Ẹksọdọs 28:40 - Edo Bible (E Baibol Ẹdo) Version 1996

⁴⁰ U ghi vbe do ẹwu ne ivbi Errọn nikpia ke ẹkpo kevbe ẹrhu ne ọ gha rhie uyi kevbe ose ye ọmwa egbe.

Ẹksọdọs 28:40 ပူးပေါင်းရင်းမြစ်များ

Ẹksọdọs 28:2

U ghi se ẹwu ne ọ huanrẹn ne Errọn ne ọtuẹn ne ọ gha re ọghe ọghọ kevbe ose.

Ẹksọdọs 28:4

Ẹwu ne iran gha sele ọre ena khin. Ne a mu rhu ẹwẹe, adaghọ, agbada, ẹwu ne a do, ukugba uhunmwu kevbe ọza, iran ghi se ẹwu ne ọ huanrẹn ne Errọn ne ọtuẹn ke avbe ivbi ẹre nikpia ne iran sẹtin gha ga mwẹ zẹ vbe ohẹn.

Ẹksọdọs 29:8

U ghi viọ ivbi ẹre rre, u ghi yọ iran ẹwu.

Ẹksọdọs 29:9

U ghi gbalọ iran ebuluku, u ghi dọlọ ẹrhu ye iran uhunmwu, iran ọ khian gha re ohẹn zẹ vbe ne iyi itẹbitẹ mwẹ khare. Vbene u gha ya ye Errọn kevbe ivbi ẹre ma ohẹn ọre ọna khin. Iran kevbe uniẹn iran gha ga mwẹ vbe ukpo ohẹn ẹdẹdẹmwẹdẹ.

Ẹksọdọs 39:41

Avbe ukpọn ughughan ne avbe ohẹn ya ru ugamwẹ vbe uwu ehe ne ọ huanrẹn. Ukpọn ne ogihinrọn ọghe Errọn ne ohẹn, kevbe ẹwu ne ivbi ẹre yọ vbe iran a gha ru ugamwẹ zẹ vbe ohẹn.

Aizaia 52:1

Jerusalẹm, wegbe ne u vbe dọlegbe gha kpolo! Ẹvbo nọhuanrẹn ọghe Osanobua, ya ose yọ egbe ruẹ ẹwu. Avbe ni ma yayi i ghi dọlegbe fi owẹ la onurho ruẹ ọvbehe.

Levitikọs 16:24

Ọ ghi ya khuẹ vbe ehe ne ọ huanrẹn, ọ ghi yọ ẹwu obọ ẹre, vbe iyeke ọnii, ọ ghi ladian ya zọ ese na giẹn uan, ne ọ ya kpe orukhọ egbe ẹre kua, kevbe ọghe avbe emwa nii.

Levitikọs 8:13

Iyeke ọnii, e Mosis keghi viọ ivbi Errọn hia rrie odaro, ọ na viọ ẹwu yọ iran, ọ na gbalọ iran ebuluku, ọ na vbe gbalọ ẹrhu ye iran uhunmwu zẹ vbene Nọyaẹnmwa khare.

Taitọs 2:10

Iran ghẹ do iran emwi hẹ. Sokpan, ọ kere ne iran gha rhie maa vbe ẹghẹ hia, vbe emwi ne iran ru hia ighẹ iran maa, iran vbe gie a mu ẹtin yan, ne iran miẹn ehe na gie emwa gha ta ẹmwẹ ọnrẹn ẹse, ighẹ emwi ne a ma emwa ẹre, vbe ekpa Osanobua ne Ọmiọnmwafan mwa.

Taitọs 2:7

Wẹ tobọ ruẹ gha re igiemwi vbe uwu iwinna esi hia. U ghi mu aro yọ ne u vbe gha ta ẹmwata vbe u a gha ma emwa emwi.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”