Ẹksọdọs 27:21 - Edo Bible (E Baibol Ẹdo) Version 1996

²¹ Errọn kevbe ivbi ẹre ghi mu ukpa na ye uwu Owa Ukpọn ne Osanobua na do gha miẹn emwa rẹn aro, vbe iyeke ukpọn onurho ne ọ rre odaro avbe uhanhan ayere. Ọ ghi gha baa vbe odaro mwẹ vba ke ota ya sẹ owiẹ. Ẹmwẹ na, ivbi Izrẹl ghi da ẹe yi rhinrin ẹdẹdẹmwẹdẹ kevbe avbe emọ ne iran gha biẹlẹ.

Ẹksọdọs 27:21 ပူးပေါင်းရင်းမြစ်များ

Gẹnẹsis 1:5

Rẹn keghi tie uwanmwẹ “Avan” kevbe ebiebi “Asọn.” Ẹdẹ keghi mu ẹdẹ keghi gbe ọnii kegha re ikpẹdẹ nokaro.

Gẹnẹsis 1:8

Ọ keghi tie ideghedeghe nii “Iso” Ẹdẹ keghi mu ẹdẹ keghi gbe, ọnii na gha re ikpẹdẹ ne ogieva.

II Krọnikol 13:11

Ota vbe owiẹ hia ọ re iran ya giẹn eturari ne ẹẹn, deba avbe aranmwẹ ne a ya zọ ese ne a wa giẹn ikun ẹnrẹn hia a. Iran ghi viọ ebrẹd imuohan rre, a ghi viọ ẹre ye uhunmwu eteburu ne awua i ye. Otota, iran ghi gha rhu avbe ukpa ni rre avbe erhan ọmukpa ọghe igoru. Emwi ne Nọyaẹnmwa khare ọre ima ru sokpan, wa hee ẹe ye otọ nẹ.

Psalm 134:1

Wa larre, do rho e Nọyaẹnmwa wa ne eguọmwadia ẹre hia wa hia ni ga vbe Ọgua Osa ẹre vbe asọn.

Ẹksọdọs 12:14

Ẹdẹ na ghi gha re ẹdẹ ne a gha yerre ne uwa. Wa ghi gha ru emwi ukpo ẹre ne I ya ye emwi ne imẹ ne Nọyaẹnmwa ru rre. Wa ghi gha ru ẹe ke orre ya sẹ orre zẹ vbe emwiukpo ẹdẹdẹmwẹdẹ.

Ẹksọdọs 16:34

Zẹ vbene Nọyaẹnmwa yi ẹre iyi ma e Mosis, Errọn keghi muẹn ye odaro Ẹkpẹti Ile ne a miẹn ehe na gha gbe aro ghe ẹre.

Ẹksọdọs 25:16

“U ghi viọ avbe uhanhan okuta ne a gbẹnnẹ avbe uhi nii yi ne I gha mu nuẹn ye uwu ẹkpẹti nii.

Ẹksọdọs 28:43

Ẹghẹikẹghẹ ne Errọn kevbe avbe ivbi ẹre a rhirhi ya gha rrie Owa Ukpọn Ne ọ huanrẹn mwẹ, iran ghi rhie ẹre gba, ne iran ghẹ ya bannọ uan ne a ghẹ gbele iran an. Iyi etẹbitẹ ọre ọna khin ne Errọn kevbe ivbi uniẹn ọnrẹn ẹdẹdẹmwẹdẹ.

Ẹksọdọs 29:28

Iyi etẹbitẹ mwẹ nọ wẹ avbe emwa mwẹ gha si isara, ẹwẹe kevbe ekuawẹ aranmwẹ nii ọghe ohẹn nọ, ne a kha na, emwi ne iran ya zẹ ọhẹ gie imẹ ne Nọyaẹnmwa ọre nọ.

Ẹksọdọs 29:42

Emwi izọhẹ ne a giẹn uan na, ke orre ya sẹ orre ẹdẹdẹmwẹdẹ ọre uwa gha ya gha ya ẹe zẹ ọhẹ vbe onurho owa ne Owa Ukpọn ne a ya rẹn ighẹ I rre evba, vbe odaro imẹ ne Nọyaẹnmwa. Emwa na I ra na do gha miẹn emwa mwẹ ne I vbe gha gu uwẹ guan.

Ẹksọdọs 29:44

I gha ya Owa Ukpọn ne a na miegbe khian ne ọ huanrẹn, kevbe aka ne ọ rrọọ, I ghi ya Errọn kevbe ivbe ẹre khian na ya fi ohan ne ọ gha ga mwẹ zẹ vbe ohẹn.

