Ẹksọdọs 25:16 - Edo Bible (E Baibol Ẹdo) Version 1996

¹⁶ “U ghi viọ avbe uhanhan okuta ne a gbẹnnẹ avbe uhi nii yi ne I gha mu nuẹn ye uwu ẹkpẹti nii.

Ẹksọdọs 25:16 ပူးပေါင်းရင်းမြစ်များ

I Ọba 8:9

Te a wa ke ehe ne a mudia yi vbe ugha nọkhua bẹghe ẹre vbe odaro Ehe Ne ọ Huan Sẹẹ Ehia sokpan, a i ke ore bẹghe ẹre. Emwi ọvbehe i rre Ẹkpẹti Ile nii gberra uhanhan okuta ne a gbẹn eveva ne Mosis viọ yọ vbe Oke Sainai, ehe ne Nọyaẹnmwa na gu ivbi Izrẹl ta ile vbe iran ke Igipt dee.

II Ọba 11:12

Ẹre Jehoiada na rhie Joas ladian, ọ keghi mu ẹde ye ọre uhunmwu, ọ na rhie ọkpa ne ẹẹn vbe uwu ebe ọghe vbene ọba yin hẹ. Ẹre a na sa ori ye Joas uhunmwu, a na ma ẹre ọba. Emwa hia keghi kpe obọ, iran were tii kha wẹẹ, “Ọba gha tọ, ọ kpẹre!”

II Krọnikol 23:11

Ẹre Josaia na rhie Joas ladian, ọ na mu ẹdẹ ye ọre uhunmwu, ọ na mu ebe ilele ẹmwẹ ọba ye ọre obọ. A keghi ma ẹre ọba, ẹre Jehoiada ne ohẹn kevbe avbe ivbi ẹre keghi nọnọ ori yan Joas uhunmwu, emwa hia keghi wa wee kha wẹẹ, “Ọba gha tọ ọ kpẹre.”

Ẹksọdọs 16:34

Zẹ vbene Nọyaẹnmwa yi ẹre iyi ma e Mosis, Errọn keghi muẹn ye odaro Ẹkpẹti Ile ne a miẹn ehe na gha gbe aro ghe ẹre.

Ẹksọdọs 25:21

U ghi viọ uhanhan okuta eveva nii ye uwu ẹkpẹti na, ne u vbe mu ugue ẹre rhu ẹe.

Ẹksọdọs 26:33

U ghi viọ avbe ukpọn onurho nii la ototọ avbe aban nii vbe okpo ọghe avbe owa ukpọn nii. U ghi mu ẹkpẹti ne uhanhan ayere nii ye ye iyeke ukpọn onurho nii. Ukpọn onurho nii ghi fian ehe ne ọ Huanrẹn hin ehe ne ọ Huan sẹ ehia nii.

Ẹksọdọs 27:21

Errọn kevbe ivbi ẹre ghi mu ukpa na ye uwu Owa Ukpọn ne Osanobua na do gha miẹn emwa rẹn aro, vbe iyeke ukpọn onurho ne ọ rre odaro avbe uhanhan ayere. Ọ ghi gha baa vbe odaro mwẹ vba ke ota ya sẹ owiẹ. Ẹmwẹ na, ivbi Izrẹl ghi da ẹe yi rhinrin ẹdẹdẹmwẹdẹ kevbe avbe emọ ne iran gha biẹlẹ.

Ẹksọdọs 30:36

U ghi dunmwu eso vbọ rẹnkhẹn u ghi gha lo eso vbọ vbe odaro Ẹkpẹti Osẹe vbe uwu Owa Ukpọn ne a ya rẹn ighẹ mẹ rre evba, ehe ne I gha na do gha vbe ruẹ. U ghi gha ya obọ mu eturari na zẹ vbe emwi ne ọ huanrẹn ẹsẹse.

Ẹksọdọs 30:6

U ghi mu aka na ye odaro ukpọn onurho ne ọ rre vbe a te sẹ ehe ne ẹkpẹti Ile ye.

Ẹksọdọs 31:18

Ugbẹn vbe Osanobua ghi gu e Mosis guan fo nẹ vbe uhunmwu oke Sainai, ọ keghi viọ uhanhan ayere eveva nii nẹẹn, uhanhan okuta ne ikpinhianbọ Osanobua gbẹnnẹ uhi yi.

Ẹksọdọs 32:15

E Mosis keghi fi egbe werriẹ, ọ na tuorre vbe uhunmwu oke, ke irẹn kevbe uhanhan ayere eva ne a gbẹnnẹ ọre obọ eveva.

Ẹksọdọs 34:29

Ugbẹn vbe Mosis ghi tuorre vbe uhunmwu oke Sainai ke ẹe kevbe vbene ọ na dada uhi igbigbe mwẹ, ọ ma rẹn wẹ rhunmwuda ne irẹn na gha gu e Nọyaẹnmwa guan ighẹ te ugbaro irẹn ghi fi wainwain.

Ẹksọdọs 38:21

Vbene a ka ẹe hẹ ighẹ ẹrọnmwọ ne a lo ro vbe Ehe Nọhuanrẹn vbe Owa Ukpọn ehe ne Nọyaẹnmwa ye ọ re ena khin, ehe ne a viọ avbe uhanhan ne a gbẹnnẹ uhi Igbe yi e Mosis ọre ọ ta ẹe vbene a gha ru ẹe hẹ, avbe Livai keghi ru ẹe vbene Itama, ne ovbi Errọn ne ohẹn na gha ma iran re vbene a gha ru ẹe hẹ.

Ẹksọdọs 40:20

Ọ keghi viọ avbe uhanhan Uhi Igbe nii ọ na viọ iran ye uwu ẹkpẹti nii.

Nọmbas 17:4

U ghi viọ iran ye odaro Ẹkpẹti Ile vbe uwu Owa ukpọn Ile vbe ehe ne I na do gha miẹn ọn.

Iwinna 7:44

“Avbe erha mwa odede ke okhogbo na ya ukpọn bọ nii ne ọ ye iran rre ighẹ Osanobua rre evba, ọre ogba gha rre uwu ato. Vbene Osanobua tama Mosis ne ọ bọ ẹe ọre ọ bọ ẹe, zẹ vbe ne ọ ye ighẹ ne a mu ne Mosis ghe.

Ebe ne Pọl gbẹẹn gie emwa Rom 3:2

Ẹsẹse, vbe ẹmwata, vbe odẹ hia. Vbe ne okaro, avbe Ju ọre Osanobua rhie ẹmwẹ ọnrẹn nẹ rhie mwẹ.

Diuteronomi 31:26

“Wa rhie ebe uhi Osanobua na, ne uwa rhie ẹre ye ọkpẹn Ẹkpẹti Ile ọghe Nọyaẹnmwa Osanobua uwa, ne ọ sẹtin gha rre evba zẹ vbe osẹe ghe emwa ẹnrẹn.

Hibru 9:4

Uwu emwa ọre Ogiukpo ọghe igoru ne a na giẹn eturari, ke ẹe kevbe ẹkpẹti kevbe ne a ya igoru rhu. Emwi ni rre uwu ẹkpẹti na kegha re ovbi uru igoru ne a viọ e mana yi, ọkpọ erhan Errọn ne ọ gbe ukhu, kevbe uhanhan okuta eva ne agbẹnnẹ ẹmwẹ ile nii yi.

Jọsua 4:16

“Tama avbe ohẹn ni mu Ẹkpẹti He ne iran lahin uwu Jọdan rre.”