Ẹksọdọs 28:17 - Edo Bible (E Baibol Ẹdo) Version 1996

¹⁷ U ghi sele uviẹn enẹ ọghe ikpẹrọnmwọ lele ẹe, uviẹn nokaro ghi gha re rubi, topaz kevbe ganẹt.

Ẹksọdọs 28:17 ပူးပေါင်းရင်းမြစ်များ

Ẹksọdọs 28:11

U ghi ye ifuẹro ọsivie kevbe owinna, ya gbẹnnẹ eni ivbi e Jekọb ne iweva ye okuta ẹrọnmwọ eveva nii. U ghi mama okuta ẹrọnmwọ nii mu uhanhan igoru.

Ẹksọdọs 28:16

A ghi gie ẹe gha re umwọmwẹ vbe igienenẹ, a ghi bun ẹnrẹn eva yan egbe, akhuẹn obọ ihinrin vbe uvbẹmwẹ, akhuẹn obọ ihinrin vbe utanmwẹ.

Ẹksọdọs 28:18

Ne ogieva ghi gha re emẹrad, safaia kevbe daiamọn.

Ẹksọdọs 28:9

U ghi viọ ikpẹrọnmwọ usie eva, u ghi gbẹnnẹ eni ivbi e Jekọb iweva vbene a ya biẹlẹ iran lele egbe yọ.

Itan 20:15

U gha rẹn emwi ne u guan yan, emwi ne u mwẹ maa sẹẹ igoru ra ikpẹrọnmwọ.

Itan 3:15

Ẹwaẹn ghan sẹẹ avbe ikpẹrọnmwọ, a i miẹn emwi ne a ya gie ẹre vbe uwu emwi ne ọmwa ho hia.

Itan 31:10

Ọ wa lọghọ a te do miẹn amwẹ ne iye owa, ive ẹ re sẹ emwi itegbe ighobioye ni bun.

Itan 8:11

“Mẹ ọrọre ẹwaẹn. I maa sẹ avbe ikpẹrọnmwọ. Emwi okpa i rrọ ne ọ yẹ ruẹ ne u gha ya gie mwẹ.

Eve Orriara 4:7

Avbe ivbiọba mwẹ keghi te gha re emwa ne ẹ i mwẹ awua, iran keghi gha re ne ọ hianrẹn vbe esia, iran te wegbe, iran vbe mwẹ ẹtin, egberranmwẹ iran ghi wa vẹ ne a rẹn.

Ezikiẹl 28:13

U kegha rre Idẹni ne ogba Osanobua, u kegha yọ ukpọn Ikpẹrọnmwọ ughughan kevbe edaiamọn; avbe topaz, e beri, e kanelian kevbe jaspa; e safaia, emrald kevbe garnet. U kegha mwẹ emwi itegbe ọghe igoru. Ẹdẹ ne a yi uwẹ tobọ ruẹ ọ re a ru avbe emwi na nuẹn vbe ẹdẹ ne a wa yi uẹ.

Malakai 3:17

E Nọyaẹnmwa ne Oghodua khare wẹẹ, “Iran ghi gha re emwa mwẹ, ẹdẹ ne I gha guan yọ iran ghi gha re emwi obọ mwẹ. Mẹ gha tohan iran zẹ vbene erha ọmọ tohan ọmọ ne ọ ga ẹe.