Ẹksọdọs 25:2 - Edo Bible (E Baibol Ẹdo) Version 1996

² “Tama ivbi Izrẹl ne iran rhie izọhẹ gu mwẹ. Miẹn iran emwi ne iran a rhirhi ya ru izọhẹ rre.

Ẹksọdọs 25:2 ပူးပေါင်းရင်းမြစ်များ

Ẹzra 1:6

Emwa ẹdogbo iran hia keghi yi iran obọ vbene iran na viọ emwi nibun ne iran: emwi ne a ya le evbare ọghe esiliva, igoru, evbare, aranmwẹ ni mu ihẹ, emwi ewe ọvbehe kevbe emwi ne a ya mu ohan vbe Ọgua Osa.

Ẹzra 2:68

Avbe ọyiwe ghi sẹ ehe ne Ọgua Osa e Nọyaẹnmwa ye, vbe Jerusalẹm, eso vbe uwu avbe ọkaolotu ẹwae vbọ keghi viọ emwi izẹọhẹ rre ne a ya ru iyobọ ya bọ Ọgua Osa ye ehe ne ọ ka ye.

Ẹzra 3:5

Ye vbe deba ọnii, iran kevbe gha zọ ese ne a giẹn ikun ẹnrẹn hia, kevbe ese ne a zọ vbe ẹghẹ Emwiukpo Uki Ọgbọn, kevbe ẹghẹ ugamwẹ ni dekẹe hia ne a na si egbe koko ga e Nọyaẹnmwa; do deba avbe izọ ese ne a ya ọ kekhọerre zọ ghe Nọyaẹnmwa.

Ẹzra 7:16

U ghi vbe viọ esiliva kevbe igoru hia ne u koko vbe otọ arriọba e Babilọn hia, deba emwi imu ohan ne ivbi Izrẹl kevbe avbe ohẹn viọ rre rhunmwuda iwinna Ọgua Osa ọghe Osanobua iran vbe Jerusalẹm.

Nehimaia 11:2

Emwa ni keghi tian avbe emwa ọvbehe ni tobọ iran kha wẹ iran gha yin adesẹ ore Jerusalẹm.

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Ẹksọdọs 25:1

E Nọyaẹnmwa keghi tama e Mosis,

Ẹksọdọs 25:3

Emwi ne iran gha ya zẹ ọhẹ rre ọre ena khin, igoru, esiliva kevbe oze.

Nọmbas 18:24

Rhunmwuda, mẹ ya a ghae yi ihe igbe ne ivbi Izrẹl ya ha oko kpataki gunmwẹ ne iran nẹ. Ọnii ọ si ẹe ne I na tama iran wẹ iran i ra gha mwẹ emwi arevbukhu vbe otọe Izrẹl.”

II Kọrinti 9:7

Rhunmwuda ọnii, wẹ ne dọmwadẹ ọghọe zẹ ọhẹ vbene ọ ye ekhọe ẹre mwamwa ẹn, ẹ i re ne a ru viẹ, ra ọghe te a ya tọn mwẹ, rhunmwuda, ọmwa ne ọ ye ekhọe ọyẹnmwẹ ru ẹse, ọre Osanobua ho ẹmwẹ ọnrẹn.

Giọgis 5:9

Ekhọe mwẹ rrọ deba iran ni kha yan okuo Izrẹl deba iran ni tobọ iran gha khian wa rho e Nọyaẹnmwa!