Ẹksọdọs 24:11 - Edo Bible (E Baibol Ẹdo) Version 1996

¹¹ Osanobua ma ru avbe ọkaolotu Izrẹl emwi ikuangbe. Iran dẹghe Osanobua iran keghi koko re, iran na vbe koko da.

Ẹksọdọs 24:11 ပူးပေါင်းရင်းမြစ်များ

Gẹnẹsis 16:13

E Hega keghi nọ egbe ẹre ọta wẹẹ, “Te imẹ gele bẹghe Nọyaẹnmwa I na ye gha rre agbọn ne I ya na iyẹn ra?” Ẹre ọ na ghi tie eni Nọyaẹnmwa ne ọ gu ẹe guan vbenian, “Osanobua ne ọ bẹghe.”

Gẹnẹsis 18:18

Uniẹn ọnrẹn gha do khian agbọn ẹvbo nọkhua ne ọ mwẹ ẹtin, avbe uhunmwu otọ agbọn na hia, obọ ẹre ọre I ra la fiangbe iran.

Gẹnẹsis 31:54

Ọ keghi gbe aranmwẹ ne ọ ya zọ ese vbe uhunmwu oke. Ọ keghi tie emwa irẹn ne iran do rri evbare. Ugbẹn vbe iran ghi re nẹ, iran keghi gbe asọn nii vbe uhunmwu oke nii.

I Ọba 21:8

Ẹre okhuo nii na gbẹnnẹ ebe ọ na gbẹnnẹ eni Ehab lele ẹe ọ na munọ ama rẹn gbe ẹe, ọ na viọ gie emwa iwinna kevbe ekamakodin ni rre Jezrẹl.

II Krọnikol 23:20

Avbe iran ne ọkaokuo, kevbe emwa ni hin usi vbe ẹvbo, deba avbe olotu, kevbe avbe emwa nekpa hia, keghi deba e Jehoaida tẹn ye uviẹn ya rhie ọba ke Ọgua Osa gha die ẹguae. Iran keghi la onurho nọkhua la owa, ọba na tota ye ẹkete ẹre.

Nehimaia 2:16

A ma miẹn ọkpa vbe uwu iran ni rre asẹ vba ne ọ rẹn ehe ne I ye ra emwi ne I gha ru. Do sẹ ẹghẹ na, I ma he ta ẹmwẹ rhọkpa ma ọmwa rhọkpa vbe uwu avbe Ju ne iho mwa, avbe ohẹn, avbe ọkaolotu, iran ni rre asẹ ra ọmwaikọmwa ne ọ gha mwẹ obọ vbe iwinna nii.

Psalm 139:5

Te u wa lẹga mwẹ khinkhian vbe egbe hia; u keghi ya ẹtin ruẹn degue mwẹ.

Ẹksọdọs 18:12

Ẹre Jẹtro na ya viọ ese gie Osanobua, kevbe emwi imuohan ne a gha giẹn; Errọn kevbe avbe ekaolotu ivbi Izrẹl hia keghi lele orruan e Mosis ne okpia gha dee do rri evbare iruemwi nii zẹ vbe emwi ne a ya ga.

Ẹksọdọs 19:21

E Nọyaẹnmwa tama e Mosis wẹẹ, “Tuorre, ya tama emwa nii ne iran ghẹ fian uwu gberra ghe edinran wẹ iran ra do ghe mwẹ, ne nibun vbe uwu iran ghẹ ya wulo.

Ẹksọdọs 24:1

E Nọyaẹnmwa keghi tama e Mosis nẹ wẹẹ, “Bu mwẹ gha die uhunmwu oke, ke uwẹ kevbe Errọn, e Nadab, Abihu kevbe ediọn ekigbe siyenẹ vbe ivbi Izrẹl, ne uwa ya uhunmwu rhanmwẹ otọ vbe urria, ne uwa ga mwẹ.

Asan-Ibo 9:7

Gie obọ gha kẹe, rri evbare ruẹ ne u gie ẹko gha sẹ uwẹ ọyẹnmwẹ, da ayọn ruẹn ne u dọlọ aro yi vbe uhunmwu. Erhọkpa i khọ vbe aro Osanobua.

Jerimaia 14:3

Avbe iran ni fe gha gie eguọmwadia iran ne iran ya sa amẹ rre, iran yo uhae nibun sokpan amẹ i rrọọ, iran keghi viọ uru ohogha gha die owa, egbe wọ iran, iro han iran, iran keghi viọ aro lẹre rhunmwuda ekhue.

Daniẹl 10:17

Te I yevbe ọviẹn ne ọ mudia ye odaro arowa ẹre. Vbe I a ghi ra sẹtin guẹ guan hẹ? Ẹtin i ghi rrọ mwẹ re, orhiọn ighi rrọ mwẹ re.”

Nọmbas 12:8

Rhunmwuda onii ọ re I na gu ẹe guan vbe ghe aro mwẹ ghe aro uẹ, vbe ne a gbẹe ẹho, ighẹ ẹ i re itan ne a kpa, uhin ighẹ rẹn deghẹ a kpa mwẹ nẹ! Vbọzẹ ne ohan na gie uwa talọ ku e Mosis ne ọguọmwadia mwẹ?”

Nọmbas 21:18

Uhae ne avbe ivbi ọba fian ẹn kevbe avbe ọkaolotu emwa nii iran ye ada ọba fian ẹn kevbe ọkpọ erhan utuaotọ ọghe iran.” Iran keghi ke uwu ẹgbo kpao gha rrie Matana,

Diuteronomi 12:7

Vbe evba nii, vbe odaro e Nọyaẹnmwa Osanobua uwa, ne ọ fiangbe uwa, wẹ kevbe ẹgbẹe ruẹ gha re, wa ghi gha ghọghọ rhunmwuda avbe emwi esi ne uwa miẹn ẹsọn yi.

Diuteronomi 4:33

A he miẹn emwa ni ye gha rre agbọn vbe iran họn vbe Osanobua guan gie iran ke uwu erhẹn rre ra zẹ vbe ne uwa ye?

Giọgis 13:22

E Manoa keghi tama amwẹ ọnrẹn wẹẹ, “Te ima khian wulo rhunmwuda ma miẹn Osanobua.”

Giọgis 5:13

Iran ne ekhọe esi vbọ keghi bu ọkaolotu iran rre emwa e Nọyaẹnmwa ba ẹre, iran mu egbe igbinna