Ẹksọdọs 25:31 - Edo Bible (E Baibol Ẹdo) Version 1996

³¹ “Ya igoru ne ama gua ru erhan ọmukpa, u ghi ya igoru ne a ya umọmọ dunmwu ru ẹzi ẹre kevbe erhan rẹn; avbe obobo ne a ya zẹ ose yọ, deba ukhu kevbe ifuẹn obobo ẹre, ehia ghi wa gha re erhan ọkpa deba irẹn.

Ẹksọdọs 25:31 ပူးပေါင်းရင်းမြစ်များ

I Ọba 6:18

A keghi gbẹnnẹ ama ọghe uko ke obobo ye ekpatako isida nii ne a ya te ẹre; a keghi wa ekpatako sida rhu uwu ẹre hia sẹrriọ wẹ a i ghi bẹghe okuta ne a ya ru egbekẹn nii.

I Ọba 7:24

A keghi ya oze ru uko ne a tẹn ye ọgbagba eva lẹga ehọ ẹgbẹdin nii, ọgbagba ọkpọkpa kegha re ibata isẹnyaniyeva, (45) te a wa sae ginna ẹẹn.

I Ọba 7:49

Erhan ọmukpa igoru igbe ne ọ rre odaro Ehe Ne ọ Huan Sẹẹ Ehia, isẹn vbe odẹ ekẹn vbọ, isẹn vbe odẹ okuọ avbe obobo, avbe ukpa kevbe avbe awan,

I Krọnikol 28:15

Ne a gha ya ru ukpa kevbe avbe erhan ọmukpa.

II Krọnikol 13:11

Ota vbe owiẹ hia ọ re iran ya giẹn eturari ne ẹẹn, deba avbe aranmwẹ ne a ya zọ ese ne a wa giẹn ikun ẹnrẹn hia a. Iran ghi viọ ebrẹd imuohan rre, a ghi viọ ẹre ye uhunmwu eteburu ne awua i ye. Otota, iran ghi gha rhu avbe ukpa ni rre avbe erhan ọmukpa ọghe igoru. Emwi ne Nọyaẹnmwa khare ọre ima ru sokpan, wa hee ẹe ye otọ nẹ.

II Krọnikol 4:20

Avbe erhan ọmukpa kevbe avbe ukpa igoru ne a ra gha rhu ye odaro Ehe Ne ọ Huan Sẹe Ehia, zẹ vbe ne a mwamwa ẹn.

II Krọnikol 4:7

Iran keghi ru erhan ọmukpa igoru igbe zẹ vbe ne a ka ya ru ẹe dee yi kevbe eteburu igbe. Iran keghi viọ ẹre ye ọgua nọkhua vbe uwu Ọgua Osa, erhan ọmukpa isẹn kevbe eteburu isẹn vbe obọ na kevbe obọ nọkpa. Iran kevbe ru ọkpan igoru iyisẹn.

Ẹksọdọs 25:34

Ọkpọ ọghe erhan ọmukpa nii ghi gha mwẹ obobo enẹ ne a ya re ẹre ne ọ yevbe obobo almọnd ke ẹe kevbe ukhu kevbe ebe obobo.

Ẹksọdọs 25:36

Avbe ukhu nii kevbe abọ nii ghi ye gha re ọkpa yaba erhan ọmukpa nii. Ọ ghi gha re igoru ne ama gua ne a ya umọmọ dunmwu.

Ẹksọdọs 31:8

Eteburu kevbe emwi ne a viọ ke ẹe, erhan ọmukpa ọghe igoru ne a ma gua, kevbe emwi ne a viọ lele ẹe, aka ne a na giẹn eturari.

Ẹksọdọs 35:14

Erhan ọmukpa ne a mu ukpa yi, kevbe emwi ne a lo vbe evba hia, ukpa nii rrọọ, kevbe ofigbọn ọghe ukpa.

Ẹksọdọs 39:37

Erhan ọmukpa ọghe igoru ne a ma gua, ukpa ni rrọọ, avbe ukpa ne a gha tẹn ye uviẹn, kevbe avbe emwi ne a ya ru emwi vbọ hia, ofigbọn ne a sa ye ukpa.