Ẹksọdọs 30:21

Te iran gha kpe obọ kpe owẹ ne iran ghẹ wulo. Uhi ne ọ kere ne iran kevbe ivbi uniẹn iran dayi ẹdẹdẹmwẹdẹ ọre ọna khin.”

Ẹksọdọs 30:36

U ghi dunmwu eso vbọ rẹnkhẹn u ghi gha lo eso vbọ vbe odaro Ẹkpẹti Osẹe vbe uwu Owa Ukpọn ne a ya rẹn ighẹ mẹ rre evba, ehe ne I gha na do gha vbe ruẹ. U ghi gha ya obọ mu eturari na zẹ vbe emwi ne ọ huanrẹn ẹsẹse.

Ẹksọdọs 30:8

Ọ ghi vbe ru ẹe vberriọ vbe ọ gha do rhu ukpa nii vbe ota. Eturari ne a giẹn na, a ghẹ da obọ ẹre yi ẹdẹdẹmwẹdẹ vbe orre uwa hia.

Ẹksọdọs 40:3

U ghi mu avbe uhanhan uhi igbe ye uwu ẹre ne u mu ukpọn onurho ye odaro ẹre.

Levitikọs 10:9

“Wa gha da ayọn ra ebiẹ nẹ, wẹ kevbe avbe ivbi uẹ, wa ghẹ ghi la uwu Owa Ukpọn Ile, wa gha danmwẹ ọẹn, wa gha wulo. Uhi ne avbe ivbi uniẹn ruẹn hia gha rhie mwẹ ọre ọna khin.

Levitikọs 16:34

Emwamwa na, te a ra gha ru ẹe khian ẹdẹdẹmwẹdẹ. A ghi gha ru iruemwi na uhukpa vbe ukpo ne a ya gha kpe ivbi Izrẹl huan hin orukhọ rre. E Mosis keghi ru vbene Nọyaẹnmwa khare.

Levitikọs 17:7

Ivbi Izrẹl i ghi khian dọlegbe gha re ne ẹ i gie a mu ẹtin yan vbe obọ Nọyaẹnmwa, vbe ekpa ne iran na gbele aranmwẹ iran vbe uwu oha ya zọ ese ghe avbe orhiọn dan ọghe ẹwe. Ivbi Izrẹl ghi gha rhie emwamwa na mwẹ ẹdẹdẹmwẹdẹ.

Levitikọs 23:14

Wa ghẹ rri ọka orhọ nii ọghọgbọn, na tọẹn ra ne a ya ẹe ru ebrẹd vbe ẹ i re te uwa ka zẹ ọhẹ ọghe emwiokọ ọka ne okaro gie Osanobua nẹ. Wa ghi wẹ ne ivbi uwa gha ya emwamwa na ru emwi ẹdẹdẹmwẹdẹ.

Levitikọs 23:21

Vbe ẹdẹ ne ẹdẹrriọ wa ghẹ winna iwinna obọ rua rhọkpa, sokpan wa ghi si koko ne uwa ru ugamwẹ. Ivbi uniẹn ruan ghi gha lele ilele na ẹdẹdẹmwẹdẹ vbe ehe ne iran a rhirhi gha ye.

Levitikọs 24:2

Ne ọ tama ivbi Izrẹl ne iran viọ ofigbọn ọliv ne a ma gua ne ọ wa maa sẹ ne ọ gha re ọghe ukpa ne ọ rre Owa Ukpon Ile. Ne a miẹn ehe na gie ukpa gha baa vbe ne ẹ i na dọyọ.

Levitikọs 24:3

Ẹdẹgbegbe vbe ota ọre Errọn gha ya gha ru ẹe, ọ ghi gie iran gha baa hinrin yasẹ owiẹ. Vbe odaro e Nọyaẹnmwa vbe iyeke ukpọn onurho ne ọ rre odaro Ẹkpẹti Ile ne ọ rre Ehe Nọhuansẹ Ehia. A ghi da emwamwa na yi ẹdẹdẹmwẹdẹ.

Levitikọs 24:9

Errọn kevbe ivbi uniẹn ọnrẹn ọre ọ yan ebrẹd nii, iran ghi vbe gha rri ọe vbe ehe ne ọ huanrẹn rhunmwuda, ehe ne ọ mobọ huan vbe evbare nii ne a ya zẹ ọhẹ gie Nọyaẹnmwa ne avbe ohẹn ọre ọna khin.

Levitikọs 3:17

Ivbi Izrẹl rhọkpa ghẹ rri ẹvbi ra esagiẹn; uhi ne emwa hia gha da yi ke orre yasẹ orre vbe ehe ne iran arhirhi gha ye, ọre ọna khin.”

Levitikọs 3:8

ọ ghi rhie obọ yan ọre uhunmwu, ọ ghi ghe ẹe vbe odaro Owa Ukpọn. A vbe ohẹn ghi gbe esagiẹn ọnrẹn khakha ye igienenẹ ọghe aka.

