Ẹksọdọs 25:11 - Edo Bible (E Baibol Ẹdo) Version 1996

¹¹ U ghi ya igoru na ma gua rhu ẹe vbe uwu ẹre kevbe iyeke ẹre, u ghi vbe ya igoru ru ehọ ẹre lẹga.

Ẹksọdọs 25:11 ပူးပေါင်းရင်းမြစ်များ

I Ọba 6:20

Ovbi ughugha ne ọ ke uwu ẹre na, kegha re ibata ọgban vbe uvbẹmwẹ, ọgban vbe utanmwẹ, kevbe ọgban vbe uyomwẹ. A keghi wa ya igoru ne a ma gua rhu ehia, ekpatako isida ọ re a ya rhu Ogiukpo ne ọ rrọọ.

II Krọnikol 3:4

Ugha ne a la larọ kevbe gha re uvbẹmwẹ Ọgua Osa ni, ibata ọgban, uyomwẹ ọnrẹn kegha re ibata iyihinrin (180). Uwu ugha na a keghi wa ya igoru ne a ma gua rhu ẹe.

Ẹksọdọs 25:12

Wa ghi vbe ru ẹgba igoru ne a gha ya gha muẹn, so ye ẹre igie enenẹ, ẹgba eva vbe obọ ọkpọkpa.

Ẹksọdọs 25:24

Ya igoru ne ama gua rhu ẹe ne u vbe ru okhiẹ igoru yọ.

Ẹksọdọs 28:23

U ghi vbe ru ẹgba eva ne u sele ẹe ginna igẹngẹn odukhunmwu ọghe uhanhan ẹwẹe nii,

Ẹksọdọs 30:3

U ghi ya igoru ne a ma gua rhu ẹre odukhunmwu kevbe igienenẹ, vbe ya igoru ne a ma gua rhu igẹngẹn ọnrẹn, u ghi vbe ya igoru ru okhiẹ ọre lẹga.

Hibru 9:4

Uwu emwa ọre Ogiukpo ọghe igoru ne a na giẹn eturari, ke ẹe kevbe ẹkpẹti kevbe ne a ya igoru rhu. Emwi ni rre uwu ẹkpẹti na kegha re ovbi uru igoru ne a viọ e mana yi, ọkpọ erhan Errọn ne ọ gbe ukhu, kevbe uhanhan okuta eva ne agbẹnnẹ ẹmwẹ ile nii yi.