Ẹksọdọs 28:41 - Edo Bible (E Baibol Ẹdo) Version 1996

⁴¹ U ghi yọ Errọn ne ọtuẹn ke ivbi ẹre nikpia ẹwu na, iyeke ọnii, u ghi nọnọ ori oliv ye iran uhunmwu, ma iran ohẹn, ne u ya iran fiohan, ne iran sẹtin gha ga mwẹ zẹ vbe ohẹn.

Ẹksọdọs 28:41 ပူးပေါင်းရင်းမြစ်များ

Ẹksọdọs 28:1

“Tama iran ne iran viọ ọtuẹn ighẹ Errọn kevbe avbe ivbi ẹre e Nadab, Abihu, Eliaza kevbe Itama ke uwu ẹbu emwa Izrẹl ladian gha dee ne iran do gha ga mwẹ zẹ vbe avbe ohẹn.

Ẹksọdọs 28:4

Ẹwu ne iran gha sele ọre ena khin. Ne a mu rhu ẹwẹe, adaghọ, agbada, ẹwu ne a do, ukugba uhunmwu kevbe ọza, iran ghi se ẹwu ne ọ huanrẹn ne Errọn ne ọtuẹn ke avbe ivbi ẹre nikpia ne iran sẹtin gha ga mwẹ zẹ vbe ohẹn.

Ẹksọdọs 29:24

U ghi viọ evbare na hia ye Errọn kevbe ivbi ẹre obọ, u ghi wẹ ne iran ya ẹe fiohan vbene a gha na wẹ ne iran niẹn rẹn ladian zẹ vbe emwi izọhẹ gun mwẹ.

Ẹksọdọs 29:35

“Emwi ne I tama ruẹn na zẹẹ ọre u ra ru ne Errọn kevbe avbe ivbi ẹre. Ikpẹdẹ ihinrọn ọre u ra do ugie ne a ya ma iran ohẹn la.

Ẹksọdọs 29:7

U ghi rhie ofigbọn ne a nọnọ ye ọmwa uhunmwu, u ghi tue ẹre yọ ẹre uhunmwu ne u ya zọe ye ughaẹn.

Ẹksọdọs 29:9

U ghi gbalọ iran ebuluku, u ghi dọlọ ẹrhu ye iran uhunmwu, iran ọ khian gha re ohẹn zẹ vbe ne iyi itẹbitẹ mwẹ khare. Vbene u gha ya ye Errọn kevbe ivbi ẹre ma ohẹn ọre ọna khin. Iran kevbe uniẹn iran gha ga mwẹ vbe ukpo ohẹn ẹdẹdẹmwẹdẹ.

Ẹksọdọs 30:35

Ya ehia ru emwi ne ọ winhin zẹ vbene iran ni ru emwi ni winhin ne a ya wuo ru ẹe, a ghi ya umwẹ yọ, ya ẹe khian ne ẹ i mwẹ iruẹn kevbe ne ọ huanrẹn.

Ẹksọdọs 40:13

U ghi yọ Errọn ukpọn iruenmwi nii, u ghi nọnọ ori ye ọre uhunmwu, odẹ vbe rrọ ọre u gha ya ya ẹe fiohan ne ọ miẹn ehe na gha ga mwẹ zẹ vbe ohẹn.

Ẹksọdọs 40:15

U ghi nọnọ ori ye iran uhunmwu, zẹ vbene u vbe ya nọnọ ori ye erha iran uhunmwu nii iran gha ga mwẹ zẹ vbe ohẹn Odẹ vberriọ iran gha re ohẹn rhinrin vbe ẹghẹ ne ọ dee.”

Aizaia 10:27

Ẹghẹ nii gha sẹ I gha fannọ uwa yotọ hin obọ ẹtin Asiria rre, urọnghọn iran i ghi ra ye dọlegbe gha re ihẹ vbe izabọ uwa.”

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Ezikiẹl 43:26

Avbe ohẹn ghi ya ikpẹdẹ ihinrọn họnmwẹ ogiukpo, ne iran ya mu ẹre egbe yotọ khẹ ẹghẹ ne a gha ya lo ẹre.

Levitikọs 10:7

Wa ghẹ kpa vbe onurho Owa Ukpọn Ile rre ne uwa ghẹ wulo, rhunmwuda a ya ori ne a sa ye uwa uhunmwu ya uwa fi ohan ne Nọyan nẹ.” Iran keghi ru vbene Mosis khare.

Levitikọs 16:24

Ọ ghi ya khuẹ vbe ehe ne ọ huanrẹn, ọ ghi yọ ẹwu obọ ẹre, vbe iyeke ọnii, ọ ghi ladian ya zọ ese na giẹn uan, ne ọ ya kpe orukhọ egbe ẹre kua, kevbe ọghe avbe emwa nii.

Nọmbas 16:5

Iyeke ọnii, ọ keghi tama Kora kevbe ivbi otu ẹre hia wẹẹ, “Vbe owiẹ ẹdẹ na khuẹ, e Nọyaẹnmwa gha rhie ne ọ re ọghe ọe ma ima, ọ gha gie ọmwa nọ re ọghe ọe, ọmwa ne irẹn zẹe, sikẹ ọre vbe aka.

Nọmbas 3:3

A nọnọ ori ye iran uhunmwu, a kevbe ma iran ohẹn.

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

Hibru 5:4

Orhunmwu ọkpa ne ọ tobọ ẹre mu ọghọ akpa ogie ohẹn yọ egbe ẹre, ẹ i rrọọ. Osanobua ọre ọ zẹ ọmwa ne a ya ma ogie ohẹn, zẹ vbene a zẹ Errọn.

Hibru 7:28

Emwa ne ọ ma khia na, ọre Uhi e Mosis zẹlẹ ye ukpo igie ohẹn, sokpan ẹmwẹ eyan Osanobua, ne ọ ghi do kiekie rre khẹ nene Uhi, keghi zẹ Ovbi Osanobua ọmwa ne a ya khian ne ọ gba na fo nẹ rhinrin ẹdẹ.

I Jọn 2:20

Sokpan, Kristi tue Orhiọn Ne Ọ Huanrẹn yan uwa nẹ, rhunmwuda ọnii, wa hia rẹn nene ẹmwata nẹ.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.