Ẹksọdọs 26:31 - Edo Bible (E Baibol Ẹdo) Version 1996

³¹ “U ghi ru ukpọn onurho ne a ya eto aranmwẹ ne raghoragho ne ọ vboro kian an, kevbe ne ọ baa, kevbe eto ovbiohuẹ ne a do sẹ. U ghi do ama avbe emwi nii zẹ ifuẹn mose mose lele ẹe.

Ẹksọdọs 26:31 ပူးပေါင်းရင်းမြစ်များ

II Krọnikol 3:14

A keghi ya eto ovbiohuẹ deba emwi ọvbehe e eso do ukpọn onurho ọghe Ehe Ne ọ Huan Sẹe Ehia nii, a keghi ya ẹmu ne raghoragho, ododo, kevbe ne ọ baa muẹn, vbe ne a na vbe gbẹnnẹ ama ọghe avbe aranmwẹ ifuẹn nii lele.

Psalm 137:5

I i gha dọlegbe guara kpe akpata; a deghẹ I mianmian uwẹ, Jerusalẹm!

Ẹksọdọs 25:18

Ya igoru ne a ya umọmọ dunmwu ru emwi nii zẹ ifuẹn eva.

Ẹksọdọs 25:4

Eto aranmwẹ ne raghoragho, ne ọ baa kevbe ne ọ vboro yan an, eto ovbiohuẹ ne yẹnghẹẹn, ukpọn ne a ya eto ewe ru.

Ẹksọdọs 26:1

“Wa ghi ya igbu igbe ọghe eto ovbiohuẹ ne a mẹ, bọ owa ukpọn ne imẹ dia, deba eto ohuan ne raghoragho, ne ọ vboro kian an kevbe ne ọ baa. A ghi munọ ona avbe emwi nii zẹ ifuẹn ye avbe igbu ukpọn na mose mose.

Ẹksọdọs 26:32

U ghi de ẹre mu ọkpọ ne a ya erhan akesia ru ne a vbe ya igoru rhu, ne a vbe viọ aban lele, ne a vbe ya owẹ esiliva enẹ mu mudia.

Ẹksọdọs 27:16

Onurho ne a la la rọ tobọ ẹre, wa ghi rhie ukpọn onurho ne ọre ọkpọ igbe yọ ọ ghi gha re eto ohuan ne raghoragho ne ọ baa rhan-an, kevbe ne ọ wa baa kevbe eto ovbiohuẹ ne a do mose mose, kevbe ne a ye emwi ne a do munọ ona lele. U ghi ya ọkpọ enẹ da ẹe yi vbe ẹzi enenẹ.

Ẹksọdọs 27:21

Errọn kevbe ivbi ẹre ghi mu ukpa na ye uwu Owa Ukpọn ne Osanobua na do gha miẹn emwa rẹn aro, vbe iyeke ukpọn onurho ne ọ rre odaro avbe uhanhan ayere. Ọ ghi gha baa vbe odaro mwẹ vba ke ota ya sẹ owiẹ. Ẹmwẹ na, ivbi Izrẹl ghi da ẹe yi rhinrin ẹdẹdẹmwẹdẹ kevbe avbe emọ ne iran gha biẹlẹ.

Ẹksọdọs 28:15

“U ghi ru uhanhan ukpọn ẹwẹe ne ogie ohẹn ne ọ yagha rẹn emwi ne Osanobua ho a ghi duẹe mose mose, zẹ vbe iwinna adaghọ nii, u ghi lo eto ohuan, igoru, ne raghoragho, ne ọ vboro rhan-an kevbe ne ọ baa kevbe eto ovbiohuẹ ne mose ne a do.

Ẹksọdọs 35:12

Ẹkpẹti ke avbe ọkpọ nii rrọọ, ugue ẹkpẹti nii, kevbe ukpọn onurho ne ọ degue ẹre.

Ẹksọdọs 35:25

Ikhuo ni fuẹro hia keghi ya eto ohuan ne raghoragho, ne ọ vboro rhan-an, kevbe ne ọ baa, sin oru ba eto ovbiohuẹ ne vbukhẹẹ viọ rre.

Ẹksọdọs 35:35

Ọ vbe rhie ifuẹro ne iran ya gha ru emwi hia ne owinna ru, emwa ni ya eto ohuan do ukpọn ne raghoragho, ne ọ vboro rhan an, kevbe ne ọ baa kevbe eto ovbi ohuẹ ne vbukhẹẹ kevbe ọghe emwa ni do ido kẹkan. Iran sẹtin winna iwinna ifuẹro hia, emwa ne ẹwaẹn emwi ne a mwa gba na iran khin.

Ẹksọdọs 35:6

Eto ohuan ne raghoragho, ne ọ vboro rhan-an, kevbe ne ọ baa, eto ovbiohuẹ ne vbukhẹẹ, ukpọn ne a ya eto ewe do.

