Ẹksọdọs 28:4 - Edo Bible (E Baibol Ẹdo) Version 1996

⁴ Ẹwu ne iran gha sele ọre ena khin. Ne a mu rhu ẹwẹe, adaghọ, agbada, ẹwu ne a do, ukugba uhunmwu kevbe ọza, iran ghi se ẹwu ne ọ huanrẹn ne Errọn ne ọtuẹn ke avbe ivbi ẹre nikpia ne iran sẹtin gha ga mwẹ zẹ vbe ohẹn.

Ẹksọdọs 28:4 ပူးပေါင်းရင်းမြစ်များ

II Samuẹl 6:14

Ukpọn eto ovbiohuẹ ọkpa ọ re Devid rra mu ẹkun, ọ kegha ya ẹtin ẹnrẹn hia kuu ne ọ ya ya ọghọ ne Nọyaẹnmwa.

Ẹksọdọs 25:7

“Ikpẹrọnmwọ ne mosee kevbe ikpẹrọnmwọ ne a ra ya te adaghọ ogiohẹn egbe, kevbe ne a ra viọ ye uhanhan ẹwẹe ọghe ogiohẹn.

Ẹksọdọs 29:6

U ghi rhie ọza uhunmwu ne u vbe de ama ne ọ huanrẹn ọghe a ya fiohan ye ọza uhunmwu nii.

Ẹksọdọs 39:28

Ukugba uhunmwu, ẹrhu, utalawẹ eto ovbiohuẹ.

Aizaia 11:5

Ẹmwata kevbe uhunmwu ẹmwẹ ọ re ọ ra ya gha khaemwisẹ yan emwa rẹn.

Aizaia 59:17

Ọ gha mu ẹmwata yọ zẹ vbe ẹwu ematọn okuo, kevbe akhọnmiotọ zẹvbe ẹrhu ẹgere. Ọ gha ye amuegbe ne a ya dọlọ emwi hia yi yọ egbe ẹre ẹwu kevbe ne a ya rri emwa oya ne a ya rria ikhi ye emwi dan ne a ru emwa ẹre.

Hozia 3:4

Erriọ wa nọ zẹe, ivbi Izrẹl gha vbe gha rrọọ vbe ẹghẹ ne ọ taẹn vbene iran i ra na gha mwẹ ọba ra ọkaolotu vbene ese ne a zọ i ra na vbe gha rrọọ, ra orre okuta itaemwi, vbene amazẹ ra ukhurhẹ ne a ya fi iha i na rrọọ.

Ẹfisọs 6:14

Rhunmwuda ọnii, khẹ ye egbe, ya ẹmwata ru ugbẹkun rhie gba, ya aruemwiata ru uhanhan ẹwẹe.

I Tẹsalonaika 5:8

Sokpan ivbi uwanmwẹ ẹdẹ ma khin, ọ kere ne aro gbannọ ima vbe uhunmwu. Ọ kere ne ima gbalọ iyayi kevbe aho ẹmwẹ ọmwa ye egbe zẹ vbe uhanhan ẹwẹe, kevbe idaehọ ne ima mwẹ ye imiẹnfan, zẹ vbe ẹrhu ne uhunmwu.

Arhie Maan 9:17

Vbe uwu umian na, I keghi bẹghe nene avbe ẹsin kevbe iran ni hin ẹnrẹn. Iran kegha mwẹ uhanhan ẹwẹe ne ọ baa, vbe erhẹn, ọ ye raghoragho vbe safaia, ọ keghi vbe gha baa rriẹrriẹ vbe ugbofi. Uhunmwu avbe nene ẹsin kegha ye vbe ọghe oduma.

I Samuẹl 2:18

E Samuẹl ne ọmọ okpia nii, kegha ga e Nọyaẹnmwa vbe Siailo, ọ ghi mu adaghọ eto ovbiohuẹ rhuan.

I Samuẹl 22:18

Ẹre Sọl na khama Doeg wẹẹ, “Gbele iran an!” E Doeg keghi gbele iran hia a. Vbe ẹdẹ nẹdẹrriọ, inu ohẹn e Nọyaẹnmwa ne ọ gbele kegha re isẹn yan iyenẹ.

I Samuẹl 23:6

Ugbẹn vbe Abiata ne ovbi Ahimẹlẹk ghi lẹfua, ọ keghi mu adaghọ ni ọ na ya vba e Devid vbe Keila.

I Samuẹl 30:7

E Devid keghi khama ohẹn Abiata ne ovbi Ahimẹlẹk wẹẹ, “Mu adaghọ ni rre.” Abiata keghi mu gie ẹe.