Ẹksọdọs 26:36 - Edo Bible (E Baibol Ẹdo) Version 1996

³⁶ “U ghi ya eto aranmwẹ ne raghoragho, ne ọ vboro kian-an. kevbe ne ọ baa ne a do kevbe ne a munọ emwi ona ne a do ya zẹ ose yi sẹ ukpọn onurho ye ehe ne a la la uwu owa ukpọn nii.

Ẹksọdọs 26:36 ပူးပေါင်းရင်းမြစ်များ

II Samuẹl 7:6

Ke ẹghẹ ne I ya viọ ivbi Izrẹl ke Igipt ladian gha dee, do sẹ banbanna, I ma he di Ọgua Osa ya, ehe ne I he la hia owa ukpọn ọre I dia.

Psalm 78:60

Ọ he owa ukpọn ẹnrẹn ne ọ rre Siailo ye otọ, owa ne irẹn te gha ye vbe uwu ẹbu ima.

Ẹksọdọs 26:31

“U ghi ru ukpọn onurho ne a ya eto aranmwẹ ne raghoragho ne ọ vboro kian an, kevbe ne ọ baa, kevbe eto ovbiohuẹ ne a do sẹ. U ghi do ama avbe emwi nii zẹ ifuẹn mose mose lele ẹe.

Ẹksọdọs 27:16

Onurho ne a la la rọ tobọ ẹre, wa ghi rhie ukpọn onurho ne ọre ọkpọ igbe yọ ọ ghi gha re eto ohuan ne raghoragho ne ọ baa rhan-an, kevbe ne ọ wa baa kevbe eto ovbiohuẹ ne a do mose mose, kevbe ne a ye emwi ne a do munọ ona lele. U ghi ya ọkpọ enẹ da ẹe yi vbe ẹzi enenẹ.

Ẹksọdọs 28:15

“U ghi ru uhanhan ukpọn ẹwẹe ne ogie ohẹn ne ọ yagha rẹn emwi ne Osanobua ho a ghi duẹe mose mose, zẹ vbe iwinna adaghọ nii, u ghi lo eto ohuan, igoru, ne raghoragho, ne ọ vboro rhan-an kevbe ne ọ baa kevbe eto ovbiohuẹ ne mose ne a do.

Ẹksọdọs 28:39

Ọ ghi do ẹwu ne a ya eto ovbiohuẹ ne yẹnghẹẹn ru, u ghi ru ukugba uhunmwu kevbe ọkpọ ne a do emwi yi ya te ẹre egbe.

Ẹksọdọs 35:11

Ehe ne a dia, owa ukpọn kevbe emwi ne a ya gue ẹre, adẹn ni rrọọ kevbe edọnmwẹ ọnrẹn, erhan ne a viọ gbe ẹre, ọkpọ nii rrọọ kevbe ẹzi ẹre.

Ẹksọdọs 35:15

Aka ne a na giẹn eturari kevbe ọkpọ ni rrọọ. Ofigbọn ne a nọnọ ye emwa uhunmwu, eturari ne ọ winhin, kevbe ukpọn onurho ne ọ rre onurho Owa Ukpọn ne a dia.

Ẹksọdọs 36:37

Ọ keghi ya eto ohuan ne raghoragho, ne ọ vboro rhan-an kevbe ne ọ baa deba eto ovbiohuẹ ne vbukhẹẹ ne a do ama ya zẹ ose yi ru ukpọn onurho Owa Ukpọn nii.

Ẹksọdọs 38:18

Ukpọn onurho ne a rhie ye onurho ogba ọlẹga nii, ne a do emwi lele ya munọ ona yi, eto ohuan ne raghoragho, ne ọ vboro rhan-an kevbe ne ọ baa, ke eto ovbiohuẹ ne vbukhẹẹ ne a mẹ ọre a ya rru iran. Ọ kegha re ọkpọ igbe vbe utanmwẹ, ọkpọ eva vbe ukhiọnmwẹ vbe uyomwẹ, zẹ vbe ukpọn onurho ọghe ogba ọlẹga nii.

Ẹksọdọs 39:29

Ebuluku ne a ya eto ovbiohuẹ ne vbukhẹẹ ne a mẹ ru, eto ovbiohuẹ ne raghoragho, ne ọ vboro rhan-an kevbe ne ọ baa ne a do emwi ya mu ona lele zẹ vbene Nọyaẹnmwa tama e Mosis.

Ẹksọdọs 39:33

Iran keghi mu nene Owa Ukpọn kevbe avbe emwi ne a ya ru emwi hia nii rrọọ, bu e Mosis gha dee, avbe aban, edọnmwẹ ogba ugbugbe, ọkpọ, kevbe ẹzi nii rrọọ.

Ẹksọdọs 40:5

Mu aka igoru ne a na giẹn eturari ye odaro ẹkpẹti ne avbe uhanhan uhi igbe ye ne u vbe de ukpọn onurho ye onurho Owa Ukpọn nii.

Ezikiẹl 16:10

I viọ ẹwu ne a do emwi lele ne uẹn yọ, I keghi viọ ibata ye uẹ owẹ, ibata ọghe ohian ne ọ maa sẹẹ. I rhie ugbaleto etovbiohuẹ ne uẹn deba ẹwu ne a mu yan egbe ọghe esiliki.

Nọmbas 3:25

Iran na ọ re a mu ẹmwẹ Owa Ukpọn Ile ye ọre obọ, emwi ne a ya gue ẹre vbe uwu ẹre, kevbe ne a ya gue ẹre vbe ore, ukpọn ne ọ rre onurho ẹre.

Nọmbas 9:15

Vbe ẹdẹ ne a mu Owa Ukpọn Ile ni mudia, okuku ke ghi rre do degue ẹre. Vbe asọn, ọ ke yevbe erhẹn.

Iyẹn ne ọ Maan Ọghe Jọn 10:9

Mẹ ọrọre onurho. Ọmwa ne ọ la ehe ne i ye la owa, a gha miẹn rẹn fan. Ọ gha la owa, ọ ghi vbe ladian, ọ gha vbe miẹn irunmwu.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.