Ẹksọdọs 24:12 - Edo Bible (E Baibol Ẹdo) Version 1996

¹² E Nọyaẹnmwa keghi tama e Mosis wẹẹ, “Hin odukhunmwu oke bu mwẹ gha dee ne u do mudia mwa. Mẹ gha viọ uhanhan okuta eva ne avbe iyi kevbe uhi nii ye nuẹn, emwi ne imẹ gbẹnnẹ ne a ya gha ma avbe emwa na emwi.”

Ẹksọdọs 24:12 ပူးပေါင်းရင်းမြစ်များ

I Ọba 19:11

E Nọyaẹnmwa keghi tama rẹn wẹẹ, “Ladian ne u ya mudia ye odaro mwẹ vbe uhunmwu oke.” Ẹre Nọyaẹnmwa na do gberra, ọ na gie ẹhoho ne ọ wegbe, ọ na gha mu oke ni rueghe, ọ na gha rẹnkhẹn avbe okuta sokpan e Nọyaẹnmwa ma gha rre uwu ẹhoho nii. Ẹhoho keghi dobọyi, igbohiotọ keghi suẹn. Sokpan e Nọyaẹnmwa ma gha rre uwu igbohiotọ nii.

Ẹzra 7:10

Te Ẹzra wa mu aro ye ẹmwẹ nene uhi e Nọyaẹnmwa ne a ruẹ, kevbe ne a ya ruemwi kevbe ne ọ gha ma ivbi Izrẹl ne uhi kevbe ilele ni rrọọ.

Nehimaia 9:13

Vbe Oke Sainai, u ke ẹrinmwi tuorre u gu emwa ruẹn guan u keghi rhie uhi esi ne iran kevbe iruemwi ne ọ gbae. U keghi rhie Uhi ruẹ ne Mosis ne ọguọmwadia ruẹ, ne ọ viọ gie iran. Amẹ ke uwu okuta ladian vbe ohanmwẹ amẹ gbe iran.

Nehimaia 9:14

U ma iran ẹre ne iran gha ya Ẹdẹ ikẹtin ru emwi ni huanrẹn u na rhie uhi ruẹ la obọ Mosis ne ọguọmwadia ruẹ gie iran.

Psalm 19:12

A i miẹn ne ọ kha i ghẹ rẹn i gbe ẹse Nọyaẹnmwa, fan mwẹ ye otọ vbe obọ abakuru ẹkhokho!

Ẹksọdọs 19:3

E Mosis keghi hin uhunmwu oke nii ne ọ ya vba Osanobua. E Nọyaẹnmwa keghi datie ẹre ke uhunmwu oke rre, ọ na tama rẹn wẹ ne ọ tama ivbi Izrẹl ne ivbi uniẹn Jekọb wẹẹ:

Ẹksọdọs 24:15

E Mosis keghi hin uhunmwu oke Sainai, okuku keghi degue oke nii.

Ẹksọdọs 24:18

E Mosis keghi la uwu okuku nii, ọ na hin uhunmwu oke. O kegha rre evba vbe avan iyeva kevbe asọn iyeva.

Ẹksọdọs 24:2

Wẹ ne Mosis ọkpa ọre ọ gha sikẹ mwẹ; wẹ ne iran nekpa ghẹ sikẹ mwẹ, emwa nii ghẹ vbe lele ẹe hin uhunmwu oke.”

Ẹksọdọs 31:18

Ugbẹn vbe Osanobua ghi gu e Mosis guan fo nẹ vbe uhunmwu oke Sainai, ọ keghi viọ uhanhan ayere eveva nii nẹẹn, uhanhan okuta ne ikpinhianbọ Osanobua gbẹnnẹ uhi yi.

Ẹksọdọs 32:1

Ugbẹn vbe emwa nii ghi miẹn wẹ e Mosis wa kpẹe vbe uhunmwu oke ighẹ ọ ma tuorre, iran keghi do vba Errọn, iran tama rẹn wẹẹ, “Larre o, do ma Osanobua ne ima ne ọ gha viọ ima khian rhunmwuda ma ma ghi rẹn emwi ne ọ ghi ru oko na ighẹ Mosis ne ọ viọ ima ke Igipt ladian.”

