35 U ghi mu eteburu ye vbe a ma hie sẹ ukpọn onurho. U ghi mu erhan ọmukpa ye odẹ ọghe Owa Ukpọn nii ne ọ mu aro da eteburu ne ọ rre odẹ okuọ ẹre.
Ọ keghi mu eteburu nii ye uwu Owa Ukpọn nii vbe odẹ okuọ vbe a ma he la uwu ukpọn onurho.
Ọ keghi mu erhan ọmukpa ye uwu Owa Ukpọn, ọ na mu aro da eteburu vbe odẹ ekẹn ọghe Owa Ukpọn.
U ghi mu eteburu nii la owa ne u viọ emwi ne a ya ru emwi hia yan rẹn. U ghi vbe mu erhan ọmukpa ladian ne u vbe viọ avbe ukpa yọ.
A i ra rhukpa nẹ ne a ya ọkpan rhuẹe ginna otọ, erhan ọmukpa ọre a mu ẹn yan ne emwa ni rre owa hia miẹn ehe na yae gha bẹghe odẹ.
Iran keghi gbe Ọgua ukpọn, ne ọ ke ore vbọ, a kegha tie ẹre Ehe Ne ọ Huanrẹn. Emwi ne ọ rre emwa kegha re, ukpa, eteburu kevbe ebrẹd ne a ya fi ohan ne Osanobua.