Ẹksọdọs 28:15 - Edo Bible (E Baibol Ẹdo) Version 1996

¹⁵ “U ghi ru uhanhan ukpọn ẹwẹe ne ogie ohẹn ne ọ yagha rẹn emwi ne Osanobua ho a ghi duẹe mose mose, zẹ vbe iwinna adaghọ nii, u ghi lo eto ohuan, igoru, ne raghoragho, ne ọ vboro rhan-an kevbe ne ọ baa kevbe eto ovbiohuẹ ne mose ne a do.

Ẹksọdọs 28:15 ပူးပေါင်းရင်းမြစ်များ

Ẹksọdọs 25:7

“Ikpẹrọnmwọ ne mosee kevbe ikpẹrọnmwọ ne a ra ya te adaghọ ogiohẹn egbe, kevbe ne a ra viọ ye uhanhan ẹwẹe ọghe ogiohẹn.

Ẹksọdọs 26:1

“Wa ghi ya igbu igbe ọghe eto ovbiohuẹ ne a mẹ, bọ owa ukpọn ne imẹ dia, deba eto ohuan ne raghoragho, ne ọ vboro kian an kevbe ne ọ baa. A ghi munọ ona avbe emwi nii zẹ ifuẹn ye avbe igbu ukpọn na mose mose.

Ẹksọdọs 26:36

“U ghi ya eto aranmwẹ ne raghoragho, ne ọ vboro kian-an. kevbe ne ọ baa ne a do kevbe ne a munọ emwi ona ne a do ya zẹ ose yi sẹ ukpọn onurho ye ehe ne a la la uwu owa ukpọn nii.

Ẹksọdọs 28:14

kevbe eghan eva ọghe igoru ne ama gua ne a baa re. U ghi dele iran mu avbe uhanhan nii.

Ẹksọdọs 28:16

A ghi gie ẹe gha re umwọmwẹ vbe igienenẹ, a ghi bun ẹnrẹn eva yan egbe, akhuẹn obọ ihinrin vbe uvbẹmwẹ, akhuẹn obọ ihinrin vbe utanmwẹ.

Ẹksọdọs 28:30

U ghi viọ avbe uta eveva nii ne a tie ẹre Urim kevbe Tumin ye uhanhan ukpọn ẹwẹe ne a miẹn wẹ Errọn gha rrie ehe nọhuanrẹn ne imẹ ye iran ghi gha rre ọre ẹwẹe. Ọ gha yo ehe ne Nọyaẹnmwa ye, ọ ghi viọ emwi ne a ya ta uhanhan ukpọn ẹwẹe mwẹ, ne ọ miẹn ehe na rẹn vbene imẹ mu ẹmwẹ ivbi Izrẹl yi.

Ẹksọdọs 28:4

Ẹwu ne iran gha sele ọre ena khin. Ne a mu rhu ẹwẹe, adaghọ, agbada, ẹwu ne a do, ukugba uhunmwu kevbe ọza, iran ghi se ẹwu ne ọ huanrẹn ne Errọn ne ọtuẹn ke avbe ivbi ẹre nikpia ne iran sẹtin gha ga mwẹ zẹ vbe ohẹn.

Ẹksọdọs 28:6

“A ghi ya oru ne raghoragho, ne ọ vboro rhan-an, ne ọ baa, igoru kevbe eto ovbiohuẹ ne vbukhẹẹ, se adaghọ, a ghi do ona lele ẹe.

Ẹksọdọs 29:5

Iyeke ọnii, u ghi viọ ukpọn ohẹn nii, u ghi rhie ẹwu, ẹwu ne a mu ya ẹwu ọkotọ, adaghọ kevbe uhanhan ukpọn ẹwẹe ọghe Errọn, u ghi vbe ye ukugba gba ẹre ẹkun lẹga.

Levitikọs 8:8

Ọ keghi mu uhanhan ẹwẹe yọ ẹe, ọ keghi vbe viọ Urim kevbe Tumin yọ.