Ẹksọdọs 25:29 - Edo Bible (E Baibol Ẹdo) Version 1996

²⁹ U ghi ru avbe ọkpan, ukpu, uru kevbe agbada ne a gha ya gha ru izọhẹ ọghe ayọn. Ena hia, igoru ne ama gua ọre a gha ya ruẹ.

Ẹksọdọs 25:29 ပူးပေါင်းရင်းမြစ်များ

I Ọba 7:50

avbe ukpu igoru, emwi ne a ya dọ ukpa yọ, avbe ọkpan, uyẹngbe eturari kevbe egbẹnghẹngbẹnghẹn ne a ya wan erhẹn, olode ni rre ẹkhu Ehe Ne ọ Huan Sẹẹ Ehia kevbe ẹgun ne ọ ke Ọgua Osa.

II Krọnikol 4:22

emwi ne a ya dọ ukpa yọ, avbe ọkpan ne a viọ eturari yi, kevbe avbe ọkpan ne wẹwẹrhẹ ne a ya wan erhẹn. Igoru ne a ma gua ọ re a ya ru avbe emwi na hia. avbe ẹkhu ore ni rre Ọgua Osa kevbe avbe ẹkhu ni rre Ehe Ne ọ Huan Sẹe Ehia, igoru ọ re a ya rhu ehia.

Ẹksọdọs 25:28

U ghi ya erhan akesia ru ogba na, ne u ya igoru rhu ẹe.

Ẹksọdọs 37:16

Ọ keghi vbe ya igoru ne a ma gua ru avbe ọkpan viọ ye eteburu nii, deba avbe ukpu, uru kevbe ọkpan nekhua ne a ya gha ru izọhẹ emwi ne a wọn.

Ihuan Ne Ọ Sọọ Ihuan Hia 5:1

I la uwu ogba nẹ, ikpẹ amiẹnmiẹn kevbe ọha mwẹ. I gha si avbe ọmọ erhan ni winhin kevbe oziya mwẹ koko I gha rri owọn kevbe ipapa owọn mwẹ I gha wọn ayọn kevbe ewẹn mwẹ. Wa gha re avbe enida, wa gha da rhinrin ayọn ahoẹmwọmwa ke do gha gbe uwa.

Nọmbas 4:7

“Iran ghi mu ukpọn ne raghoragho rhu eteburu ọghe ebrẹd ne a ya zẹ ọhẹ gie Nọyaẹnmwa a ghi viọ avbe ọkpan yan rẹn, kevbe ọkpan ọghe eturari, avbe ọkpan izẹhẹ kevbe esago ayọn ne a ya zẹ ọhẹ.

Nọmbas 7:84

A ghi roro emwi ne avbe ọkaolotu viọ rre ne a ya do ugie a ya aka fi ohan, ọ kegha ye nian: Ọkpan ni dinmwi ọghe esiliva iwe iweva kevbe ọkpan ne wẹwẹrhẹ ọghe esiliva iweva ukhuamwẹ ehia kegha re uwan iyeha (60). Ọkpan igoru ni dinmwi iweva ne a ya eturari vuọn, ukhuamwẹ ọnrẹn kegha re uwan nekherhe evairre kigbesiyeha. Ẹkhuia ẹmila iweva, ogho iweva kevbe ivbi ohuan amwẹ ni he rre ukpo ọkpan ke ẹe kevbe izẹọhẹ ọka ni lelẹe khian, ne a ya zọ ese ne a giẹn uan: ewe iweva ọghe ese orukhọ ẹkhuia ẹmila enẹyanugie, ogho iyeha, ẹwe iyeha, ivbi ohuan ni he rre ukpo ọkpa, iyeha ọghe isara.

Arhie Maan 3:20

Dọ re! I mudia ye onurho gha so obọ, a deghẹ ọmwaikọmwa ghi họn, ọ na kie ẹre mẹ, I gha bu ẹre la owa, I ghi gu ẹe rri evbare, rẹn ghi vbe gun mwẹ rri evbare.