Ẹksọdọs 36:35

Ọ keghi ya eto ohuan ne raghoragho, ne ọ vboro rhan-an kevbe ne ọ baa, ru ukpọn onurho ẹre deba eto ovbiohuẹ ne vbukhẹẹ ne a mẹ, ne a vbe ye ama avbe emwi ni zẹlẹ ifuẹn mu ona lele.

Ẹksọdọs 36:36

Ọ keghi ya erhan akesia enẹ ru ọkpọ ne ọ da nene ukpọn onurho yi, a ya igoru rhu ẹe, a keghi vbe viọ aban igoru lele ẹe, ọ kegha re ẹzi esiliva enẹ ne ọ da avbe ọkpọ nii yi.

Ẹksọdọs 36:8

Iran ni ghi fuẹro sẹ vbe uwu iran nii winna nene iwinna kegha bọ Owa Ukpọn nii. Igbu ukpọn igbe ne a ya eto ovbiohuẹ ne vbukhẹẹ ne a mẹ, ne raghoragho, ne ọ vboro rhan-an, kevbe eto ohuan ne a ye emwi ni zẹ ifuẹn do ona yi.

Ẹksọdọs 38:23

Ọmwa ne ọ gha yi ẹre obọ, Oholiab ne ovbi Ahisamak ne uniẹn Dan, kegha re ọmwa ne ọ sa emwi ye ama, ne ọmwa emwi, ne ọ do eto ohuan ne raghoragho, ne ọ vboro rhan-an, kevbe ne ọ baa, kevbe eto ovbiohuẹ ne vbukhẹẹ.

Ẹksọdọs 40:21

Ọ keghi filo avbe ọkpọ nii la uwu ẹgba ne ọ rre ẹkpẹti nii, ọ na dele avbe ukpọn onurho nii degue ẹre yọ. Erriọ ọre ọ ya gie ẹe degue ẹre ighẹ ẹkpẹti nii ne avbe uhanhan uhi igbe ye, zẹ vbene Nọyaẹnmwa tama rẹn.

Ẹksọdọs 40:3

U ghi mu avbe uhanhan uhi igbe ye uwu ẹre ne u mu ukpọn onurho ye odaro ẹre.

Ihuan Ne Ọ Sọọ Ihuan Hia 7:1

A miẹn vbene u mose hẹ, uvbi! A miẹn vbe owẹ ruẹ mose hẹ vbe uwu ibata, vbene u gada owẹ yevbe iwinna ọghe, owinna ne ọ guẹ ona.

Levitikọs 16:15

Vbe iyeke ọnii, ọ ghi gbe ẹwe izọese orukhọ ọghe emwa nii, ọ ghi mu esagiẹn ọnrẹn gha die Ehe Nọhuansẹ Ehia, ọ ghi sanmwẹ ọẹn yan ugue ẹkpẹti nii kevbe odaro Ẹkpẹti Ile nii, zẹ vbene ọ vbe ru esagiẹn ẹkhuia ẹmila nii.

Levitikọs 16:2

Ọ keghi kha wẹẹ, “Tama Errọn ne ọtuẹn wẹ ẹghẹ ne ọ khẹ ke ọ re ọ gha ya gha fian ukpọn onurho gberra la uwu Ehe Nọhuansẹ hia, rhunmwuda evba nii ọre I na la uwu okuku rhiegbe ma vbe odukhunmwu ugue Ẹkpẹti Ile. Deghẹ ọ ma họn, a gha gbe ẹe rua.

Nọmbas 4:5

E Nọyaẹnmwa keghi ru igiodẹ na ma e Mosis wẹẹ, “Ọ gha sẹ ẹghẹ ne a ya si kpao vbe agọ rre, Errọn kevbe ivbi ẹre ghi la uwu Owa Ukpọn, iran ghi kie ukpọn onurho ne ọ rre odaro Ẹkpẹti Ile, iran ghi ya ẹe gue ẹkpẹti nii.

Matiu 27:51

Ẹghẹ nii, ọre ukpọn ne a tan ya fian Ọgua Osa na wa sọ ye iheva ke odukhunmwu do sẹ otọ. Otọe keghi mu rueghe, okuta kegha valọ.

Iyẹn ne ọ Maan Ọghe Mak 15:38

Ukpọn ne a tan ẹn ya fian ọgua Osa keghi va eva ke ukhunmwu do sẹ otọ.

Iyẹn ne ọ Maan Ọghe Luk 23:45

Ukpọn ne a ya fian Ọgua Osa ye ihe eva keghi wa va eva.

Ẹfisọs 2:14

Rhunmwuda, Kristi tobọ ẹre rhie ọfumwegbe gie ima nẹ, vbe ne ọ na ya avbe Ju kevbe iran ne ẹ i re Ju khian ọkpa. Ọ keghi ya ikinnegbe ẹre guọghọ ẹe kua ighẹ ekẹn ne ọ te wa iran eva, ne ọ te ya iran khian oghian egbe.