Ẹksọdọs 27:19 - Edo Bible (E Baibol Ẹdo) Version 1996

¹⁹ Emwi ne a ya ru emwi vbe uwu Owa Ukpọn hia, emwi ne a rhirhi ya ẹe gha ru, kevbe avbe ukeke ne a ya so owa ukpọn nii mu otọ kevbe ọghe ogba ne ọ lẹga ẹre, oze ọre a gha ya ru ehia.

Ẹksọdọs 27:19 ပူးပေါင်းရင်းမြစ်များ

Ẹzra 9:8

Wanwanna nian e Nọyaẹnmwa, Osanobua mwa, vbe ẹghẹ kherhe, u keghi tohan mwa, u keghi gie eso vbe uwu ima lẹ fe, ma keghi la hin ọviẹn ọmwa rre ne ima do gha rrọọ vbe a i mwẹ ẹbe vbe otọe ne ọ huanrẹn na. U gie ima lahin ọviẹn rre, u na rhie arrọọ ọgbọn ne ima.

Ẹksọdọs 27:18

Ogba ne ọ lẹga re ghi gha re ibata igbe yan ikiọkhọe vbe utanmwẹ, ibata isẹn irrọvbiyenẹ vbe uvbẹmwẹ, kevbe ibata ihinrọn vbe ukhiọnmwẹ vbe uyomwẹ. U ghi ya eto ovbiohuẹ ne a do, ru ukpọn onurho yọ, ototọ ẹre ghi gha re oze.

Ẹksọdọs 27:20

“Tama ivbi Izrẹl ne iran viọ ofigbọn oliv ne ọ maa sẹ rre ne ukpa gha baa vbe evba ẹghẹ hia.

Ẹksọdọs 27:3

U ghi vbe ru ọkpan ọghe emuẹn ne lọkọ nọ rre aka, u ghi vbe ru ovbẹvbẹ, ọkpan nekhua, aban kevbe emwi ne a ya wan erhẹn. Emwi hia ne a ghi lo vbe aka nii, oze ọre a gha ya ru ẹe.

Ẹksọdọs 35:18

Ukeke igbe kevbe irri ni rre ehe ne a dia kevbe ọlẹga ẹre.

Ẹksọdọs 38:20

Ukeke ọghe ehe ne Owa Ukpọn nii, kevbe ọghe ogba ni lẹga ẹre kegha re ọghe oze.

Ẹksọdọs 38:31

Ẹzi avbe ogba ọlẹga ne ọ rrọọ kevbe onurho ọlẹga nii, ke avbe ukeke ne a ya so Owa Ukpọn kevbe ogba ọlẹga ẹre.

Ẹksọdọs 39:40

Ukpọn onurho ni rre ogba ọlẹga ẹre, ọkpọ ni rrọọ, ẹzi ẹre. Ukpọn onurho ni rre onurho ẹre, okun ẹnrẹn, ukeke Owa Ukpọn, kevbe emwi ne a ya ru emwi vbe uwu ugamwẹ vbe Owa Ukpọn nii.

Asan-Ibo 12:11

Ẹmwẹ ne avbe umẹwaẹn ta, te iran yevbe erhan ne a mu ne ọsuohuan ya su ohuan, itan ne a si koko, te iran tọ zẹ vbe ise ne a kakabọ kan ye emwi. Osanobua ne ọ re Ọsuohuan ima hia ọ re ọ viọ iran ne ọmwa.

Aizaia 33:20

Wa ghe Zaiọn ne ẹvbo ne ima na ru emwiukpo ugamwẹ mwa hia. Wa ghe Jerusalẹm. Ehe ne a dia ne ẹkun na sẹ ọmwa otọ ne a ya gie ẹre i rrọọ. Te ọ ra yevbe owa ukpọn ne ai si yo si rre, ne a i vbe vbọlọ ukeke ne a ya kan ẹnrẹn, kevbe ne irri ẹre i fian.

Zẹkaraia 10:4

Uwu iran ọ re avbe nikhaemwisẹ gha ke zọ ladian, avbe ọkaolotu kevbe ọkaokuo ni iran gha khaemwisẹ yan emwa mwẹ.

Nọmbas 3:37

Iran ọ re ọ vbe yan iwinna ni rre egbe avbe ọkpọ, ẹzi ẹre, ogba kevbe irri ni rre ọgua ore.

Nọmbas 4:32

deba ọkpọ, ẹzi ogba kevbe okun ọghe ọlẹga Owa Ukpọn nii, kevbe emwi hia ne a ghi ya mu ẹẹn mudia, a ghi ya eni dọmwadẹ ọghe ọe gha emwi ne ọ gha mu nẹ.