Ẹksọdọs 26:30 - Edo Bible (E Baibol Ẹdo) Version 1996

³⁰ Ọnii nọ wẹ te u ra wa bọ owa ukpọn nii zẹ vbe ne a mu ma ruẹn vbe uhunmwu oke.

Ẹksọdọs 26:30 ပူးပေါင်းရင်းမြစ်များ

I Krọnikol 28:19

E Devid ne Ọba keghi kha wẹẹ, “Avbe emwi na hia rre ama ne a gbẹn zẹ vbene Nọyaẹnmwa tobọ ẹre tae ma mwẹ ne I ru ẹe.”

Ẹksọdọs 25:40

U ghi gbe aro ke otọ ne u ru ẹe zẹ vbene a gie ma ruẹn vbe uhunmwu oke.

Ẹksọdọs 25:9

U ghi ru ehe ne a dia na kevbe emwi ne a ya te ẹre zẹ vbene I gie ẹre ma ruẹn.

Ẹksọdọs 26:29

U ghi ya igoru rhu edọnmwẹ na, u ghi vbe viọ ẹgba ọghe igoru yọ ne ọ gha da erhan ne a ya gba yi mwẹ. U ghi vbe ya igoru rhu ena.

Ẹksọdọs 27:8

U ghi ru aka nii ne ọ gha re ne ọ guokpo vbe uwu ẹre. Uhanhan ọre a gha ya ru ẹe. U ghi ru ẹe zẹ vbe egbe ne a mu ma ruẹn vbe uhunmwu oke.

Ẹksọdọs 40:2

“Vbe ikpẹdẹ nokaro ọghe uki nokaro, u ghi mu Owa Ukpọn nii mudia, ọghe ehe ne Nọyaẹnmwa ye.

Nọmbas 10:21

Iyeke ọnii, ẹwae Kohat ne ọ mu avbe emwi nihuanrẹn, ghi si okhian, vbe iran ghi te sẹ agọ nọkpa, iran gha vbe werriegbe bọ agọ nẹ.

Nọmbas 8:4

Igoru ne a ya umọmọ dunmwu ọre a ya ru ẹe ke otọ ya sẹ ukhunmwu vbene ọ ye ighẹ ne Nọyaẹnmwa mu ma Mosis.

Iwinna 7:44

“Avbe erha mwa odede ke okhogbo na ya ukpọn bọ nii ne ọ ye iran rre ighẹ Osanobua rre evba, ọre ogba gha rre uwu ato. Vbene Osanobua tama Mosis ne ọ bọ ẹe ọre ọ bọ ẹe, zẹ vbe ne ọ ye ighẹ ne a mu ne Mosis ghe.

Hibru 8:2

Rẹn mudia ye ukpo ogie ohẹn vbe Ehe Ne Ọ Huan Sẹẹ Ehia, ọnii nọ wẹ, vbe uwu Ọgua nọ gua nii, ne Nọyaẹnmwa tobọ ẹre bọe ighẹ ẹ i re ne ọmwa ne agbọn họe.

Hibru 8:5

Iwinna ne iran winna zẹ vbe ohẹn, te a yae taa ama ọghe vbene a ru ẹe vbe ẹrinmwi. Erriọ ọ vbe ye, zẹ vbe ne ọghe Mosis vbe gha ye. Ẹghẹ ne ọ khian na bọ Ọgua ukpọn nii, Osanobua tama rẹn wẹẹ, “U ghi miẹn wẹ, vbene ne a mu ma ruẹn vbe uhunmwu oke gha ye, ọre uwa ru ehia re.”

Hibru 9:23

Odẹ vbe nian, ọre a ya ya iran khian ni huanrẹn ighẹ a vbe emwi na ni re ama ne a ya taa ọghe ẹmwata ni rre ẹrinmwi. Sokpan ni wa rre ẹrinmwi ni rrọọ, emwi ni maa sẹ ena ọre a ya zọ ese ẹre.

Jọsua 18:1

Iran ghi khọn otọe ni nẹ, ivbi Izrẹl hia ke do si koko vbe Siailo, iran na mu Owa Ukpọn e Nọyaẹnmwa ye evba.