Ẹksọdọs 24:10 - Edo Bible (E Baibol Ẹdo) Version 1996

¹⁰ Iran keghi bẹghe Osanobua Izrẹl. Otọe vbe ehe ne owẹ ọre ye keghi yevbe otọ owa ne a ya okuta ẹrọnmwọ ne raghoragho ru, ọ keghi de wainwain ze vbe iso.

Ẹksọdọs 24:10 ပူးပေါင်းရင်းမြစ်များ

Gẹnẹsis 32:30

E Jekọb keghi kha wẹẹ, “I miẹn Osanobua vbe ghe aro mwẹ ghe aro ruẹ, I keghi ye rre agbọn.” Ẹre ọ na ghi gha tie eni evba nii Peniẹl.

Gẹnẹsis 32:31

Ovẹn keghi yan rre vba e Jekọb vbe ọ wa kpao vbe Peniẹl rre, ọ na ghi gha sukpẹ owẹ rhunmwuda ẹkun ẹnrẹn.

I Ọba 22:19

E Makaia keghi rhie te ẹe wẹẹ “Danmwehọ vbene Nọyaẹnmwa kha hẹ! I keghi bẹghe vbe Nọyaẹnmwa tota ye ẹkete ẹre vbe ẹrinmwi, avbe odibo ẹre keghi mudia lẹga ẹre.

II Krọnikol 6:17

Rhunmwuda ọnii nian, e Nọyaẹnmwa ne Osanobua Izrẹl, gie emwi hia ne u yan ma e Devid ne ọguọmwadia ruẹ gele sẹ.

Ẹksọdọs 24:11

Osanobua ma ru avbe ọkaolotu Izrẹl emwi ikuangbe. Iran dẹghe Osanobua iran keghi koko re, iran na vbe koko da.

Ẹksọdọs 3:6

Ọ keghi tama rẹn, “Mẹ ọrọre Osanobua erha a, Osanobua ọghe Ebraham, Osanobua ọghe Aizik, kevbe Osanobua ọghe Jekọb.” E Mosis keghi mu emwi rhu aro rhunmwuda ohan ma gi ẹe ẹre ghe Osanobua.

Ẹksọdọs 33:20

Mẹ i ra gie uwẹ bẹghe u gbaro mwẹ rhunmwuda ọmwa i sẹtin bẹghe mwẹ ne ọ ye gha rre agbọn.

Ẹksọdọs 33:23

I gha rhie obọ hin, u gha bẹghe iyeke mwẹ sokpan ẹ i re ugbaro mwẹ.”

Ihuan Ne Ọ Sọọ Ihuan Hia 5:14

Obọ ẹre mudia ẹse, ọ keghi vbe viọ oroka ne a hẹ ikpẹrọnmwọ yi ye obọ egbe ẹre yevbe akọn eni ne kpẹghẹ, ne a vbe viọ okuta ne wainwain yi.

Ihuan Ne Ọ Sọọ Ihuan Hia 6:10

Gha ọna khin ne a ghe vbene ẹdẹ da gbe dee na yi? Ọ mose, ọ ye wainwain, ọ fi wainwain vbe owẹn ra uki.

Eve Orriara 4:7

Avbe ivbiọba mwẹ keghi te gha re emwa ne ẹ i mwẹ awua, iran keghi gha re ne ọ hianrẹn vbe esia, iran te wegbe, iran vbe mwẹ ẹtin, egberranmwẹ iran ghi wa vẹ ne a rẹn.

Ezikiẹl 1:1

Vbe Ikpẹdẹ ne ogisẹn ọghe uki ne ogienẹ vbe ukpo ne ogiwera, mẹ ne Ezikiẹl, ne ohẹn, ne ovbi e Buz, keghi gu ivbi e Ju ni rre iwe rre ọkpẹn Ẹzẹ e Kiẹba vbe Babilọn. Iso keghi kie yotọ, I na miẹn umian ọghe Osanobua.

