Ẹre irẹn na kha wẹẹ, “Avbe Livai ọkpa ọ re ọ ra gha mu Ẹkpẹti Ile rhunmwuda, iran ọ re Nọyaẹnmwa zẹe ne ọ gha mu ẹẹn, ne iran vbe gha winna ne irẹn ẹdẹdẹmwẹdẹ.”
U ghi ya igoru ru ogba ne a ya muẹn eva yọ, u ghi sele ẹe yọ vbe asefẹn ọnrẹn vbe ototọ igẹngẹn ọnrẹn vbe obọ eveva ne a gha rhie ogba ne a ya muẹn la ẹe vbe a khian muẹn.
Ẹre Jọsua na tie avbe ohẹn, ọ keghi tama iran wẹẹ, “Wa mu Ẹkpẹti Ile nii, wa ihinrọn ke odaro ne ẹẹn wa ghi viọ orhu mwẹ. Avbe ivbiyokuo ghi ke odaro ne uwa.”