Ẹksọdọs 28:39 - Edo Bible (E Baibol Ẹdo) Version 1996

³⁹ Ọ ghi do ẹwu ne a ya eto ovbiohuẹ ne yẹnghẹẹn ru, u ghi ru ukugba uhunmwu kevbe ọkpọ ne a do emwi yi ya te ẹre egbe.

Ẹksọdọs 28:39 ပူးပေါင်းရင်းမြစ်များ

Psalm 45:14

A rhie ẹre gha rriẹ ẹguae kẹe kevbe ẹwu ẹre ne mose mose. Iran ne eguọmwadia ẹre nikhuo vbe lele ẹe a kevbe viọ iran bu ẹre gha dee.

Ẹksọdọs 26:36

“U ghi ya eto aranmwẹ ne raghoragho, ne ọ vboro kian-an. kevbe ne ọ baa ne a do kevbe ne a munọ emwi ona ne a do ya zẹ ose yi sẹ ukpọn onurho ye ehe ne a la la uwu owa ukpọn nii.

Ẹksọdọs 27:16

Onurho ne a la la rọ tobọ ẹre, wa ghi rhie ukpọn onurho ne ọre ọkpọ igbe yọ ọ ghi gha re eto ohuan ne raghoragho ne ọ baa rhan-an, kevbe ne ọ wa baa kevbe eto ovbiohuẹ ne a do mose mose, kevbe ne a ye emwi ne a do munọ ona lele. U ghi ya ọkpọ enẹ da ẹe yi vbe ẹzi enenẹ.

Ẹksọdọs 28:4

Ẹwu ne iran gha sele ọre ena khin. Ne a mu rhu ẹwẹe, adaghọ, agbada, ẹwu ne a do, ukugba uhunmwu kevbe ọza, iran ghi se ẹwu ne ọ huanrẹn ne Errọn ne ọtuẹn ke avbe ivbi ẹre nikpia ne iran sẹtin gha ga mwẹ zẹ vbe ohẹn.

Ẹksọdọs 29:5

Iyeke ọnii, u ghi viọ ukpọn ohẹn nii, u ghi rhie ẹwu, ẹwu ne a mu ya ẹwu ọkotọ, adaghọ kevbe uhanhan ukpọn ẹwẹe ọghe Errọn, u ghi vbe ye ukugba gba ẹre ẹkun lẹga.

Ẹksọdọs 29:6

U ghi rhie ọza uhunmwu ne u vbe de ama ne ọ huanrẹn ọghe a ya fiohan ye ọza uhunmwu nii.

Ẹksọdọs 29:8

U ghi viọ ivbi ẹre rre, u ghi yọ iran ẹwu.

Ẹksọdọs 39:27

Iran keghi sele ẹwu ne Errọn kevbe ivbi ẹre.

Levitikọs 16:4

E Nọyaẹnmwa keghi vbe tama iran ne iran ru vbenian wẹ. Vbe Errọn te la uwu Ehe Nọhuansẹ Ehia nii, ọ ghi khuẹ, ọ ghi vbe viọ avbe ẹwu ohẹn yegbe, ẹwu eto ovbiohuẹ, utalawẹ, ugbẹkun kevbe ukugba ọghe uhunmwu.

Levitikọs 6:10

Ohẹn ghi yọ ẹwu eto ovbiohuẹ kevbe utalawẹ eto ovbiohuẹ, ọ ghi kpolo emuẹn ne ọ yevbe ọdan ne ọ rrọ hinrre, ọ ghi viọ ẹre ye asefẹn aka.