Ezikiẹl 10:1

I keghi tọn aro mu ya ghe emwi ne ọ yevbe ekharha ne a fi ne ọ rre odukhunmwu avbe emwi ne a yi ni ma he wu nii, vbe odukhunmwu iran, emwi okpa ne ọ yevbe ẹkete ne a ye okuta ighobioye e safaia ru ke gha rrọọ.

Daniẹl 10:17

Te I yevbe ọviẹn ne ọ mudia ye odaro arowa ẹre. Vbe I a ghi ra sẹtin guẹ guan hẹ? Ẹtin i ghi rrọ mwẹ re, orhiọn ighi rrọ mwẹ re.”

Nọmbas 12:8

Rhunmwuda onii ọ re I na gu ẹe guan vbe ghe aro mwẹ ghe aro uẹ, vbe ne a gbẹe ẹho, ighẹ ẹ i re itan ne a kpa, uhin ighẹ rẹn deghẹ a kpa mwẹ nẹ! Vbọzẹ ne ohan na gie uwa talọ ku e Mosis ne ọguọmwadia mwẹ?”

Matiu 17:2

Ọ keghi sirra iran fi egbe werriẹ, aro ẹre kegha fi wain wain vbe owẹn, ukpọn rẹn keghi fuọfua vbe ukpa.

Iyẹn ne ọ Maan Ọghe Jọn 1:18

Ọmwa ọkpa i rrọ ne ọ he bẹghe Osanobua aro ẹdẹ, rẹn ọkpa kẹkan ne ọ re emwi ne Osanobua vbe khin, kevbe ne ọ vbe diake Evbavba, ọre ọ rhie ẹre ma emwa.

Iyẹn ne ọ Maan Ọghe Jọn 14:9

Jesu wanniẹn wẹẹ, “Ne ima ke gba gha khian ke nẹkpo i mwẹẹ arria gha dee, wẹ ma he ye rẹn mwẹ Filip? Ọmwaikọmwa ne ọ miẹn mwẹ nẹ, ọ vbe miẹn Evbavba nẹ. Vbe uwẹ a ghi na kha hẹ wẹẹ, ‘Ma ima Evbavba.’

Iyẹn ne ọ Maan Ọghe Jọn 6:46

Ọna ma rhie ma ighẹ ọmwa ne ọ he miẹn Evbavba rrọọ: rẹn ni ne ọ ke ehe ne Osanobua ye gha dee ọkpa ọre ọ he miẹn Evbavba.

I Timoti 6:16

Rẹn ọkpa kẹkan ọre ne ẹ i wu ẹdẹ, ne ọ rre uwu uwanmwẹ ne ẹ i gie a ghe. Ọmwa ne ọmwa ọkpa ma he ye aro kan, kevbe ne ọmwaikọmwa i sẹtin miẹn ọre aro, ọghọe ọre uyi khin deba ẹtin etẹbitẹ. Isẹ.

I Jọn 4:12

Ọmwa ọkpa ne ọ he miẹn Osanobua aro ẹdẹ, ẹ i rrọọ, a deghẹ ma ho ẹmwẹ egbe, Osanobua rre uwu ima, a keghi vbe ya aho ẹmwẹ ọmwa rẹn khian ne ọ gbae vbe uwu ima.

Arhie Maan 1:16

Ọ keghi viọ orhọnmwẹ ihinrọn mwẹ obọ erha ọmwa ẹnrẹn, umozo ne ọ mwẹ unu eva ne ọ wa mu, kegha ke uwu unu ẹnrẹn ladian. Ugbaro ẹre ye ghanghanghan zẹ vbe ne owẹn ye vbe ogiavan.

Arhie Maan 21:11

Uyi Osanobua keghi yae fi wainwain. Nene okpẹvbo kegha fi wainwain vbe okuta ighobioye, ọ ye vbe jaspa, ọ ye sẹnrẹn vbe Kristal.

Arhie Maan 4:3

Ugbaro ẹre kegha fi wainwain vbe ne okuta ighobioye ye, zẹ vbe jaspa kevbe kanẹlian, lẹga ẹkete nii, ikpin amẹ keghi rrọọ ọ, a gha ghe ẹre, ọ yevbe emwi ne raghoragho.