Ẹksọdọs 26:33 - Edo Bible (E Baibol Ẹdo) Version 1996

³³ U ghi viọ avbe ukpọn onurho nii la ototọ avbe aban nii vbe okpo ọghe avbe owa ukpọn nii. U ghi mu ẹkpẹti ne uhanhan ayere nii ye ye iyeke ukpọn onurho nii. Ukpọn onurho nii ghi fian ehe ne ọ Huanrẹn hin ehe ne ọ Huan sẹ ehia nii.

Ẹksọdọs 26:33 ပူးပေါင်းရင်းမြစ်များ

I Ọba 6:16

Ovbi ughugha ọkpa keghi vbe gha rre uwu ẹre, a kegha tie ọna Ehe Ne ọ Huan Sẹẹ Ehia, ọ keghi rre odẹ ukpẹ Ọgua Osa. Uyomwẹ ọnrẹn kegha re ibata ọgban, a keghi ya ekpatako isida ne ọ ke otọ ya sẹ ihie fian ẹn.

I Ọba 8:10

Avbe ohẹn ghi wa ladian vbe Ọgua Osa nii, okuku keghi wa gba ẹre.

I Ọba 8:6

Avbe ohẹn keghi mu Ẹkpẹti Ile nii, iran na ya mu ẹẹn ye Ehe Ne ọ Huan Sẹẹ Ehia vbe Ọgua Osa, vbe ototọ ifuẹn avbe aranmwẹ ni zẹ ifuẹn.

II Krọnikol 3:8

Ọgua ne ọ ke uwu ẹre, ne a tie ẹre Ehe Ne ọ Huan Sẹe Ehia, kegha re ibata ọgban vbe utanmwẹ kevbe ibata ọgban vbe uvbẹmwẹ, ne ọ wa vbe re uvbẹmwẹ nene Ọgua Osa. Etọni igoru isẹn yan ugie ọ re a ya rhu egbekẹn ọnrẹn ighẹ Ehe Ne ọ Huan Sẹe Ehia.

Ẹksọdọs 25:16

“U ghi viọ avbe uhanhan okuta ne a gbẹnnẹ avbe uhi nii yi ne I gha mu nuẹn ye uwu ẹkpẹti nii.

Ẹksọdọs 26:32

U ghi de ẹre mu ọkpọ ne a ya erhan akesia ru ne a vbe ya igoru rhu, ne a vbe viọ aban lele, ne a vbe ya owẹ esiliva enẹ mu mudia.

Ẹksọdọs 27:10

A ghi ya ọkpọ oze ugie ne a ya oze ru odẹ owẹ ọre ke ẹe, kevbe aban kevbe irri ọghe esiliva ni rre avbe ọkpọ ni da ẹe yi.

Ẹksọdọs 27:21

Errọn kevbe ivbi ẹre ghi mu ukpa na ye uwu Owa Ukpọn ne Osanobua na do gha miẹn emwa rẹn aro, vbe iyeke ukpọn onurho ne ọ rre odaro avbe uhanhan ayere. Ọ ghi gha baa vbe odaro mwẹ vba ke ota ya sẹ owiẹ. Ẹmwẹ na, ivbi Izrẹl ghi da ẹe yi rhinrin ẹdẹdẹmwẹdẹ kevbe avbe emọ ne iran gha biẹlẹ.

Ẹksọdọs 36:36

Ọ keghi ya erhan akesia enẹ ru ọkpọ ne ọ da nene ukpọn onurho yi, a ya igoru rhu ẹe, a keghi vbe viọ aban igoru lele ẹe, ọ kegha re ẹzi esiliva enẹ ne ọ da avbe ọkpọ nii yi.

Ẹksọdọs 40:21

Ọ keghi filo avbe ọkpọ nii la uwu ẹgba ne ọ rre ẹkpẹti nii, ọ na dele avbe ukpọn onurho nii degue ẹre yọ. Erriọ ọre ọ ya gie ẹe degue ẹre ighẹ ẹkpẹti nii ne avbe uhanhan uhi igbe ye, zẹ vbene Nọyaẹnmwa tama rẹn.

Ẹksọdọs 40:3

U ghi mu avbe uhanhan uhi igbe ye uwu ẹre ne u mu ukpọn onurho ye odaro ẹre.

Ezikiẹl 41:4

Ọ keghi mwaa nene Ọgua tobọ ẹre, ọ kegha re ibata enẹyan-ọgban vbe igienenẹ. Te a gberra Ọgua ne adesẹ a ke ya sẹ ughugha na. Rẹn keghi tama mwẹ wẹẹ, “Emwa na ọrọre Ehe Nọhuansẹ Ehia.”

Levitikọs 16:2

Ọ keghi kha wẹẹ, “Tama Errọn ne ọtuẹn wẹ ẹghẹ ne ọ khẹ ke ọ re ọ gha ya gha fian ukpọn onurho gberra la uwu Ehe Nọhuansẹ hia, rhunmwuda evba nii ọre I na la uwu okuku rhiegbe ma vbe odukhunmwu ugue Ẹkpẹti Ile. Deghẹ ọ ma họn, a gha gbe ẹe rua.