Ẹksọdọs 28:29 - Edo Bible (E Baibol Ẹdo) Version 1996

²⁹ “Errọn gha la uwu ehe ne ọ Huanrẹn nii, ọ ghi gbẹnnẹ eni ivbi Izrẹl ye uhanhan ukpọn ẹwẹe ne imẹ ne Nọyaẹnmwa miẹn ehe na gha ye iran ne emwa mwẹ rre vbe ẹghẹ hia.

Ẹksọdọs 28:29 ပူးပေါင်းရင်းမြစ်များ

Ẹksọdọs 28:12

U ghi sikan iran mu abọ ne ọ la izabọ ọghe adaghọ nii ne a ya gha ye eni ivbi Izrẹl rre. Erriọ ọre Errọn gha na gha dada eni iran khian vbe izabọ ẹre, erriọ ọre imẹ ne Nọyaẹnmwa gha na gha ye iran rre ẹghẹ hia.

Ẹksọdọs 28:15

“U ghi ru uhanhan ukpọn ẹwẹe ne ogie ohẹn ne ọ yagha rẹn emwi ne Osanobua ho a ghi duẹe mose mose, zẹ vbe iwinna adaghọ nii, u ghi lo eto ohuan, igoru, ne raghoragho, ne ọ vboro rhan-an kevbe ne ọ baa kevbe eto ovbiohuẹ ne mose ne a do.

Ẹksọdọs 28:28

Iran ghi ya okun ne raghoragho dele oroka ọghe uhanhan ukpọn ẹwẹe ginna oroka ọghe adaghọ ne uhanhan ukpọn ẹwẹe nii miẹn ehe na ke odukhunmwu ne ugbẹkun ne ọ ghẹ ya kuọghọ kua.

Ẹksọdọs 28:30

U ghi viọ avbe uta eveva nii ne a tie ẹre Urim kevbe Tumin ye uhanhan ukpọn ẹwẹe ne a miẹn wẹ Errọn gha rrie ehe nọhuanrẹn ne imẹ ye iran ghi gha rre ọre ẹwẹe. Ọ gha yo ehe ne Nọyaẹnmwa ye, ọ ghi viọ emwi ne a ya ta uhanhan ukpọn ẹwẹe mwẹ, ne ọ miẹn ehe na rẹn vbene imẹ mu ẹmwẹ ivbi Izrẹl yi.

Ihuan Ne Ọ Sọọ Ihuan Hia 8:6

Ghẹ gie ẹmwẹ ọmwa la ruẹ aro gberra ogho mwẹ ghẹ sikan mu obọ ọmwa ọvbehe gberra ọghọ mwẹ, ahoẹmwọmwa wa mwẹ ẹtin zẹvbe uwu, orriarria wa vbe mwẹ ẹtin zẹ vbe uwu tobọ ọre, te ọ mu erhẹn, ọ ghi vbe gha giẹn emwi khian zẹvbe okperhẹn.

Jerimaia 30:21

Ẹvbo iran ọ re ogie iran gha ke rre ovbiọba iran ghi gha re okpa vbe uwu iran I gha tie ẹre, ọ ghi bu mwẹ gha dee rhunmwuda, de ọmwa ne ohan gha giee rre vbe a ma tie ẹre? Iran ghi gha re emwa mwẹ, mẹ ghi gha re Osanobua iran. Mẹ ne Nọyaẹnmwa tae nẹ.”

Ebe ne Pọl gbẹẹn gie emwa Rom 10:1

Etẹn mwẹ, ekhọekekhọe ọre I ya tae wẹ, vbe ọ rrọọ nian akpawẹ te a miẹn emwa fan! Erhunmwu ọre I na ghe Osanobua ne iran.