Ẹksọdọs 25:22 - Edo Bible (E Baibol Ẹdo) Version 1996

²² Evba I gha na do gha miẹn ruẹn, I gha vbe mudia ye ugue Ẹkpẹti ne, I do rhie uhi mwẹ hia ne uwa ke adesẹneva emwi nii nẹ ifuẹn nii gha dee, gie ivbi Izrẹl.

Ẹksọdọs 25:22 ပူးပေါင်းရင်းမြစ်များ

Gẹnẹsis 18:33

Ugbẹn vbe ọ ghi gu Ebraham guan fo nẹ, e Nọyaẹnmwa keghi kpao, ọre Ebraham na gha rrie owa.

II Samuẹl 6:2

Ọ keghi viọ iran gha rrie Baala vbe Juda, ne ọ ya mu ẹẹn rre ighẹ Ẹkpẹti Ile Osanobua ne a he ẹre eni Nọyaẹnmwa ne Oghodua, ne ọ tota ye Ẹkpẹti ẹnrẹn vbe adesẹneva emwi ne a yi ni mwẹ ifuẹn nii.

II Ọba 19:15

Ọ keghi na erhunmwu wẹẹ, “E Nọyaẹnmwa ne Osanobua Izrẹl, ne ọ tota ye ẹkete ẹre vbe odukhunmwu emwi ni zẹ ifuẹn nii, wẹ ọkpa kẹkan ọrọre Osanobua, wẹ ọ re ọ vbe khaemwisẹ yan arriọba otọ agbọn hia. Wẹ ọ re ọ yi otọ kevbe iso.

I Krọnikol 13:6

E Devid kevbe emwa ni kegha rrie Baala, ọnii nọ wẹ kirriat Jearim vbe otọe Juda, ne iran ya mu Ẹkpẹti Ile Osanobua rre ne ọ mwẹ eni e Nọyaẹnmwa ne ọ tota ye ẹkete vbe odukhunmwu emwi ni zẹ ifuẹn nii.

Psalm 80:1

Danmwehọ ima ọmwa Ne ọ huanrẹn Izrẹl họn ọghomwa, we ne ọkaolotu emwa ruẹn wẹ ne ọ tota ye ẹkete ruẹ vbe odukhunmwu avbe aranmwẹ ni zẹ ifuẹn.

Psalm 80:2

Rhie egbe ruẹ ma ẹwae Ifreim, e Bẹnjamin kevbe Manasẹ. Rhie ẹtin ruẹn ma mwa, larre do miẹn mwa fan.

Psalm 90:1

E Nọyaẹnmwa, wẹ ọrọre owa mwa ẹdẹdẹmwẹdẹ.

Psalm 99:1

Osanobua ọrọre ọba, avbe emwa gha guọ. Ọ tota ye ẹkete ẹre vbe odukhunmwu avbe emwi ne a yi ni zẹlẹ ifuẹn, agbọn keghi mu rueghe.

Ẹksọdọs 20:24

Wa ya ekẹn ma aka mẹ, wa ghi gha zẹ ese rua ne a giẹn uan ke ẹe kevbe ese ne a gba zọ ọghe uwa, kevbe ohuan kevbe ẹmila rua. Eheikehe ne I rhirhi a kha ma uwa ne uwa na gha ga mwẹ, I gha rre do gha fiangbe uwa vbe evba.

Ẹksọdọs 27:21

Errọn kevbe ivbi ẹre ghi mu ukpa na ye uwu Owa Ukpọn ne Osanobua na do gha miẹn emwa rẹn aro, vbe iyeke ukpọn onurho ne ọ rre odaro avbe uhanhan ayere. Ọ ghi gha baa vbe odaro mwẹ vba ke ota ya sẹ owiẹ. Ẹmwẹ na, ivbi Izrẹl ghi da ẹe yi rhinrin ẹdẹdẹmwẹdẹ kevbe avbe emọ ne iran gha biẹlẹ.

Ẹksọdọs 30:36

U ghi dunmwu eso vbọ rẹnkhẹn u ghi gha lo eso vbọ vbe odaro Ẹkpẹti Osẹe vbe uwu Owa Ukpọn ne a ya rẹn ighẹ mẹ rre evba, ehe ne I gha na do gha vbe ruẹ. U ghi gha ya obọ mu eturari na zẹ vbe emwi ne ọ huanrẹn ẹsẹse.

