Ẹksọdọs 23:8 - Edo Bible (E Baibol Ẹdo) Version 1996

⁸ Ghẹ miẹn oko iyeke, rhunmwuda te oko iyeke rhu emwa aro ne iran ghẹ dẹghe ẹmwata, ọ ghi gbe ẹki ẹmwẹ ye ne ọ ma ru khọ obọ.

Ẹksọdọs 23:8 ပူးပေါင်းရင်းမြစ်များ

Psalm 15:5

Ọ rhie ne emwa mọmọ vbene ẹi na vbe nọ igho isu. Ai vbe sẹtin ya igho dẹ ọe, ne ọ se osẹ gbe nọ ma rukhọ. Ọmwa ne ọ ru emwi na hia, te ẹkun gha sẹ ọre otọ vbe ẹdẹ hia.

Psalm 26:10

Emwa ni wa ru emwi dan vbe ẹghẹ hia, ne ọ wa mu egbe ne iran ya rhie igho odieke.

Itan 15:27

Hia ne u ya la odẹ ero gha khuan viọ ye ẹkpo, u gha si ẹti ye igiowa ruẹ egbe. Ghẹ miẹn ọmwa igho odieke, u gha wa tọ.

Itan 17:23

Ọbuohiẹn ne ẹ i ta ẹmwata ghi gha do rhie igho odieke, vbe iyeke ọnii, ibuohiẹn ẹmwata i ghi rrọ.

Itan 17:8

Emwa eso wa ro ighe te igho iyeke winna zẹ vbe ẹbo edunna; iran yayi wẹ ai miẹn emwi ne ẹ i gie ẹe ru.

Itan 19:4

Emwa ni fe, ọse ọgbọn i vbe iran, sokpan ivbiogue i sẹtin da ibozẹghẹ ne iran mwẹ yi.

Asan-Ibo 7:7

Ọmwa ne ọ wan gha mu ọmwa ru, uyinmwẹ ọzuọ ọ re ọ yinrin nii. U gha miẹn igho odieke, u mu eni ruẹn rhia nẹ.

Aizaia 1:13

Ẹ i mwẹ esa ne uwa gha viọ emwi imuohan rre. Eturari ne uwa ya zọ ese wia so mwẹ. I i ghi ho ne I họn ẹmwẹ Emwiukpo Uki Ọgbọn ọghe uwa Ẹdẹ Ikẹtin uwa kevbe ugamwẹ ne uwa si koko ga, orukhọ uwa rhiaa ehia a ne.

Aizaia 1:23

Etẹ ọ re avbe ọkaolotu ruẹ khin, kevbe avbe ọse avbe oyi, ẹghẹ hia ọ re iran ya miẹn emwa emwi ihaoko kevbe igho odieke. Iran i guan ne avbe ne ẹ i mwẹ erha vbe iko ẹzọ, erriọ iran i vbe zẹye avbe ẹgbẹ re vbe iran a do gui ma iran.

Aizaia 33:15

Wa gha miẹn uhunmwu adeghẹ wa ta, wa na vbe gha ru emwi ne ọgbae. Wa ghẹ ya ẹtin uwa gbe ovbiogue rhu, wa ghẹ miẹn igho erinmwian odieke. Wa ghẹ yegbe ba iran ni kun vbene iran gha do izigha hẹ ra ne iran ru emwi dan ọvbehe.

Aizaia 5:22

Ọghe uwa fo nẹ! Wa ni re asukpekhae vbe egbe ọgọ ayọn. Emwa ni din kevbe ne ohan i mu vbe ọ gha sẹ egbe ayọn ne a gua.

Aizaia 5:23

Sokpan, wa gha rri igho odieke kherhe nẹ, wa ghi fannọ emwa ni rri abe kua, wa ighi gie ne ọ ma rukhọ miẹn ibuohiẹn ẹmwata ne ọ khẹke ẹe.

Ezikiẹl 22:12

Eso vbe uwu avbe emwa uwa de izigha ya miẹn igho. Eso miẹn igho isu vbe ivbi Izrẹl ne ihua iran ne iran rhie igho na, iran ghi do ye ne iran na mu iran vbuẹvbuẹ fe. Iran mianmian mwẹ nẹ. E Nọyaẹnmwa ne Udazi guaan nẹ.

Hozia 4:18

Iran ghẹ ghi da ayọn nẹ ẹsẹse, ẹmwẹ ebabotu ne iran gbe ọ re ọ ghi rre iran aro, ifaegbe ua ghi yẹ iran sẹẹ ọghọ.

Emọs 5:12

I rẹn vbene orukhọ uwa khọrhiọn sẹ hẹ, kevbe vbene a i ghẹru ne uwa ru vbe bun hẹ. Wa ọ re ọ zẹ emwa ẹmwata owẹ, wa ọ re ọ rhie igho odieke, wa i gia bu ohiẹn ẹmwata ne ivbiogue vbe iko.

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Diuteronomi 10:17

E Nọyaẹnmwa Osanobua uwa kpọlọ sẹ ẹbọ hia kevbe ẹtin hia. Ọmwa ne ọ kpọlọ ne ọ mwẹ ẹtin rẹn khin, ọmwa ne ọ kere ne a gha mu ohan ẹnrẹn ẹsẹse. Ẹ i gbe ghe obọ okpa, ẹ i miẹn igho iyeke.

Diuteronomi 16:19

Wẹ ne iran ghẹ bu ohiẹn ne ẹ i re ẹmwata ra ne iran ghe ikpanro, iran ghẹ vbe miẹn ọmwa oko odieke rhunmwuda te oko odieke rhu emwa aro, uhin ke ọghe umẹwaẹn kevbe emwa ẹmwata, ọ ghi ya iran gha khiẹn ohiẹn bu.

I Samuẹl 12:3

Ghe mwẹ vbe emwa na. A deghẹ I ru aghẹru, wa gun mwẹ gui ẹe nian vbe odaro e Nọyaẹnmwa kevbe ọba ne ọ zẹe. I miẹn ọmwaikọmwa ẹmila ra ekẹtẹkẹtẹ ra? Ọmwa ne I mu ru ra ne I ye obọ yẹn ọnrẹn ẹho rrọọ ra? De ọmwa ne I miẹn igho erinmwian vbe obọ ẹre? A deghẹ I ru emwi vbenian, I gha ha ẹre werriegbe ighẹ emwi ne I rhiere.”

I Samuẹl 8:3

Sokpan, iran ma lele ukpowẹ erha iran. Igho ne a khuan ọkpa ọ re aro iran wa gha ye. Rhunmwuda ọnii, iran kegha rri igho odieke, iran na gha khiẹn ohiẹn bu.