Ẹksọdọs 25:8 - Edo Bible (E Baibol Ẹdo) Version 1996

⁸ Iran ghi bọ ọgua Osa mẹ ne I mẹ miẹn ehe na gha rre ehe ne iran ye.

Ẹksọdọs 25:8 ပူးပေါင်းရင်းမြစ်များ

I Ọba 6:13

I ghi gu ivbi Izrẹl ne emwa mwẹ gha rrọọ vbe uwu Ọgua Osa na ne u bọ khian na, mẹ I ra vbe he iran ye otọ ẹdẹ.”

I Krọnikol 22:19

Banbanna nian, wa ya ẹtin uwa kevbe orhiọn uwa hia ga e Nọyaẹnmwa. Wa suẹn gha bọ Ọgua Osa ne uwa miẹn ehe na mu Ẹkpẹti Ile ọghe Nọyaẹnmwa ye uwu ẹre deba avbe emwi nihuanrẹn ni dekẹe hia ne a ya ga ẹe.”

Ẹksọdọs 15:17

U viọ iran rre, u keghi gbe iran ẹkun sẹ otọ ye uhunmwu oke. vbe ehe ne u zẹe ya ru owa ruẹ Nọyaẹnmwa. ọgua Osa ne u tobọ ruẹ bọ Nọyaẹnmwa.

Ẹksọdọs 15:2

E Nọyaẹnmwa ya mwẹ khian nọ vbe egbe kevbe nọ mwẹ ẹtin rẹn ọre ọ miẹn mwẹ fan. Osanobua mwẹ nọ, I gha rho ẹre, Osanobua avbe erha mwẹ, I gha so ihuan ukpọlọmwẹ ọnrẹn.

Ẹksọdọs 29:45

I gha rre uwu ẹbu ivbi Izrẹl, I ghi gha re Osanobua iran.

Ẹksọdọs 29:46

Iran gha vbe rẹn wẹ mẹ ọrọre Nọyaẹnmwa ne Osanobua iran, ne ọ viọ iran ke Igipt ladian ne ọ do gha rre uwu ẹbu iran. Mẹ ọrọre Nọyaẹnmwa ne Osanobua iran.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Ezikiẹl 37:26

I gha gu iran ta ile, ne ọ gha gbe iran ẹkun sotọ ẹdẹdẹmwẹdẹ. I gha gbe iran igiẹ, I gha vbe gie iran gha muan yọ. I ghi miẹn wẹ Ọgua Osa mwẹ mudia ye otọe iran ẹdẹdẹmwẹdẹ.

Ezikiẹl 37:28

I gha ghi mu Ọgua Osa mwẹ ye uwu ẹbu iran nẹ, ne ọ gha rre evba ẹdẹdẹmwẹdẹ, ẹghẹ nii avbe uhunmwu ẹvbo gha rẹn wẹ mẹ ne Nọyaẹnmwa, hannọ Izrẹl zẹ nẹ ne iran gha re emwa mwẹ.”

Ezikiẹl 43:7

“Ovbi ọmwa, ghe ẹkete mwẹ vbe emwa na. I gha gu ivbi Izrẹl yin emwa na, I ghi vbe gha khaemwisẹ yan iran ẹdẹdẹmwẹdẹ. Ke ivbi Izrẹl kevbe avbe ọba iran, ne ọ gha ye dọlegbe fa eni mwẹ nọ huanrẹn uan, ẹ i ghi rrọọ, ogha re vbekpa ne a na gho ẹbọ ọvbehe nọ, ra vbekpa ne a na re ikun avbe ọba iran sikẹ emwa na nọ, ẹ i ghi dọlegbe sunu.

Levitikọs 10:4

E Mosis keghi tie Mishẹl kevbe Ẹlsafan ne ivbi Uziẹl ne ovbi erha Errọn, ọ keghi tama iran wẹẹ, “Wa larre ne uwa do munọ ikun ivbi ọtẹn uwa hin odaro Owa Ukpọn ne ọ huansẹẹ rre ne uwa ya viọ iran ye vbe a ra lahin agọ rre nẹ.”