Levitikọs 6:15

Ọ ghi zẹ uguobọ ọkpa ọghe irhuarhua nii kevbe ofigbọn kevbe eturari hia, ọ ghi giẹn ọnrẹn vbe aka zẹ vbe ama wẹ e Nọyaẹnmwa ọ re a ya ẹe zẹ ọhẹ gie, uwinhinmwẹ izọese vbenian yẹ e Nọyaẹnmwa.

Levitikọs 7:36

Ẹdẹ nẹdẹrriọ ọre Nọyaẹnmwa yi ẹre iyi ne ivbi Izrẹl wẹ ne iran gha viọ vbe emwi izẹ ọhẹ ne iran. Emwamwa ne ivbi Izrẹl gha rhie owẹ lele nọ, ke orre ya sẹ orre.”

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Nọmbas 18:23

Ke ẹghẹ na kpao, avbe Livai ọ re ọ ghi gha gbearoghe Owa Ukpọn, obọ iran ọre emwi hia ni dekan rẹn ghi gha ye. Iyi ọghe etẹbitẹ ne ọ vbe sẹ egbe ivbi uwa ọre ọna khin. Avbe Livai i khian gha mwẹ emwi are vbe ukhu vbe otọe Izrẹl.

Nọmbas 18:5

Wẹ kevbe avbe ivbuẹ ọkpa ọre ọ gha winna iwinna ne ọ kan ruẹn vbe Ehe Ne ọ huanrẹn kevbe aka, ne ohu mwẹ ghẹ ghi werriegbe gua kpao ghe ivbi Izrẹl.

Nọmbas 19:21

Uhi na ghi gha rre atẹ vbe obọ uwa ẹdẹdẹmwẹdẹ. Ọmwa ne ọ miẹn rẹn kua ighẹ amẹ akpehuan, rẹn ghi vbe họ ukpọn irẹn, ọmwa ne ọ rhirhi ye obọ kan amẹ ni, awua gu ẹe rhinrin ya sẹ ota.

Nọmbas 35:29

Uhi na dekun uwa kevbe avbe ivbi uwa, eheikehe ne uwa a rhirhi gha ye.

Nọmbas 8:9

U ghi tie ivbi Izrẹl hia si koko, ne u viọ avbe Livai ma iran vbe odaro Owa Ukpọn Ile.

Matiu 4:16

Iran ni rre uwu ebiebi, gha miẹn uwanmwẹ nọkhua. Uwanmwẹ gha wan yan iran, ni rre otọe uwu ne ọ so ebiebi.”

Iyẹn ne ọ Maan Ọghe Luk 12:35

“Wa rra ukpọn mu ẹkun, wa gie ukpa uwa gha baa, ne uwa mu egbe ye otọ khẹ emwi ne ọrhirhi a gha khin.

Iyẹn ne ọ Maan Ọghe Jọn 5:35

Jọn keghi ye vbe ukpa ne ọ baa, ne ọ vbe wan uwanmwẹ ladian, wa keghi ho ne uwa ya uwanmwẹ ọnrẹn zọmọ vbe ovbi e ẹghẹ kherhe.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

II Pita 1:19

Rhunmwuda ọnii ọre ima na mwẹ amuẹntinyan ẹsẹse vbe ọghe orhu ne avbe akhasẹ do kpee. Emwi ne ọ gha ke ne uwa nọ, ne uwa mu aro ye ẹmwẹ ọnrẹn, rhunmwuda te ọ ye vbe ukpa ne ọ baa vbe ehe ne ọ so ebiebi rhinrin Ẹdẹ te do gbe, ne uwanmwẹ orhọnmwẹ owiẹ wan vbe uwu ekhọe uwa.

Arhie Maan 2:1

“Gbẹn ebe gie odibosa esọsi ne ọ rre Ẹfisọs vbenian wẹ: “Uhunmwu ne ọ gie ọre ọ na khin ighẹ ọmwa ne ọ viọ orhọnmwẹ ihinrọn mwẹ vbe obọ erha ọmwa rẹn, ne ọ khian yo khian rre vbe adesẹ avbe erhan ọmukpa igoru ihinrọn ni.

I Samuẹl 3:3

E Samuẹl keghi vbe gha vbiẹ vbe uwu Ogiukpo, ehe ne Ẹkpẹti Ile ọghe Osanobua ye. Ukpa ne ọ rre evba ke ye gha baa.

I Samuẹl 30:25

E Devid keghi mu emwi na yotọ zẹ vbe iyi, erriọ ọ re a ye ru ẹe vbe Izrẹl ke ẹghẹ ni gha dee.