Ẹksọdọs 25:37 - Edo Bible (E Baibol Ẹdo) Version 1996

³⁷ Ru ukpa ihinrọn viọ ye erhan ọmukpa nii, u ghi mwamwa ẹn yọ vbene iran gha na gha rhie awanwan iran ghe odaro.

Ẹksọdọs 25:37 ပူးပေါင်းရင်းမြစ်များ

II Krọnikol 13:11

Ota vbe owiẹ hia ọ re iran ya giẹn eturari ne ẹẹn, deba avbe aranmwẹ ne a ya zọ ese ne a wa giẹn ikun ẹnrẹn hia a. Iran ghi viọ ebrẹd imuohan rre, a ghi viọ ẹre ye uhunmwu eteburu ne awua i ye. Otota, iran ghi gha rhu avbe ukpa ni rre avbe erhan ọmukpa ọghe igoru. Emwi ne Nọyaẹnmwa khare ọre ima ru sokpan, wa hee ẹe ye otọ nẹ.

II Krọnikol 4:20

Avbe erhan ọmukpa kevbe avbe ukpa igoru ne a ra gha rhu ye odaro Ehe Ne ọ Huan Sẹe Ehia, zẹ vbe ne a mwamwa ẹn.

Psalm 119:105

Ukpa ne ọ ma mwẹ odẹ ọ re ẹmwẹ ruẹn khin, kevbe uwanmwẹ ne ọ rre odẹ mwẹ.

Ẹksọdọs 25:38

“U ghi ya igoru ne ama gua ru uyẹngbe ẹre kevbe emwi ne a ya dọlọ ukpa yi ne ọ rrọọ.

Ẹksọdọs 27:21

Errọn kevbe ivbi ẹre ghi mu ukpa na ye uwu Owa Ukpọn ne Osanobua na do gha miẹn emwa rẹn aro, vbe iyeke ukpọn onurho ne ọ rre odaro avbe uhanhan ayere. Ọ ghi gha baa vbe odaro mwẹ vba ke ota ya sẹ owiẹ. Ẹmwẹ na, ivbi Izrẹl ghi da ẹe yi rhinrin ẹdẹdẹmwẹdẹ kevbe avbe emọ ne iran gha biẹlẹ.

Ẹksọdọs 30:8

Ọ ghi vbe ru ẹe vberriọ vbe ọ gha do rhu ukpa nii vbe ota. Eturari ne a giẹn na, a ghẹ da obọ ẹre yi ẹdẹdẹmwẹdẹ vbe orre uwa hia.

Ẹksọdọs 37:23

Ọ keghi ru ukpa ihinrọn ọghe erhan ọmukpa nii, ọ keghi ya igoru ne ama gua ru ọkpan nọ vbe gha re na zẹ ọre ukpẹ.

Ẹksọdọs 40:24

Ọ keghi mu erhan ọmukpa ye uwu Owa Ukpọn, ọ na mu aro da eteburu vbe odẹ ekẹn ọghe Owa Ukpọn.

Ẹksọdọs 40:25

Ọ keghi rhu ukpa nii yan rẹn vbe odaro Nọyaẹnmwa, zẹ vbene Nọyaẹnmwa tama rẹn.

Itan 6:23

Ukpa ne ọ baa ọ re igiodẹ iran khin, vbene iran ya dia ruẹ ye odẹ, gha sẹtin ma ruẹn vbene u gha ya gha yin hẹ.

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Zẹkaraia 4:2

Rẹn keghi nọ mwẹ wẹẹ, “De emwi ne u bẹghe yi?” Mẹ keghi wanniẹn wẹẹ, “Erhan ne a mu ukpa yan ne a ye igoru ru. Ọkpan ne a sa ofigbọn yi rre odukhunmwu ẹnrẹn. Ukpa ihinrọn rre uhunmwu ọmukpa na, ukpa ọkpọkpa mwẹ uvun ihinrọn ne a rhie oru la.