Levitikọs 26:11

I gha gu uwa yin vbe uwu Owa Ukpọn mwẹ ne ọ huanrẹn, ẹmwẹ uwa i ra vbe khan mwẹ.

Levitikọs 4:6

“Ọ ghi fi ikpinhianbọ ẹre yọ igba ihinrọn, ọ ghi sanmwẹ ọẹn ye odaro ukpọn onurho ne ọ huansẹ nii.

Zẹkaraia 2:10

E Nọyaẹnmwa khare wẹẹ, “Wa gha so ihuan oghọghọ, ivbi e Jerusalẹm! Mẹ dee do gu uwa yin.”

Zẹkaraia 8:3

I gha dọlegbe gha die Jerusalẹm ne ẹvbo mwẹ nọhuanrẹn ne I do yin ẹnrẹn. A gha rẹn ọnrẹn ye ẹvbo ne ọ mudia ẹse, a ghi vbe gha tie oke Nọyaẹnmwa ne Oghodua oke nọhuanrẹn.

Nọmbas 5:3

Viọ emwa ni hia ne awua gue na ladian, ne iran ghẹ ya mu awua ye agọ nii, ehe ne I na gu emwa mwẹ rrọọ.”

Iwinna 7:44

“Avbe erha mwa odede ke okhogbo na ya ukpọn bọ nii ne ọ ye iran rre ighẹ Osanobua rre evba, ọre ogba gha rre uwu ato. Vbene Osanobua tama Mosis ne ọ bọ ẹe ọre ọ bọ ẹe, zẹ vbe ne ọ ye ighẹ ne a mu ne Mosis ghe.

II Kọrinti 6:16

Vbe Ọgua Osa kevbe amazẹ ọghe iran nigẹbọ ra ya gue obọ egbe hẹ yi? Rhunmwuda Ọgua osa ọghe Osanobua nọ rrọọ, ọre ima khin. Zẹ vbe ne Osanobua tobo ẹre kha re: “I gha bọ owa mwẹ ye ehe ne iran ye. I ghi yin ehe ne iran ye. Mẹ ghi gha re Osanobua iran, iran ghi gha re emwa mwẹ.”

Diuteronomi 12:11

E Nọyaẹnmwa gha zẹ ihe ọkpa kẹkan ne a gha na gha ga ẹe, evba wa gha na gha viọ avbe emwi hia ne I yi ẹre iyi ne uwa na gie ẹe, ese na giẹn uan ọwua, kevbe ese ọvbehe ne uwa gha zọọ, a ghae ye ihe igbe ọwua kevbe avbe izẹọhẹ kpataki ne uwa ve e Nọyaẹnmwa ẹre.

Hibru 3:6

Sokpan Kristi kegha re ne ọ gia mu ẹtin yan, zẹ vbe Ọmọ ne a gbe aro ghe owa erha ẹe. Ma na ọrọre owa ẹre, a deghẹ ma ya obọ da ẹtin mwa kevbe a muẹtinyan mwa yi mwẹ, vbe ọghe emwi ne ima mwẹ idanmwehọ ẹre.

Jọsua 22:31

E Finihaz ne ovbi Eliaza ne ohẹn keghi tama iran wẹẹ, “Banbanna nian, ma rẹnrẹn wẹ, e Nọyaẹnmwa gu ima rrọọ, rhunmwuda, wa ma sọtẹ ghe e Nọyaẹnmwa, wa kevbe fannọ ivbi Izrẹl hin obọ irrioya ọghe Nọyaẹnmwa rre.”

Arhie Maan 21:3

I keghi họn vbe urhu ọkpa wa datu ke uwu ẹkete rre wẹẹ, “Banbanna nian, owa Osanobua rre ehe ne emwa ne agbọn ye. Rẹn gha gu iran yin, iran ghi vbe gha re emwa rẹn. Osanobua tobọ ẹre gha gu iran yin, rẹn ghi vbe gha re Osanobua iran.