Ẹksọdọs 30:6

U ghi mu aka na ye odaro ukpọn onurho ne ọ rre vbe a te sẹ ehe ne ẹkpẹti Ile ye.

Ẹksọdọs 31:18

Ugbẹn vbe Osanobua ghi gu e Mosis guan fo nẹ vbe uhunmwu oke Sainai, ọ keghi viọ uhanhan ayere eveva nii nẹẹn, uhanhan okuta ne ikpinhianbọ Osanobua gbẹnnẹ uhi yi.

Ẹksọdọs 31:6

I vbe zẹ Oholiab ne ovbi Ahisamak ne ẹwae ọghe Dan ne ọ yaba re gha winna. I vbe ya ẹtin nọkhua ne avbe ọmwa ifuẹro nekpa hia fẹẹrẹ ne iran miẹn ehe na ru emwi hia ne I yi iyi ẹre ne iran ru:

Aizaia 37:16

“E Nọyaẹnmwa ne Oghodua, Osanobua Izrẹl, wẹ ne ọ tota ye odukhunmwu ehe ne avbe emwi ne a yi ni zẹ ifuẹn nii ye, wẹ okpa kẹkan ọrọre Osanobua, wẹ ọ re ọ vbe khaemwisẹ yan avbe otọe arriọba ni rre agbọn na hia, wẹ ọ re ọ yi otọe kevbe iso.

Ezikiẹl 43:6

Ọmwa nii keghi mudia ke mwẹ, I keghi họn vbe e Nọyaẹnmwa ke uwu Ọgua Osa gun mwẹ guan wẹẹ:

Levitikọs 1:1

E Nọyaẹnmwa keghi datie Mosis ke uwu Owa Ukpọn e Nọyaẹnmwa rre, ọ na viọ avbe uhi na ne ẹẹn wẹẹ,

Levitikọs 16:2

Ọ keghi kha wẹẹ, “Tama Errọn ne ọtuẹn wẹ ẹghẹ ne ọ khẹ ke ọ re ọ gha ya gha fian ukpọn onurho gberra la uwu Ehe Nọhuansẹ hia, rhunmwuda evba nii ọre I na la uwu okuku rhiegbe ma vbe odukhunmwu ugue Ẹkpẹti Ile. Deghẹ ọ ma họn, a gha gbe ẹe rua.

Nọmbas 17:4

U ghi viọ iran ye odaro Ẹkpẹti Ile vbe uwu Owa ukpọn Ile vbe ehe ne I na do gha miẹn ọn.

Nọmbas 7:89

Ẹghẹikẹghẹ ne Mosis ya la uwu Owa Ukpọn Ile nii, ne ọ ya gu e Nọyaẹnmwa guan, ọ ghi họn vbe Nọyaẹnmwa a gha gu ẹe guan ke odukhunmwu ugue Ẹkpẹti Ile, ne ọ rre adesẹneva aranmwẹ eva ni zẹ ifuẹn.

Giọgis 20:27

Iran kevbe nọ e Nọyaẹnmwa ọta (Ẹkpẹti Ile ọghe Nọyaẹnmwa, e Bẹtẹl ọ re ọ gha ye vbe ẹghẹ ne a kha na. E Finihaz ne ovbi Eliaza ne ovbi Errọn ọ re ọ gha gbearoghe ẹre.) Iran keghi nọ wẹẹ, “Ne ima ye ya gu etẹn ima ighẹ ivbi Bẹnjamin gbinna ra ne ima ghẹ ghi yo?” E Nọyaẹnmwa keghi kha wẹẹ, “Ẹdẹ ne akhuẹ, I gha gie uwa khọnmiotọ vbe uhunmwu iran. Wa ya gbinna.”

I Samuẹl 4:4

Iran keghi rhunmwuda onii gie emwa gha rrie Silo, iran na ya mu Ẹkpẹti Ile ọghe Nọyaẹnmwa ne Oghodua, ne ọ tota yan ẹkete ẹre vbe adesẹneva emwi na yi ni mwẹ ifuẹn nii, ivbi Elai eveva Hofnai kevbe Finihaz keghi lele Ẹkpẹti Ile ni gha dee.