwi rhinrin ẹdẹ. Ọkpa ọ re uwa vbe iran khin vbe odaro Nọyaẹnmwa.

Nọmbas 18:22

Ivbi Izrẹl i ghi ra dọlegbe gha sikẹ Owa Ukpọn nii ọvbehe ne iran ghẹ gia do gha rri iran oya uwu.

Nọmbas 18:32

U i ra vbe ya ẹe rri abe vbe u gha rri ọe a deghẹ wẹ viọ ne ọ maa sẹẹ vbọ gie Nọyaẹnmwa nẹ. U ma viọ ehe ne ọ maa sẹẹ vbe emwi izẹọhẹ ne ivbi Izrẹl viọ rre ya zẹ ọhẹ nẹ, ghẹ re vbọ ne u ghẹ ya mu awua yọ, ne a ghẹ ya gbuẹ ua.”

Nọmbas 18:8

E Nọyaẹnmwa keghi tama Errọn wẹẹ, “Yerre wẹ avbe emwi hia ne a ya zẹ ọhẹ kpataki gunmwẹ, vbe ne a ma na giẹn ọnrẹn uan, te I khian viọ ehia nuẹn. Te I khian viọ iran ne uwẹ kevbe avbe ivbuẹ, ne ọ gha re ne a ghae ne uwa rhinrin ẹdẹ.

Nọmbas 9:13

Sokpan, a deghẹ ọmwa ne awua i gue nọ, ighẹ ọ ma vbe yo ehe rhọkpa, ne ọ ma ru emwiukpo Alagberra, a i ghi vbe kae ba avbe emwa mwẹ, rhunmwuda ọ ma zẹ ọhẹ ni gunmwẹ vbe ẹghẹ ne a mwa yọ. Uhunmwu ẹnrẹn ọre ọ ra ya mu emwi ne ọ gha ke orukhọ ẹre ikian.