Levitikọs 24:4

Errọn ghi gha gbe aro ghe avbe ukpa ni rre uhunmwu erhan ọmukpa ọghe igoru na a ma gua, ọ ghi miẹn wẹ ọ wa baa ẹghẹ hia vbe odaro e Nọyaẹnmwa.

Zẹkaraia 4:2

Rẹn keghi nọ mwẹ wẹẹ, “De emwi ne u bẹghe yi?” Mẹ keghi wanniẹn wẹẹ, “Erhan ne a mu ukpa yan ne a ye igoru ru. Ọkpan ne a sa ofigbọn yi rre odukhunmwu ẹnrẹn. Ukpa ihinrọn rre uhunmwu ọmukpa na, ukpa ọkpọkpa mwẹ uvun ihinrọn ne a rhie oru la.

Nọmbas 3:31

Iran ọre a mu iwinna ne ọ dekan Ẹkpẹti Ile na, kevbe eteburu, erhan ọmukpa, aka, kevbe avbe ọkpan ne avbe ohẹn ya ru emwi vbe Ehe Ne ọ huanrẹn, deba iwinna ni ghi rre avbe emwi na hia.

Nọmbas 4:10

Iran ghi ya ohian ne mose vbuẹ ọre kevbe emwi hia ne a lo ba ẹre mu yan edọnmwẹ ne a ya muẹn.

Nọmbas 4:9

“Iran ghi rhie ukpọn ne raghoragho rhu erhan ọmukpa ke ẹe kevbe avbe ukpa ni rrọọ, kevbe awan, kevbe ekpamaku ne a ya wan erhẹn mu ofigbọn oliv yi.

Nọmbas 8:1

E Nọyaẹnmwa keghi tama e Mosis wẹẹ,

Nọmbas 8:4

Igoru ne a ya umọmọ dunmwu ọre a ya ru ẹe ke otọ ya sẹ ukhunmwu vbene ọ ye ighẹ ne Nọyaẹnmwa mu ma Mosis.

Hibru 9:2

Iran keghi gbe Ọgua ukpọn, ne ọ ke ore vbọ, a kegha tie ẹre Ehe Ne ọ Huanrẹn. Emwi ne ọ rre emwa kegha re, ukpa, eteburu kevbe ebrẹd ne a ya fi ohan ne Osanobua.

Arhie Maan 1:12

Me keghi khiẹn akhọe ya ghe ọmwa ne ọ gun mwẹ guan. I keghi ya bẹghe erhan ọmukpa igoru ihinrọn.

Arhie Maan 1:20

Ọnọna ọrọre oro emwi ne a yae kha ighẹ orhọnmwẹ ihinrọn, ne u bẹghe vbe obọ erha ọmwa mwẹ, ke ẹe kevbe avbe erhan ọmukpa igoru ihinrọn nii, avbe orhọnmwẹ ihinrọn ni, ọrọre avbe odibosa avbe esọsi ihinrọn nii, avbe erhan ọmukpa ọrọre avbe esọsi ihinrọn nii.

Arhie Maan 2:5

Ye ehe ne u he de sẹ ẹro! Zẹ obọ vbe orukhọ ne u ru, ne u gha ru vbene u te ka gha ru vbe ẹghẹ okaro. A deghẹ u ma zẹ obọ vbe orukhọ ne u ru, I gha bu ruẹ gha dee, I ghi do mu erhan ọmukpa ruẹ hin ihe ẹre rre.

Arhie Maan 4:5

Awanwan avan nukhunmwu kegha yanyan ladian ke uwu ẹkete nii rre, deba owogho kevbe avan nukhunmwu ni vannọ yan egbe. Ukpekhọe ne a rhu, kegha baa vbe odaro ẹkete nii, ena keghi re orhiọn ihinrọn ọghe Osanobua.

I Samuẹl 3:3

E Samuẹl keghi vbe gha vbiẹ vbe uwu Ogiukpo, ehe ne Ẹkpẹti Ile ọghe Osanobua ye. Ukpa ne ọ rre evba ke ye gha baa.