Ẹksọdọs 28:11 - Edo Bible (E Baibol Ẹdo) Version 1996

¹¹ U ghi ye ifuẹro ọsivie kevbe owinna, ya gbẹnnẹ eni ivbi e Jekọb ne iweva ye okuta ẹrọnmwọ eveva nii. U ghi mama okuta ẹrọnmwọ nii mu uhanhan igoru.

Ẹksọdọs 28:11 ပူးပေါင်းရင်းမြစ်များ

Job 19:24

Ra ne ọ ya ematọn ka ẹmwẹ mwẹ ye okuta. Ne ọ gbẹn ọẹn, ne ọ ghẹ wi ẹdẹdẹmwẹdẹ.

Ẹksọdọs 28:10

U ghi gbẹnnẹ eni ehan ye ne okaro kevbe ehan ye enọkpa zẹ vbene a ya biẹlẹ iran lele egbe.

Ẹksọdọs 28:12

U ghi sikan iran mu abọ ne ọ la izabọ ọghe adaghọ nii ne a ya gha ye eni ivbi Izrẹl rre. Erriọ ọre Errọn gha na gha dada eni iran khian vbe izabọ ẹre, erriọ ọre imẹ ne Nọyaẹnmwa gha na gha ye iran rre ẹghẹ hia.

Ẹksọdọs 28:21

Eni ivbi e Jekọb iweva ghi gha rre ọkpọkpa vbe avbe okuta na. Ọna ghi do mudia ye ihe ẹwae ivbi Izrẹl.

Ẹksọdọs 28:25

U ghi dee ukpẹ irri nii eva ginna obọ eveva, u ghi rhie ẹre la odaro vberriọ ya rri ẹe ginna ọza izabọ ne ọ rre adaghọ.

Ẹksọdọs 28:36

“U ghi ya igoru ne a ma gua ru emwi itegbe ọkpa, wa ghi gbẹn yọ wẹẹ, ‘Te a ya fi ohan ne Nọyaẹnmwa.’

Ẹksọdọs 39:13

Ke uviẹn ne ogienẹ, e bẹril, e kanelian kevbe e jaspa. Igoru ọre a mama ehia ya.

Ẹksọdọs 39:18

iran keghi vbe de obọ nọkpa ginna akhuẹn igoru eva nii, erriọ ọre iran ya sẹ ẹe ginna odaro ọza izabọ ọghe ẹwu adaghọ nii.

Ẹksọdọs 39:6

Iran keghi ru ikpẹrọnmwọ kanelian, iran na yọyọ ẹe yọ uhanhan igoru, iran keghi sa eni ivbi e Jekọb ama lele ẹe vbe ne a na mu umọmọ gbe emwi ya ye ama yọ.

Jerimaia 22:24

E Nọyaẹnmwa keghi tama e Jehoiakin, ọha ne ovbi e Jehoiakim ne Ọba e Juda wẹẹ, “Omwa vbene a miẹn wẹ mẹ ọ re ọ gele re Osanobua ne ọ rrọọ, ọ gha khọnrẹn ne a miẹn wẹ wẹ ọrọre oroka asẹ ne ọ rrọ mwẹ obọ erha ọmwa, te I yuo ruẹ fua.

Zẹkaraia 3:9

I ra mu okuta ne ọ mwẹ aro ihinrọn ye odaro Jọsua. I gha gbẹn emwi yọ, I gha viọ orukhọ otọe na kua vbe ikpẹdẹ ọkpa kẹkan.

Ẹfisọs 1:13

Erriọ ọre ọ wa vbe gha ye ne uwa bare, ugbẹn vbe uwa họn ikporhu ẹmwata nii, nene Iyẹn Ne ọ maa ne ọ rhie imiẹnfan gie uwa, wa keghi ya Kristi yi, Osanobua keghi yi uwa ama mẹ ọ yan rẹn, vbe ekpa ne ọ na rhie Orhiọn Ne Ọ Huanrẹn ne ọ ve ne uwa.

Ẹfisọs 4:30

Ghẹ rhia Orhiọn Ne Ọ Huanrẹn ọghe Osanobua ekhọe rua, rhunmwuda nene Orhiọn ọrọre ama ọghe mẹ ọ yan rẹn, ne Osanobua yi ye uẹ egbe, ama ne aro ya dae wẹ, ẹdẹ dee ne Osanobua gha faan ye otọ.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”

Arhie Maan 7:2

I keghi vbe bẹghe odibosa ọvbehe vbe ọ ke ọlarre ovẹn dee, ọ keghi rhie egba ne Osanobua ne ọ rrọọ ya yi emwi ama, mwẹ obọ, ọ keghi datie avbe odibosa enẹ ne Osanobua rhie ẹtin na, ne ọ ya dunmwu otọ agbọn kevbe okun uan.