Nọmbas 4:9

“Iran ghi rhie ukpọn ne raghoragho rhu erhan ọmukpa ke ẹe kevbe avbe ukpa ni rrọọ, kevbe awan, kevbe ekpamaku ne a ya wan erhẹn mu ofigbọn oliv yi.

Nọmbas 8:2

“Tama Errọn wẹ ọ gha viọ avbe ukpa ihinrọn yan uhunmwu erhan ọmukpa, ọ ghi viọ ẹre yọ vbe ne awanwan rẹn gha na la ghe odaro.”

Matiu 5:14

“Wa ọrọre uwanmwẹ agbọn na hia, ẹvbo ne a bọ ye uhunmwu oke i gia rhie lẹre.

Iyẹn ne ọ Maan Ọghe Luk 1:79

Rẹn wan uwanmwẹ ke ẹrinmwi rre, yan emwa hia ni rre ebiebi aghọnghọn uwu ne ọ dia owẹ mwa lele uro odẹ ọfumwegbe.”

Iyẹn ne ọ Maan Ọghe Jọn 1:9

Ọnọna ọrọre uwanmwẹ ne uwanmwẹ, uwanmwẹ ne ọ rrie agbọn do wan mu emwa hia.

Iyẹn ne ọ Maan Ọghe Jọn 12:5

“Vbọzẹ ne a ma na khiẹn ori na enaira iyeha yi ne a ghae ẹre ne avbe ivbiogue?”

Iyẹn ne ọ Maan Ọghe Jọn 8:12

Jesu keghi dọlegbe gu avbe emwa guan wẹẹ, “Mẹ ọrọre uwanmwẹ agbọn, Ọmwaikọmwa ne ọ lele mwẹ, ọ gha mwẹ uwanmwẹ ẹfe, ẹ i ra vbe khian vbe ebiebi.”

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Arhie Maan 1:12

Me keghi khiẹn akhọe ya ghe ọmwa ne ọ gun mwẹ guan. I keghi ya bẹghe erhan ọmukpa igoru ihinrọn.

Arhie Maan 1:20

Ọnọna ọrọre oro emwi ne a yae kha ighẹ orhọnmwẹ ihinrọn, ne u bẹghe vbe obọ erha ọmwa mwẹ, ke ẹe kevbe avbe erhan ọmukpa igoru ihinrọn nii, avbe orhọnmwẹ ihinrọn ni, ọrọre avbe odibosa avbe esọsi ihinrọn nii, avbe erhan ọmukpa ọrọre avbe esọsi ihinrọn nii.

Arhie Maan 1:4

E Jọn ọre ọ gie uhunmwu na gie avbe esọsi ihinrọn ni rre otọ Esia. Ẹsọhẹ kevbe ọfumwegbe ọrọre ọghe uwa ke ehe ne Osanobua ye gha dee, Ọmwa ne ọ rrọọ banbanna, ọmwa ne ọ ka gha rrọọ yi ke ne ọ khian vbe gha rrọọ, kevbe ke ehe ne avbe orhiọn ihinrọn ni rre odaro ẹkete ẹre ye ghe dee.

Arhie Maan 22:5

Asọn i ghi khian gha rrọọ ọvbehe, iran i ghi khian vbe gha gualọ ukpa ra ovẹn ne ọ yunmwu, rhunmwuda Nọyaẹnmwa ọre ọ khian gha re uwanmwẹ iran, iran gha khaemwisẹ zẹ vbe ọha ẹdẹ kevbe ẹdẹdẹmwẹdẹ.

Arhie Maan 4:5

Awanwan avan nukhunmwu kegha yanyan ladian ke uwu ẹkete nii rre, deba owogho kevbe avan nukhunmwu ni vannọ yan egbe. Ukpekhọe ne a rhu, kegha baa vbe odaro ẹkete nii, ena keghi re orhiọn ihinrọn ọghe Osanobua.