Ẹksọdọs 25:5 - Edo Bible (E Baibol Ẹdo) Version 1996

⁵ Ohian ogho, ne a ya ẹmu ne o baa mu, ohian ẹmila ne vbukhẹẹ, ẹkpo umẹ.

Ẹksọdọs 25:5 ပူးပေါင်းရင်းမြစ်များ

Ẹksọdọs 25:4

Eto aranmwẹ ne raghoragho, ne ọ baa kevbe ne ọ vboro yan an, eto ovbiohuẹ ne yẹnghẹẹn, ukpọn ne a ya eto ewe ru.

Ẹksọdọs 25:6

Ofigbọn ne a sa ye ukpa, emwi nii winhin ne a gha ya gua ofigbọn ne a nọnọ ye emwa uhunmwu kevbe eturari ne ọ winhin ẹsẹse.

Ẹksọdọs 26:26

“U ghi vbe ya erhan akesia ru erhan ne a mu gbe ẹre ekesugie, isẹn ghi gha rre edọnmwẹ ne ọ rre obọkpa ọghe owa ukpọn nii.

Ẹksọdọs 26:37

U ghi vbe ya erhan akesia ru ọkpọ isẹn ọghe ukpọn onurho na, a ghi ya igoru rhu ẹe, a ghi viọ aban igoru lele ẹe. U ghi ya oze ru owẹ isẹn ye avbe ọkpọ na.

Ẹksọdọs 35:23

Dọmwadẹ ọghọe ne ọ mwẹ eto ohuan ne raghoragho, ne ọ vboro rhan an, ra ne ọ baa, eto ovbiohuẹ ne vbukhẹẹ, ukpọn eto ẹwe, ohian ogho ne a ye emwi ne ọ baa gbe ra ohian ne vbukhẹẹ kegha viọ emwi ne iran mwẹ rre.

Ẹksọdọs 35:7

Ohian ogho ne a ya ẹmu ne ọ baa gbe, ohian ne vbukhẹẹ, erhan akasia.

Ẹksọdọs 36:19

Ọ keghi ya ohian ogho ne ọ baa se ugue yan owa ukpọn nii kevbe ohian ẹmila ne mose ne a gha wa yan ọnii.

Ẹksọdọs 36:20

Ọ keghi ya erhan akasia ru ọkpọ ni mudia kpasi ọghe Owa Ukpọn.

Ẹksọdọs 39:34

Ohian ọghe na a ye ẹmu ne ọ baa gbe, ne a mu rhu ẹe, ohian ẹmila ne vbukhẹẹ ne a mu rhu ẹe, kevbe avbe ukpọn onurho ne a mu gu odẹ.

Diuteronomi 10:3

“Ọre I na ya erhan akasia kan ẹkpẹti, I na ka uhanhan okuta eva zẹ vbene ne okaro gha ye, I na viọ hin uhunmwu oke.