Ẹksọdọs 24:6 - Edo Bible (E Baibol Ẹdo) Version 1996

⁶ E Mosis da obọkpa ọghe esagiẹn iran ye ọkpan; ọ na mu obọ nọkpa rhurhẹ yan aka.

Ẹksọdọs 24:6 ပူးပေါင်းရင်းမြစ်များ

II Ọba 17:15

Iran na vbe yangbe obọ ne ọ ya sẹ ekhae, iran na ya gha gho ẹbọ ni kẹkẹ ua, iran tobọ iran kevbe khian emwa ni kẹkẹ ua, iran keghi ru emwi uyinmwẹ ọmotọ ọghe ẹvbo ni lẹga iran, vbene iran ma na zẹ ye ẹmwẹ ne Nọyaẹnmwa khare wẹ ne iran ghẹ ye egbe ta iran.

Psalm 99:6

Ohẹn ọnrẹn ọ re Mosis kevbe Errọn gha khin, e Samuẹl kevbe re ọmwa, ne ọ gha na erhunmwu ghe ẹre; iran kpe tie Nọyaẹnmwa.

Ẹksọdọs 12:22

A ghi rhie abọ hisọp, wa ghi fi ẹe ye esagiẹn ne ọ rre ọkpan, wa ghi ya ẹe wo ẹkhu kevbe egbaha onurho uwa, wẹ ne ọmwa rhọkpa ghẹ kpa vbe owa ọ te ya sẹ owiẹ.

Ẹksọdọs 12:7

“Iran ghi rhie vbe esagiẹn ọnrẹn ya vin urho kevbe odukhunmwu onurho owa ne a ra na rri avbe aranmwẹ nii.

Ẹksọdọs 24:8

Ẹre Mosis na mu esagiẹn ne ọ rre ọkpan nii ọ na rhurhẹ ọe yan emwa nii, ọ na kha wẹẹ, “Esagiẹn na ọre a ya yi ile ne Nọyaẹnmwa gu uwa ta okhi vbe ẹghẹ ne ọ na yi iyi na hia ne uwa.”

Ẹksọdọs 29:16

U ghi gbe ẹe, u ghi mu esagiẹn ọnrẹn ne u rhurhẹ ọe lẹga aka nii.

Ẹksọdọs 29:20

Gbe ẹe ne u rhie vbe esagiẹn ọnrẹn, u ghi ya ẹe kan etọghọ ehọ obọ erha ọmwa ọghe Errọn kevbe avbe ivbi ẹre, kevbe ikpinhianbọ nogie, kevbe ikpinhianwẹ nogie ọghe owẹ erha ọmwa iran, u ghi mu ni dekẹe vbọ rhurhẹ lele igienenẹ aka.

Jerimaia 31:32

Ẹ i ra gha ye vbe ile nẹdẹ ne I gu avbe erha iran odede ta, ẹghẹ ne I na rhie iran obọ, I na viọ iran ke otọ Igipt ladian. A gha rhe miẹn wẹ te I yevbe ọdọ ne iran, iran ma ru vbene ile ni khare.

Levitikọs 1:11

Ọ ghi gbe ẹe vbe odẹ okuọ ọghe aka, ohẹn ghi rhurhẹ esagiẹn ọnrẹn ye igienenẹ ọghe aka.

Levitikọs 1:5

“Ọ ghi gbe ẹkhuia ẹmila nii vbe evba, avbe ohẹn ghi mu esagiẹn ọnrẹn gie Nọyaẹnmwa, iran ghi vbe rhurhẹ esagiẹn ọnrẹn ye igienenẹ ọghe aka ne ọ rre onurho Owa Ukpọn nii.

Levitikọs 3:2

Ọ ghi rhie obọ ẹre yan uhunmwu aranmwẹ nii, ọ ghi gbe ẹe vbe onurho Owa Ukpọn ẹ Nọyaẹnmwa, avbe ohẹn Errọn ghi hihiẹ esagiẹn ọnrẹn ye igienenẹ ọghe aka.

Levitikọs 3:8

ọ ghi rhie obọ yan ọre uhunmwu, ọ ghi ghe ẹe vbe odaro Owa Ukpọn. A vbe ohẹn ghi gbe esagiẹn ọnrẹn khakha ye igienenẹ ọghe aka.

Levitikọs 4:6

“Ọ ghi fi ikpinhianbọ ẹre yọ igba ihinrọn, ọ ghi sanmwẹ ọẹn ye odaro ukpọn onurho ne ọ huansẹ nii.

I Kọrinti 11:25

Erriọ vbe nọ zẹẹ, vbe iyeke evbare ota, ọ rhie ukpu, ọ keghi wẹẹ, “Ukpu na ọrọre ile ọgbọn ọghe Osanobua ne a ya esagiẹn mwẹ yi ẹre okhi. Ẹghẹikẹghẹ ne uwa a rhirhi ya wọn ẹn, wa gha ru ẹe ya ye mwẹ rre.”

Kọlose 1:20

Rhunmwuda ọnii, Osanobua keghi mwamwa ẹn wẹ, obọ Ọmọ ọre irẹn gha la viọ agbọn vbe ẹrinmwi dọlegbe rrie egbe. Uwu ne Ovbi ẹre wu vbe uhunmwu ugbugbe ọre Osanobua ya ru adọlọ ọ keghi dọlegbe viọ emwi hia rrie egbe, ni rre ẹrinmwi, kevbe ni rre agbọn.

Hibru 12:24

Wa keghi bu Jesu gha dee, ọmwa ne ọ mwamwa ile ọgbọn nii ye otọ kevbe esagiẹn ne agbe kha kha, ne ọ vbe ta ẹmwẹ emwi ni maa sẹ esagiẹn ọghe Ebẹl.

Hibru 8:9

Ẹ i ra ye vbe ile ne I gu erha iran ta, vbe ẹdẹ ne I rhie iran obọ su iran ladian vbe otọ Igipt. Iran ma mu ile ne I gu iran ta sẹ. Rhunmwuda ọnii, mẹ ma ghi zẹ ye iran re, erriọ Nọyaẹnmwa kha re.

Hibru 9:18

Ọre a na miẹn wẹ, ile ne okaro nii, esagiẹn ọ re a ya mu vbene ọ khare sẹ.

Hibru 9:19

Okaro, Mosis keghi talọ ẹmwẹ uhi na ma emwa nii, zẹ vbene a gbẹn ye nene Uhi. Vbe iyeke ọnii, ọ keghi mu esagiẹn ẹmila ke ẹe kevbe amẹ, ọ keghi ye hisọp kevbe iku oru ododo, sanmwẹ ọẹn ku ebe nene Uhi kevbe avbe emwa nii.

Hibru 9:21

Erriọ vbe nọ, Mosis keghi vbe miẹn esagiẹn yan Ọgua ukpọn nii, kevbe avbe emwi ne a lo vbe ẹghẹ ugamwẹ.

I Pita 1:19

Izọ ese ighobioye ọghe Kristi ọre a ya rhan uwa ye otọ, emwa ne ọ ye vbe oteghe ohuan ne ẹ imwẹ okan ra ama.

I Pita 1:2

Te a hannọ uwa zẹ vbe emwamwa ekhọe ọghe Osanobua ne Erha, ne Orhiọn rẹn ye uwa khian emwa ni huanrẹn, ne uwa gha họn ẹmwẹ ne Jesu Kristi, ne esagiẹn ọnrẹn kpe uwa iruẹn kua. Ẹsọhẹ kevbe ọfumwegbe gha re ọghe uwa vbene ọ vuọn sẹ omwa fo.