12 Wa ghi vbe ru ẹgba igoru ne a gha ya gha muẹn, so ye ẹre igie enenẹ, ẹgba eva vbe obọ ọkpọkpa.
U ghi ya igoru na ma gua rhu ẹe vbe uwu ẹre kevbe iyeke ẹre, u ghi vbe ya igoru ru ehọ ẹre lẹga.
Wa ghi ya erhan akesia ru ọkpọ, wa ghi ya igoru rhu ẹe.
A ghi sẹ avbe ọkpọ nii rae ye uwu ẹgba nii, a i vbe yuo ẹre ladian vbọ.
Vbe ru ẹgba igoru ne a ya muẹn ye ọre igienenẹ vbe dọmwadẹ ehe ne owẹ ọre ye.
U ghi ya igoru rhu edọnmwẹ na, u ghi vbe viọ ẹgba ọghe igoru yọ ne ọ gha da erhan ne a ya gba yi mwẹ. U ghi vbe ya igoru rhu ena.
Wẹ ghi fi ẹe la ẹgba ni rre efẹn aka nii vbe a khian muẹn.
Ọ keghi filo ẹe la uwu ẹgba nii vbe obọ eveva ọghe Ẹkpẹti Ile nii.
Ọ na filo ẹe lele uvun ẹgba nii vbe obọ eva ọghe aka, ne a ya gha mu ẹẹn. Aka nii keghi mwẹ uvun vbe uwu ẹre, uhanhan ọre a ya kan rẹn.
Iran keghi ru akhuẹn eva igoru, a na vbe ru oroka igoru eva, iran keghi sele oroka eva na lele odukhunmwu ọghe uhanhan ẹwẹe nii.