Ẹksọdọs 25:4 - Edo Bible (E Baibol Ẹdo) Version 1996

⁴ Eto aranmwẹ ne raghoragho, ne ọ baa kevbe ne ọ vboro yan an, eto ovbiohuẹ ne yẹnghẹẹn, ukpọn ne a ya eto ewe ru.

Ẹksọdọs 25:4 ပူးပေါင်းရင်းမြစ်များ

Gẹnẹsis 41:42

Ọba keghi yuo oroka asẹ ne ọ ya ye ẹmwẹ okhi, hin ikpinhianbọ ẹre rre, ọ keghi rhie ẹre ye ikpinhianbọ ọghe Josẹf, ọ keghi ye ukpọn etianran yiẹe, ọ keghi mu emwi urhu ọghe igoru ye ọre urhu.

Ẹksọdọs 25:3

Emwi ne iran gha ya zẹ ọhẹ rre ọre ena khin, igoru, esiliva kevbe oze.

Ẹksọdọs 25:5

Ohian ogho, ne a ya ẹmu ne o baa mu, ohian ẹmila ne vbukhẹẹ, ẹkpo umẹ.

Ẹksọdọs 28:5

Emwi ne avbe owinna nii gha lo ọrọre eto aranmwẹ, igoru, ne raghoragho, ne ọ vboro rha-an kevbe ne ọ baa kevbe eto ovbiohuẹ ne mose ne a do.

Ẹksọdọs 28:6

“A ghi ya oru ne raghoragho, ne ọ vboro rhan-an, ne ọ baa, igoru kevbe eto ovbiohuẹ ne vbukhẹẹ, se adaghọ, a ghi do ona lele ẹe.

Ezikiẹl 16:10

I viọ ẹwu ne a do emwi lele ne uẹn yọ, I keghi viọ ibata ye uẹ owẹ, ibata ọghe ohian ne ọ maa sẹẹ. I rhie ugbaleto etovbiohuẹ ne uẹn deba ẹwu ne a mu yan egbe ọghe esiliki.

Ezikiẹl 27:7

Ukpọn eto ovbiohuẹ ọ re a ya ru ukpọn ẹhoho okọ ruẹ, ukpọn eto ovbiohuẹ ne a do ke Igipt rre, ne a miẹn wẹ umọdia ọ re a na rẹn ọnrẹn. Ukpọn ne ọ maa fo ọ re a ya ru ekharha ne a fi gue ruẹ ododo ibakpa ne a miẹn vbe Saiprọs.

Arhie Maan 19:8

A fan obọ ẹre nẹẹn nẹ, ne ọ ya ukpọn eto ovbiohuẹ ne ọ huanrẹn kevbe ne ọ fi wainwain haan.” (Ukpọn eto ovbiohuẹ ọrọre uyinmwẹ ẹmwata ọghe emwa Osanobua.)