Ẹksọdọs 25:30 - Edo Bible (E Baibol Ẹdo) Version 1996

³⁰ A ghi mu eteburu nii, ye odaro Ẹkpẹti Ile nii, Ebrẹd iruemwi, ne a ya ru izọhẹ gunmwẹ ghi gha rre uhunmwu eteburu nii vbe ẹghẹ hia.

Ẹksọdọs 25:30 ပူးပေါင်းရင်းမြစ်များ

I Ọba 7:48

E Solomọn keghi wẹ ne a vbe ya igoru ru emwi ne a ya te Ọgua Osa, Ogiukpo igoru kevbe e tebul ne a viọ ebrẹd yi.

I Krọnikol 23:29

Ne iran gha gbearoghe ebrẹd ne a ya fi ohan ne Osanobua, avbe irhuarhua ne a ya ru izọese, avbe ebrẹd ne fẹrhẹfẹrhẹ ne a ma rhie eyist yi a ke le ẹe, avbe emwi izọese ne a ranmwẹ ne ọ kae kevbe irhuarhua ne a ye ẹvbi oliv gbe, ne iran gha mwa kevbe ne iran vbe gha ka emwi izẹọhẹ ọghe Ọgua Osa.

I Krọnikol 9:32

Ivbi ẹwae Kohat ọ re yan eka iruemwi ne a lo vbe Ọgua Osa vbe Ẹdẹ Ikẹtin hia.

II Krọnikol 13:11

Ota vbe owiẹ hia ọ re iran ya giẹn eturari ne ẹẹn, deba avbe aranmwẹ ne a ya zọ ese ne a wa giẹn ikun ẹnrẹn hia a. Iran ghi viọ ebrẹd imuohan rre, a ghi viọ ẹre ye uhunmwu eteburu ne awua i ye. Otota, iran ghi gha rhu avbe ukpa ni rre avbe erhan ọmukpa ọghe igoru. Emwi ne Nọyaẹnmwa khare ọre ima ru sokpan, wa hee ẹe ye otọ nẹ.

II Krọnikol 2:3

E Solomọn keghi gie ne a tama e Hiram ne ọba e Taia wẹẹ, “Vbe gha do ẹki gun mwẹ zẹ vbene u vbe gha do ẹki gie erha mwẹ ighẹ e Devid ne ọba vbe ẹghẹ ne u na khiẹnnẹ igẹdu e sida ne ẹẹn ne ọ ya bọ ẹguae ẹre.

II Krọnikol 2:4

I wa bọ Ọgua Osa nian ne I ya ya ọghọ ne Nọyaẹnmwa ne Osanobua mwẹ. Ehe ne ọ huanrẹn khian gha nọ, ehe ne avbe emwa mwẹ kevbe imẹ, gha na gha ga ẹe, vbene ima gha na gha giẹn eturari nọwinhin ghe ẹre, ehe ne ima gha na gha ye ebrẹd ne ọ huanrẹn yo imuohan giee vbe ne a i na dobọyi, ehe ne ima gha na gha zọ ese ne a giẹn uan ghe ẹre vbe owiẹ kevbe ota kevbe Ẹdẹ Ikẹtin hia fẹẹrẹ, emwiukpo Uki Ọgbọn, kevbe avbe ẹdẹ ni huanrẹn ne a ya gha ya ọghọ ne Nọyaẹnmwa ne Osanobua mwa. Rẹn ọ re ọ tama ivbi Izrẹl ne iran gha ru ọna khian ẹdẹdẹmwẹdẹ.

Ẹksọdọs 35:13

Eteburu, ọkpọ nii rrọọ kevbe emwi ne a ya ru emwi vbọ hia, kevbe ebrẹd ne a ya zọhẹ gie Osa.

Ẹksọdọs 39:36

Eteburu kevbe avbe emwi ne a ya ru emwi vbọ hia, ebrẹd ne a ya yo imuohan gie Osanobua.

Ẹksọdọs 40:23

Ọ keghi vbe mu ebrẹd ne a ya zẹ ọhẹ gie Nọyaẹnmwa yan rẹn, zẹ vbene Nọyaẹnmwa tama rẹn.

Ẹksọdọs 40:4

U ghi mu eteburu nii la owa ne u viọ emwi ne a ya ru emwi hia yan rẹn. U ghi vbe mu erhan ọmukpa ladian ne u vbe viọ avbe ukpa yọ.

Ezikiẹl 41:22

erhan ọ re a ya ru ẹe. Ọmwa nii keghi tama mwẹ wẹẹ, “Ọnọna ọrọre eteburu ne a mu ye ehe ne Nọyaẹnmwa ye.”

Malakai 1:12

Sokpan, te uwa yagha mwẹ vbe uwa a kha wẹ Ogiukpo nọ ma maa ọre ọghomwẹ khin, wa ghi vbe gha zọ ese evbare ne uwa wẹ ẹi ma vbe uhunmwu ẹnrẹn.

Malakai 1:7

Vbenian ọre nọ ne uwa na do gha ya evbare nọ ma maa zọ ese vbe Ogiukpo mwẹ. Wa ghi vbe nọ wẹẹ, ‘Vbe ima ma ya lohan ruẹn hẹ yi?’ I gha tama uwa, ne uwa ma na ka Ogiukpo mwẹ yọ.

Nọmbas 4:7

“Iran ghi mu ukpọn ne raghoragho rhu eteburu ọghe ebrẹd ne a ya zẹ ọhẹ gie Nọyaẹnmwa a ghi viọ avbe ọkpan yan rẹn, kevbe ọkpan ọghe eturari, avbe ọkpan izẹhẹ kevbe esago ayọn ne a ya zẹ ọhẹ.

Matiu 12:4

Ọ keghi la uwu owa Osanobua, rẹn kevbe ikpayẹ ọre keghi ya rri ebrẹd ne a ya mu ohan gie Osanobua, vberriọ, Uhi ma kha wẹ ne iran rriọe, rhunmwuda, avbe ohẹn ọkpa ọre a giee gha rriọe.

Hibru 9:2

Iran keghi gbe Ọgua ukpọn, ne ọ ke ore vbọ, a kegha tie ẹre Ehe Ne ọ Huanrẹn. Emwi ne ọ rre emwa kegha re, ukpa, eteburu kevbe ebrẹd ne a ya fi ohan ne Osanobua.

I Samuẹl 21:4

Ohẹn ni keghi kha wẹẹ, “I i mwẹ ebrẹd kẹkan gberra ebrẹd iruemwi, I sẹtin viọ nuẹn a deghẹ emwa ruẹn ma ghi gu okhuo lovbiẹ ke nẹdẹ eso gha dee.”

I Samuẹl 21:5

E Devid keghi wanniẹn wẹẹ, “Ẹn, Iran ma ru emwi rhọkpa, Ikhuo i rre ehe ne ima ye. Ma gha rrie okhian kẹkan, te emwa mwẹ ye miẹn wẹ awua i gu iran. Inuinu ghi nọ vbe a miẹn wẹ okhian kpataki ọ re ọna khin!”

I Samuẹl 21:6

Ẹre ohẹn na viọ ebrẹd iruemwi ne Devid rhunmwuda ebrẹd ne a ya yo imuohan gie Osanobua ọkpa ọ re ọ gha mwẹ, avbe viọ ẹre hin uhunmwu eteburu iruemwi rre nẹ, a kevbe ya ebrẹd ne a da le rọ ẹe.