Ẹksọdọs 24:7 - Edo Bible (E Baibol Ẹdo) Version 1996

⁷ Ẹre ọna mu ebe ile, ọ na tie ẹre ladian ye emwa nii hia ehọ, iran na kha wẹẹ, “Ma gha ru zẹ vbe iyi hia ne Nọyaẹnmwa yi, ma gha họn ẹmwẹ nẹẹn,”

Ẹksọdọs 24:7 ပူးပေါင်းရင်းမြစ်များ

I Ọba 8:9

Te a wa ke ehe ne a mudia yi vbe ugha nọkhua bẹghe ẹre vbe odaro Ehe Ne ọ Huan Sẹẹ Ehia sokpan, a i ke ore bẹghe ẹre. Emwi ọvbehe i rre Ẹkpẹti Ile nii gberra uhanhan okuta ne a gbẹn eveva ne Mosis viọ yọ vbe Oke Sainai, ehe ne Nọyaẹnmwa na gu ivbi Izrẹl ta ile vbe iran ke Igipt dee.

II Krọnikol 15:14

Iran keghi datu ya eni e Nọyaẹnmwa vẹn ihẹn wẹ iran gha mu eyan ni sẹ, iran keghi wee iran na kpe okpe.

Psalm 50:5

Rẹn keghi kha wẹẹ, “Wa si avbe emwa ni guobọ mwẹ koko ye ehe ne I ye, iran ni zọ ese ya gun mwẹ ta ile.”

Psalm 78:36

Sokpan, ohoghe ọ re ẹmwẹ iran hia khin, ẹmwẹ ne iran ta okpa ne ọ sẹ otọ ẹko i rrọ.

Ẹksọdọs 19:8

Emwa nii hia keghi ya urhu ọkpa kha wẹẹ, “Ma gha ru emwi hia ne Nọyaẹnmwa tae.” E Mosis na vbe ya khama e Nọyaẹnmwa vbene emwa nii kha hẹ.

Jerimaia 34:13

ne Osanobua Izrẹl na tama mwẹ, wẹ ne I ya khama avbe emwa nii wẹẹ, “Ẹghẹ ne I na viọ avbe erha uwa odede ke Igipt ladian, I gu iran taa ile, I keghi fannọ iran ke ọviẹn ladian. I keghi tama iran wẹ,

Jerimaia 42:6

Adeghẹ ọ yẹ ima ra ọ ma yẹ ima, ma gha ru vbene Nọyaẹnmwa Osanobua mwa khare ọmwa ne ima wẹ ne u na erhunmwu ghe ne ima. Emwi hia gha ma ima, adeghẹ ma họn ẹmwẹ ne ẹẹn.”

Ezikiẹl 16:8

“I ghi vbe dọlegbe gberra, I keghi miẹn wẹ ẹghẹ sẹ nẹ ne ẹmwẹ okpia gha ya gha rre uẹ aro. I keghi ya ẹwu mwẹ gue egbe ruẹ ne u bannọ yotọ, I keghi yan ma ruẹn ighe I gha ho ẹmwẹ ruẹn. Vbe ẹmwata, I keghi guẹ rhie obọ ye ebe wẹ I gha rhie ruẹ rọnmwẹ, wẹ na ghi do gha re ọghomwẹ.” Erriọ ọre Osanobua ne Udazi khare.

Malakai 2:10

Ẹire erha ọkpa ọ re ima hia mwẹ? Ẹire Osanobua ọkpa ọ re ọ yii ima hia? Vbe ọ ghi zẹ khekherriọ ne ima i na mu eyan ne a yan ma egbe sẹ, vbọzẹ ne ima na zan ile ne Osanobua guu avbe erha ima odede taa? Ivbi e Juda ma mu eyan ne iran yaan ma Osanobua sẹ, iran keghi vbe ru emwi ne ọ khọrhiọn vbe Jerusalẹm kevbe vbe ẹvbo nii hia.

Iwinna 13:15

Ugbẹn vbe iran ghi tie ebe Uhi Mosis kevbe emwi ne akhasẹ gbẹnnẹ ye otọ nẹ, iran ne avbe olotu Ọgua ediọn keghi gie ne a khama iran wẹẹ, “Etẹn, deghẹ wa mwẹ ẹmwẹ ibude ne uwa gha rhie ne emwa, wa do gu iran guan.”

Kọlose 4:16

Wa gha tie ebe na nẹ, wa ghi gie a miẹn ighẹ a vbe tie ẹre vbe esọsi Laodisia. Erriọ vbe nọ, wa ghi vbe tie ebe ne esọsi Laodisia gha rhie gie uwa.

I Tẹsalonaika 5:27

I ye asẹ ọghe Nọyaẹnmwa yan ta ẹe ma uwa ne uwa tie ebe na ma avbe etẹn hia.

Jọsua 24:24

Emwa nii keghi khama e Jọsua wẹẹ, “Ma gha ga e Nọyaẹnmwa Osanobua mwa, ma gha vbe ya uhi ẹre gha ru emwi.”