Ẹksọdọs 34:1

E Nọyaẹnmwa keghi tama e Mosis wẹẹ, “Ka Uhanhan okuta eva ni ye vbe nokaro nii, I gha vbe gbẹnnẹ avbe ẹmwẹ ni rre avbe uhanhan ne okaro ne u guọghọ ua yọ.

Jerimaia 31:33

Ile ọgbọn ne I ghi ra gu ivbi Izrẹl ta, enian ọ khian gha ye, I gha rhie uhi mwẹ ye uwu iran, I ghi vbe gbẹnnẹ ọẹn ye iran ekhọe. Mẹ ghi gha re Osanobua iran, iran ghi gha re emwa mwẹ.

Matiu 5:19

Rhunmwuda ọnii, ọmwaikọmwa ne ọ rra ọkpa ne ọ kanmwa sẹ vbe uwu avbe Uhi na, ọ na vbe ma emwa ọvbehe re ne iran ru vberriọ, rẹn ọre ọ gha re ne ọ kanmwa sẹ vbe Arriọba ẹrinmwi. Odẹ nogieva, ọmwaikọmwa ne ọ mu avbe uhi na sẹ, ọ na vbe ma emwa ọvbehe re ne iran ru vberriọ, rẹn ghi gha re ne ọkpọlọ ẹsẹse vbe Arriọba ẹrinmwi.

II Kọrinti 3:3

Aro dae wẹ, Kristi tobọ ẹre ọre ọ gbẹn ebe na, ọ na rhie ẹre ne ima rhie rre. Ẹ i re ne a ye ẹmu gbẹnnẹ ye uhanhan okuta, sokpan ekhọe emwa ne agbọn ọre a ya Orhiọn Osanobua ne ọ rrọọ gbẹnnẹ ọẹn yi.

II Kọrinti 3:7

Te a gbẹnnẹ uhi na ye avbe uhanhan okuta, uyi Osanobua keghi rhie egbe maa vbe ẹghẹ ne a na rhie ẹre ne ọmwa. A gha rhe miẹn wẹ ọ do fafaa, awanwan ne ọ gha rre ugbaro e Mosis, keghi wo vbe egbe sẹrriọ wẹ ivbi Izrẹl ma sẹtin tọn aro yo. A deghẹ uhi ne a rẹnrẹn wẹ uwu ọre ọ si rre, ladian ke irẹn kevbe uyi ne ọ sẹ vberriọ,

Diuteronomi 4:14

E Nọyaẹnmwa tama mwẹ wẹ ne I ma uwa uhi hia ne uwa gha ya gha ru emwi vbe otọe nii ne uwa ra gu khọn ne uwa vbe yin ẹnrẹn.

Diuteronomi 5:22

“E Nọyaẹnmwa keghi viọ uhi na ne iran hia ni si egbe koko ye ototọ oke nii. Avbe uhi na ọ re ọ viọ ne iran, ọ ma vbe sẹ ọnii, ọ keghi ye urhu nọkhua guan ke uwu erhẹn rre kevbe uwu okuku ne ọ mwẹ imi rre. Ọ keghi gbẹnnẹ avbe uhi na ye uhanhan okuta eva, ọ na viọ mẹ.”

Diuteronomi 5:31

Sokpan e Mosis, wẹ mudia ke mwẹ vbe emwa, I gha viọ avbe uhi ke iyi mwẹ hia ma ruẹn. Ma avbe emwa ni re, ne iran miẹn ehe na gha ya iran ru emwi vbe otọ ne I ra mu ne iran.’

Hibru 9:4

Uwu emwa ọre Ogiukpo ọghe igoru ne a na giẹn eturari, ke ẹe kevbe ẹkpẹti kevbe ne a ya igoru rhu. Emwi ni rre uwu ẹkpẹti na kegha re ovbi uru igoru ne a viọ e mana yi, ọkpọ erhan Errọn ne ọ gbe ukhu, kevbe uhanhan okuta eva ne agbẹnnẹ ẹmwẹ ile nii yi.