Ẹksọdọs 28:1 - Edo Bible (E Baibol Ẹdo) Version 1996

¹ “Tama iran ne iran viọ ọtuẹn ighẹ Errọn kevbe avbe ivbi ẹre e Nadab, Abihu, Eliaza kevbe Itama ke uwu ẹbu emwa Izrẹl ladian gha dee ne iran do gha ga mwẹ zẹ vbe avbe ohẹn.

Ẹksọdọs 28:1 ပူးပေါင်းရင်းမြစ်များ

I Krọnikol 23:13

Ovbi ẹre ne ọdiọn ighẹ Amram ọrọre erha Errọn kevbe Mosis. (A keghi viọ Errọn kevbe uniẹn ọnrẹn ye obọkpa ne iran gha gbearoghe avbe emwi ni huanrẹn ẹdẹdẹmwẹdẹ, ne iran gha giẹn eturari, vbe ugamwẹ e Nọyaẹnmwa, ne iran gha ga ẹe, kevbe ne iran vbe gha ya eni e Nọyaẹnmwa fiangbe emwa ni.

I Krọnikol 6:10

Azaraia (ọna ọ gha winna vbe Ọgua Osa ne Solomọn bọ ye Jerusalẹm),

I Krọnikol 6:34

Ẹlkana e Jeroham, Eliẹl, e Toa,

II Krọnikol 11:14

Avbe Livai keghi sẹ otọ ne aranmwẹ na rria iran rae, iran kegha die Juda kevbe Jerusalẹm rhunmwuda, e Jeroboam ne ọba Izrẹl kevbe iran ni rriọba lele ẹe ma gie iran winna zẹ vbe ohẹn e Nọyaẹnmwa.

Psalm 115:10

Wa ne avbe ohẹn Osanobua wa mu ẹtin yan e Nọyaẹnmwa. Rọẹn ọ re ọ ye uwa obọ, ne ọ vbe rhie uwa lẹre.

Psalm 99:6

Ohẹn ọnrẹn ọ re Mosis kevbe Errọn gha khin, e Samuẹl kevbe re ọmwa, ne ọ gha na erhunmwu ghe ẹre; iran kpe tie Nọyaẹnmwa.

Ẹksọdọs 24:1

E Nọyaẹnmwa keghi tama e Mosis nẹ wẹẹ, “Bu mwẹ gha die uhunmwu oke, ke uwẹ kevbe Errọn, e Nadab, Abihu kevbe ediọn ekigbe siyenẹ vbe ivbi Izrẹl, ne uwa ya uhunmwu rhanmwẹ otọ vbe urria, ne uwa ga mwẹ.

Ẹksọdọs 24:9

E Mosis, Errọn, e Nadab, Abihu kevbe olotu ekigbesiyenẹ vbe uwu Izrẹl keghi hin oke nii gha khian.

Ẹksọdọs 28:41

U ghi yọ Errọn ne ọtuẹn ke ivbi ẹre nikpia ẹwu na, iyeke ọnii, u ghi nọnọ ori oliv ye iran uhunmwu, ma iran ohẹn, ne u ya iran fiohan, ne iran sẹtin gha ga mwẹ zẹ vbe ohẹn.

Ẹksọdọs 29:1

“Vbenian ọre u gha ya ye Errọn kevbe ivbi ẹre fi ohan mẹ ne iran ga mwẹ zẹ vbe ohẹn. U ghi mu ovbi ẹkhuia ẹmila ọkpa kevbe ogho eva ne a ma kuan ra ne egbe gba na.

Ẹksọdọs 29:44

I gha ya Owa Ukpọn ne a na miegbe khian ne ọ huanrẹn, kevbe aka ne ọ rrọọ, I ghi ya Errọn kevbe ivbe ẹre khian na ya fi ohan ne ọ gha ga mwẹ zẹ vbe ohẹn.

Ẹksọdọs 29:9

U ghi gbalọ iran ebuluku, u ghi dọlọ ẹrhu ye iran uhunmwu, iran ọ khian gha re ohẹn zẹ vbe ne iyi itẹbitẹ mwẹ khare. Vbene u gha ya ye Errọn kevbe ivbi ẹre ma ohẹn ọre ọna khin. Iran kevbe uniẹn iran gha ga mwẹ vbe ukpo ohẹn ẹdẹdẹmwẹdẹ.

Ẹksọdọs 30:30

U ghi nọnọ ori ye Errọn uhunmwu ke ẹe kevbe avbe ivbi ẹre, u ghi ya iran fi ohan ne iran gha ga mwẹ zẹ vbe ohẹn.

