E Mosis keghi hin uhunmwu oke nii ne ọ ya vba Osanobua. E Nọyaẹnmwa keghi datie ẹre ke uhunmwu oke rre, ọ na tama rẹn wẹ ne ọ tama ivbi Izrẹl ne ivbi uniẹn Jekọb wẹẹ:
Ẹdẹ ikẹtin e Mosis kegha su ohuan Jẹtro ne erha amwẹ ọnrẹn ne ọ vbe re ohẹn Midian. Ọ keghi viọ ohuan nii fian ato gberra, ọ na do sẹ Sainai oke ne ọ huanrẹn.
E Nọyaẹnmwa ghi gha gu e Mosis guan vbe ghe aro mwẹ ghe aro ruẹ zẹ vbene ọmwa gu ọsiọre guan. E Mosis ghi dọlegbe gha die agọ, sokpan igbama ne ọre ọguọmwadia ẹre, e Jọsua ne ovbi e Nọn, i kpa vbe Owa Ukpọn nii rre.
E Nọyaẹnmwa keghi khama Errọn wẹẹ, “Gha rrie uwu ato ne u ya vba Mosis.” Rẹn keghi ya vba ẹre vbe oke ne ọ huanrẹn, ugbẹn vbe ọ ghi miẹn ọẹn, ọ keghi ya unu soso ẹre unu.