Ẹksọdọs 27:16 - Edo Bible (E Baibol Ẹdo) Version 1996

¹⁶ Onurho ne a la la rọ tobọ ẹre, wa ghi rhie ukpọn onurho ne ọre ọkpọ igbe yọ ọ ghi gha re eto ohuan ne raghoragho ne ọ baa rhan-an, kevbe ne ọ wa baa kevbe eto ovbiohuẹ ne a do mose mose, kevbe ne a ye emwi ne a do munọ ona lele. U ghi ya ọkpọ enẹ da ẹe yi vbe ẹzi enenẹ.

Ẹksọdọs 27:16 ပူးပေါင်းရင်းမြစ်များ

Psalm 45:14

A rhie ẹre gha rriẹ ẹguae kẹe kevbe ẹwu ẹre ne mose mose. Iran ne eguọmwadia ẹre nikhuo vbe lele ẹe a kevbe viọ iran bu ẹre gha dee.

Ẹksọdọs 26:31

“U ghi ru ukpọn onurho ne a ya eto aranmwẹ ne raghoragho ne ọ vboro kian an, kevbe ne ọ baa, kevbe eto ovbiohuẹ ne a do sẹ. U ghi do ama avbe emwi nii zẹ ifuẹn mose mose lele ẹe.

Ẹksọdọs 26:36

“U ghi ya eto aranmwẹ ne raghoragho, ne ọ vboro kian-an. kevbe ne ọ baa ne a do kevbe ne a munọ emwi ona ne a do ya zẹ ose yi sẹ ukpọn onurho ye ehe ne a la la uwu owa ukpọn nii.

Ẹksọdọs 27:17

“Ọkpọ ne ọ lẹga ogba nii hia, ghi gha re ne a ya esiliva de kugbe, aban ni rrọọ ghi vbe gha re ọghe esiliva, ẹzi ẹre ghi gha re oze.

Ẹksọdọs 28:39

Ọ ghi do ẹwu ne a ya eto ovbiohuẹ ne yẹnghẹẹn ru, u ghi ru ukugba uhunmwu kevbe ọkpọ ne a do emwi yi ya te ẹre egbe.

Ẹksọdọs 36:37

Ọ keghi ya eto ohuan ne raghoragho, ne ọ vboro rhan-an kevbe ne ọ baa deba eto ovbiohuẹ ne vbukhẹẹ ne a do ama ya zẹ ose yi ru ukpọn onurho Owa Ukpọn nii.

Ẹksọdọs 39:29

Ebuluku ne a ya eto ovbiohuẹ ne vbukhẹẹ ne a mẹ ru, eto ovbiohuẹ ne raghoragho, ne ọ vboro rhan-an kevbe ne ọ baa ne a do emwi ya mu ona lele zẹ vbene Nọyaẹnmwa tama e Mosis.

Nọmbas 3:26

Ukpọn ne a ya gue ibare ni lẹga Owa Ukpọn nii kevbe aka, deba ukpọn onurho ne a la la ibare. Iran ọ re a mu iwinna ni kevbe avbe emwi na hia ye ọre obọ.

Giọgis 5:30

‘Ọvbokhunvbi ọkpa ra eva ne ovbiyokuo ọkpọkpa. Ukpon ighobioye ọghe Siseria, emwi ne a do mose mose ne urhu ọbokhuo.’