Ẹksọdọs 31:10

Avbe ukpọn aghanghan nihuanrẹn nii ne Errọn ne ohẹn kevbe ivbi ẹre gha lo vbe ugamwẹ iran.”

Ẹksọdọs 35:19

Ukpọn aghanghan ne ohẹn ya ru ugamwẹ vbe ehe ne ọ huanrẹn, avbe ukpọn ne ọ huanrẹn ọghe Errọn ne ohẹn kevbe avbe ivbi ẹre vbe ugamwẹ iran zẹ vbe ohẹn.”

Ẹksọdọs 6:23

Errọn keghi rhie Ẹlisiẹba ne ovbi Aminadab ne ọtẹn Nasiọn rọnmwẹ; ọ keghi biẹlẹ Nadab, Abihu, Eliaza kevbe Tama nẹẹn.

Levitikọs 10:1

Ivbi Errọn ighẹ Nadab kevbe Abihu keghi viọ ọkpan erhẹn iran, iran gua ugiọnmwẹ erhẹn yọ, iran keghi zẹ eturari yọ, iran na mu gie Nọyaẹnmwa.

Levitikọs 10:12

E Mosis keghi khama Errọn ke ẹe kevbe ivbi ẹre eva ni dekẹe, Eliaza kevbe Itama wẹẹ, “Wa rhie ne ọ dekẹ rre vbe uwu izọhẹ ọka ọghe evbare ne a rhie gie Nọyaẹnmwa ne uwa ru ebrẹd ne ọma hue, ne uwa rri ọe vbe ọkpẹn aka rhunmwuda izọhẹ na, ne ọ huansẹ wa nọ.

Levitikọs 7:35

Ehe ne a viọ ne Nọyaẹnmwa vbe evbare nii, ne Nọyaẹnmwa ghi vbe viọ ne Errọn kevbe ivbi ẹre vbe ẹdẹ ne a ma iran ohẹn, ọre ena khin.

Levitikọs 8:1

E Nọyaẹnmwa keghi tama e Mosis wẹẹ,

Levitikọs 8:2

“Rhie Errọn kevbe ivbi ẹre gha rrie onurho Owa Ukpọn Ile, u ghi vbe viọ avbe ẹwu ohẹn rre, ofigbọn ne a sa ye emwa uhunmwu, ovbi ẹkhuia ẹmila ne a ra ya zọ ese orukhọ, ogho eveva ke ẹe kevbe okhuae ebrẹd ne ọ ma hue.

Nọmbas 18:7

Sokpan wẹ kevbe avbe ivbuẹ ọkpa ọre ọ gha winna iwinna ohẹn ne ọ dekan aka kevbe uwu ehe Ne ọ Huan Sẹẹ Ehia. Iwinna ne ọ bi yuẹ egbe ọre ena khin, rhunmwuda mẹ rhie ọhẹ ọghe ukpo ohẹn nuẹn nẹ. Ọmwa ne ọ ma kei, ne ọ sikẹ avbe emwi ne ọ huanrẹn, a ghi gbẹe rua.”

Nọmbas 26:61

E Nadab kevbe Abihu keghi wulo vbe iran ya mu erhẹn ẹyin awua gie Nọyaẹnmwa.

Iyẹn ne ọ Maan Ọghe Luk 1:8

Ẹdẹ ọkpa, Zẹkaraia kegha winna iwinna ohẹn ọnrẹn vbe odaro Osanobua, ọ na gha ru nọ kan rẹn vbe ugamwẹ ikpẹdẹ ikpẹdẹ.

Diuteronomi 10:6

(Ivbi Izrẹl keghi kpao vbe uhae ivbi Jaakan rre, iran na gha rrie Mosera. Errọn keghi wu, a na re ẹre ye evba. Eliaza ne ovbi ẹre ke ghi rhie ihe ẹre zẹ vbe ohẹn.

Diuteronomi 18:5

Te Nọyaẹnmwa zẹ ẹwae Livai ladian vbe uwu uwa ne iran gha ga irẹn zẹ vbe ohẹn ẹdẹdẹmwẹdẹ.

I Samuẹl 2:28

I keghi hannọ ẹgbẹe ọghe ọe zẹ, vbe uwu ẹwae ni rre Izrẹl hia ne iran gha re ohẹn mwẹ, ne iran gha ga vbe Ogiukpo, ne iran gha giẹn eturari kevbe ne iran gha rhuan adaghọ ya nọ mwẹ ọta. I kevbe rhie asẹ ne iran, ne iran gha ghae vbe emwi ne a giẹn uan vbe aka.