Ẹksọdọs 25:10 - Edo Bible (E Baibol Ẹdo) Version 1996

¹⁰ “Ye erhan akesia ru ẹkpẹti ne ọ gha re akhuẹn obọ isẹnyan-iyeva vbe utanmwẹ, akhuẹn obọ ehairrọvbọgban vbe uvbẹmwẹ, kevbe ehairrọvbọgban uyomwẹ.

Ẹksọdọs 25:10 ပူးပေါင်းရင်းမြစ်များ

II Krọnikol 8:11

E Solomọn keghi rhie amwẹ ọnrẹn ne ovbi ọba Igipt hin ẹvbo e Devid rre gha rrie owa ne ọ bọ ne ẹẹn. Rẹn keghi kha wẹẹ, “Ọ ma ke ne okhuo ni gha rre ẹguae e Devid ne ọba Izrẹl, rhunmwuda, eheikehe ne Ẹkpẹti Ile rhirhi gha ye, ehe ne ọ huanrẹn ọre nọ.”

Ẹksọdọs 31:7

ibọkpọ ọghe odaro mwẹ, Ẹkpẹti Ile, ugue ne a ya gue ẹre kevbe emwi ne a ya te Owa Ukpọn nii hia.

Ẹksọdọs 35:12

Ẹkpẹti ke avbe ọkpọ nii rrọọ, ugue ẹkpẹti nii, kevbe ukpọn onurho ne ọ degue ẹre.

Ẹksọdọs 39:32

A keghi winna iwinna hia ni rre Owa Ukpọn e Nọyaẹnmwa fo. Ivbi Izrẹl keghi wa winna ehia zẹ vbene Nọyaẹnmwa tama e Mosis.

Nọmbas 3:31

Iran ọre a mu iwinna ne ọ dekan Ẹkpẹti Ile na, kevbe eteburu, erhan ọmukpa, aka, kevbe avbe ọkpan ne avbe ohẹn ya ru emwi vbe Ehe Ne ọ huanrẹn, deba iwinna ni ghi rre avbe emwi na hia.

Nọmbas 4:5

E Nọyaẹnmwa keghi ru igiodẹ na ma e Mosis wẹẹ, “Ọ gha sẹ ẹghẹ ne a ya si kpao vbe agọ rre, Errọn kevbe ivbi ẹre ghi la uwu Owa Ukpọn, iran ghi kie ukpọn onurho ne ọ rre odaro Ẹkpẹti Ile, iran ghi ya ẹe gue ẹkpẹti nii.

Nọmbas 4:6

Iran ghi mu ohian ne mose rhu ẹe, iran ghi mu ukpọn ne raghoragho rhuẹe ẹre odukhunmwu, wa ghi bannọ avbe ọkpọ ne a ya mu ẹẹn yọ.

Hibru 9:4

Uwu emwa ọre Ogiukpo ọghe igoru ne a na giẹn eturari, ke ẹe kevbe ẹkpẹti kevbe ne a ya igoru rhu. Emwi ni rre uwu ẹkpẹti na kegha re ovbi uru igoru ne a viọ e mana yi, ọkpọ erhan Errọn ne ọ gbe ukhu, kevbe uhanhan okuta eva ne agbẹnnẹ ẹmwẹ ile nii yi.

Arhie Maan 11:19

A keghi kie Ọgua Osa ye otọ vbe ẹrinmwi. A keghi bẹghe ẹkpẹti osẹe ne a viọ uhanhan ọghe uhi nii yi. Ayan kegha yan rhai rhai deba owogho, ke uvannọmwẹ avan nukhunmwu, kevbe igbohiotọ, kevbe esia ne ọ kakabọ de.