Ẹksọdọs 27:4 - Edo Bible (E Baibol Ẹdo) Version 1996

⁴ Deba ẹre, u ghi vbe ru ọkiakia yọ u ghi ru ẹgba oze ne a ya muẹn, ye igẹngẹn ọnrẹn enenẹ.

Ẹksọdọs 27:4 ပူးပေါင်းရင်းမြစ်များ

Ẹksọdọs 25:12

Wa ghi vbe ru ẹgba igoru ne a gha ya gha muẹn, so ye ẹre igie enenẹ, ẹgba eva vbe obọ ọkpọkpa.

Ẹksọdọs 27:3

U ghi vbe ru ọkpan ọghe emuẹn ne lọkọ nọ rre aka, u ghi vbe ru ovbẹvbẹ, ọkpan nekhua, aban kevbe emwi ne a ya wan erhẹn. Emwi hia ne a ghi lo vbe aka nii, oze ọre a gha ya ru ẹe.

Ẹksọdọs 27:5

U ghi ru ẹe gba ototọ ehọ aka, vbene ọ gha na sẹ adesẹneva uyomwẹ aka.

Ẹksọdọs 35:16

Aka ne a na zọhẹ ne a giẹn uan, kevbe oze ne a ya wiẹn emwi ne a so ginna ẹn, ọkpọ ni rrọọ kevbe emwi ni lele ẹe khian, uwawa akhuẹ kevbe uhe ẹre.

Ẹksọdọs 38:30

Enii ọre ọ ya ru ẹzi ye onurho owa ukpọn ehe ne Nọyaẹnmwa ye, aka ọghe oze kevbe ọkiakia oze ne ọ rrọọ kevbe emwi hia ne a lo vbe aka.