Ẹksọdọs 23:7 - Edo Bible (E Baibol Ẹdo) Version 1996

⁷ Wa gha lẹ ne ẹmwẹ ne a ba ọmwa ẹre. Wa ghẹ gbe ọmwa ne ọ ma rukhọ rua, rhunmwuda I gha bu ohiẹn uwa gbe ọmwa ne ọ ru emwi dan vberriọ.

Ẹksọdọs 23:7 ပူးပေါင်းရင်းမြစ်များ

Gẹnẹsis 18:23

Ebraham keghi sikẹ Nọyaẹnmwa, ọ nọ rẹn wẹẹ, “Te u ra gele fuẹn nọ ma rukhọ ba eni rukhọ ra?

Job 22:23

Ẹn, hẹko ya imuegberriotọ werriegbe bu Osanobua. Ne u kie ehia ukpe ighẹ avbe emwi dan ne a ru vbe owa ruẹ.

Psalm 119:29

Ma mwẹ re ne I ghẹ bibi odẹ. Vbe uwu umamwẹ ruẹn ma mwẹ uhi ruẹ.

Psalm 94:21

Iran ni khuan khẹ emwa ẹmwata, ni bu abe uwu gbe ọmwa ne ọ ma rri abe.

Ẹksọdọs 20:13

“Ghẹ de izigha.

Ẹksọdọs 20:16

“Ghẹ ba mu ẹmwẹ ohoghe ba ọmwaikọmwa.

Ẹksọdọs 23:1

“Ghẹ ta ewẹwẹwẹ. Ghẹ yi ọmworukhọ ike vbe ekpa osẹe ohoghe ne a sẹ.

Ẹksọdọs 34:7

Mẹ vbe mu eyan mwẹ sẹ igba arria isẹn vbe inu ihe ne ọ khin. ne ọ ya iba, ọkhọ, kevbe emwi dan bọ ọmwa, sevba ne ẹ i mianmian ne ọ ya rria ikhi orukhọ ne avbe erha iran ru vbe egbe ivbi iran ya sẹ orre ne ogienẹ.”

Itan 11:21

Wẹ rẹnrẹn wẹ ẹ i mwẹ a ma rria ọmwa dan ikhi, sokpan, emwa esi gha lẹ fe.

Itan 17:15

Na a bu abe gbe ne ọ ma rria abe kevbe ne a fan ne ọ rria abe fua, osọnnọ ehia khin vbe odaro e Nọyaẹnmwa.

Aizaia 33:15

Wa gha miẹn uhunmwu adeghẹ wa ta, wa na vbe gha ru emwi ne ọgbae. Wa ghẹ ya ẹtin uwa gbe ovbiogue rhu, wa ghẹ miẹn igho erinmwian odieke. Wa ghẹ yegbe ba iran ni kun vbene iran gha do izigha hẹ ra ne iran ru emwi dan ọvbehe.

Aizaia 5:20

Ọghe uwa fo nẹ! Wa ni tie emwi dan emwi esi, kevbe emwi esi, emwi dan. Wa fi ebiebi werriẹ khian uwanmwẹ, wa keghi fi uwanmwẹ werriẹ khian ebiebi! Wa ya emwi ne ọ rriara khian ne ọ rhiẹnrhiẹn, wa keghi ya ne ọ rhiẹnrhiẹn khian ne ọ rriara.

Levitikọs 19:11

“Ghẹ rha ra ne u gbe ọmwa rhu, ra ne u ta ohoghe.

Levitikọs 19:16

Ghẹ ba ọmwarhọkpa ohoghe. A deghẹ te a gu ọmwa gui ẹzọ uhunmwu, ya guan a deghẹ osẹe ruẹ gha sẹtin yọre obọ. Mẹ ọ re Nọyaẹnmwa.

Nahum 1:3

Ohu i rherhe mu e Nọyaẹnmwa sokpan rẹn mwẹ ẹtin, ẹ i gie ọmwa ne ọ rria abe gha rrie vbe ne ọ ma na rri oya. Okpẹhoho guakpao, vbe ehe ne Nọyaẹnmwa khian la; okuku amẹ, ebubẹ ne owẹ ọre gbe nọ!

Iyẹn ne ọ Maan Ọghe Luk 3:14

Ivbiyokuo eso kevbe nọ rẹn wẹẹ, “Ma vbe vbo? Demwi ne ima gha ru?” Rẹn tama iran wẹẹ, “Ghẹ ye iwo vbe egbe aro ra ẹzọ na mu kun ọmwa miẹn ọmwa rhọkpa emwi, gie igho ne a hae nuẹn su ọ ọkẹn.”

Ebe ne Pọl gbẹẹn gie emwa Rom 1:18

Aro da ẹe wẹ izohu Osanobua hihiẹ ke odukhunmwu dee do siẹn yan uyinmwẹ dan kevbe orukhọ emwa dan, emwa ne iba dan ne iran zẹ I gia rẹn ẹmwata ne ọ rrọ.

Ẹfisọs 4:25

Rhunmwuda ọnii nian, ohoghe ne a ta i ghi rrọọ, dọmwadẹ ọghọe ghi gha ta ẹmwata ma ọtiọnrẹn, rhunmwuda otu ọkpa ma hia koko khin vbe uwu egbe Kristi.

Diuteronomi 25:1

“Gie a kha ighẹ ivbi Izrẹl eva yo iko ne a ya bu ohiẹn iran, a na bu ase ne ọkpa, a keghi bu abe gbe nọkpa.

Diuteronomi 27:25

“ ‘Ihẹn Osanobua rre uhunmwu ọmwa ne ọ miẹn igho ya gbe ọmwa ne ọ ma rukhọ ua.’ “Emwa ni hia ghi kha wẹẹ, ‘Isẹ!’

I Tẹsalonaika 5:22

Wa gha lẹ ne emwi dan hia ne ọ rhirhi gha khin.