Ẹksọdọs 28:32 - Edo Bible (E Baibol Ẹdo) Version 1996

³² U ghi fian uvun ne a gha mu uhunmwu la ye adesẹneva ẹre, a ghi do uvun na lẹga zẹ vbe urhu ẹwu ne a ya ohian se ne ọ ghẹ miẹn ehe na sọọ.

Ẹksọdọs 28:32 ပူးပေါင်းရင်းမြစ်များ

II Krọnikol 26:14

Uzaia keghi viọ avbe emwi igbinna vbenian ne ivbiyokuo ẹre avbe asa, asoro, ẹrhu ẹgere, ẹwu ematọn, uhanbọ kevbe ifẹnmwẹ kevbe ikpẹ okuta ne a ya filo umọvọn.

Nehimaia 4:16

Ke ẹghẹ nii kpao, obọkpa vbe emwa kegha winna, obọkpa vbọ keghi ya gha ba odẹ, vbe ne iran na viọ ẹwu ematọn yọ, iran na viọ asoro, asa kevbe uhanbọ ya mu egbe igbinna. Avbe ekaolotu ima keghi wa mudia ye emwa ni iyeke gbangbaangban

Job 41:26

Umozo ne ọ sẹtin fian ẹre ẹwẹn i rrọ. A i miẹn asoro, ra ifẹnmwẹ ra agbada ne ọ gha sẹtin kuan rẹn.

Ẹksọdọs 28:31

“U ghi ya eto ohuan ne raghoragho ọkpa sẹ adaghọ ne a gha mu yan ẹwu ọkotọ nii.

Ẹksọdọs 28:33

U ghi dele emwi ne ọ yevbe otiẹn ne raghoragho, ne ọ vboro rhan-an, ke ne ọ baa ne a ye eto ohuan ru lele adaghọ nii vbe ototọ ẹre lẹga fẹẹrẹ, a ghi sele ẹroro igoru lele ẹkpo ẹre. A ghi do miẹn wẹ emwi ne ọ yevbe otiẹn kevbe ẹroro igoru lẹga ehọ ẹre hia.

Ẹksọdọs 39:23

Uvun ne ọ gha rre adesẹneva ẹwu keghi yevbe uvun ne ọ rre ẹwu ohian. Ehọ uvun nii keghi re ne a ya emwi ne a mẹ baa lẹga ne ọ ghẹ miẹn ehe na sẹ e.

Ẹksọdọs 39:28

Ukugba uhunmwu, ẹrhu, utalawẹ eto ovbiohuẹ.