Ẹksọdọs 23:33 - Edo Bible (E Baibol Ẹdo) Version 1996

³³ Iran i ra de uwa ẹvbo ya ne iran ghẹ ya ye uwa ru khọ ghe mwẹ. A deghẹ wa ga ẹbọ iran evba ọre ọfuan uwa la dee.

Ẹksọdọs 23:33 ပူးပေါင်းရင်းမြစ်များ

I Ọba 14:16

E Nọyaẹnmwa ghi fi iyeke gbe Izrẹl, rhunmwuda, e Jeroboam ru orukhọ nẹ, ọ kevbe silo ivbi Izrẹl fi uwu orukhọ.”

II Krọnikol 33:9

E Manasẹ keghi wa ziẹn ivbi e Juda ye orukhọ sẹ ne avbe emwa ne Nọyaẹnmwa khulo hin otọe nii rre vbe emwa rẹn dee.

Psalm 106:36

Emwa Osanobua kegha gho amazẹ ọ na ọre ọ si ọfuan ye iran egbe.

Ẹksọdọs 10:7

Ekhaẹmwẹ ọba Igipt keghi tama rẹn wẹẹ, “Inu ẹghẹ oko na ra kpokpo ima la vbe otọe yi? Gie ivbi Izrẹl nikpia kpao ne iran ya ga e Nọyaẹnmwa ne Osanobua iran. Wẹ ma he ye rẹn nian ighẹ Igipt khian ne ọ rẹnkhẹn uan?”

Ẹksọdọs 23:24

Wa ghẹ ya uhunmwu rhanmwẹ otọ ne ẹbọ iran, wa ghẹ vbe ga iran. Wẹ ghẹ gho emwi ne avbe emwa nii gho wa ghi fuẹn avbe ẹbọ iran an fẹẹrẹ, wa ghi wa dunmwu okuta ẹbọ iran an.

Ẹksọdọs 34:12

Gie a miẹn wẹ u ma gu emwa ẹvbo ni rre ehe ne u rrie ru emwamwa kugbe rhunmwuda ọna sẹtin gbe uẹ uhunmwu.

Diuteronomi 12:30

E Nọyaẹnmwa gha fuẹn avbe ẹvbo na an nẹ, wa gie a miẹn wẹ wa ma gha gho emwi ne iran gha gho rhunmwuda, uwu ọ re ọ ke ẹre ikian. Ghẹ vbe gha wọlọ otọ ẹre ne u miẹn ehe na rẹn vbene iran ya ga ẹbọ iran hẹ ne uwa miẹn ehe na vbe gho ẹre vbene iran ru.

Diuteronomi 20:18

Gbele iran an, ne iran ghẹ ya ye uwa rukhọ ghe Nọyaẹnmwa, vbene iran gha na ma uwa ẹre ne uwa gha ru avbe emwi osọnnọ ne iran ru vbe uwu ugamwẹ ẹbọ iran.

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.

Diuteronomi 7:16

Wa fuẹn avbe ẹvbo hia ne Nọyaẹnmwa Osanobua uwa rhie yan uwa obọ ua, wa ghẹ mwẹ itohan ghe iran. Wa ghẹ gho ẹbọ iran rhunmwuda uwu ẹre ọ ke ọnii ikian.

II Timoti 2:26

Ẹghẹ nii aro ghi do hian iran, iran ghi lẹfe vbe obọ ifi ne Esu rhuẹre, ọmwa ne ọ te ka mu iran yi ọ na ya iran gha ru enegbe ẹre.

Jọsua 10:40

E Jọsua keghi khọn mu otọe nii hia, ọ keghi khọn avbe ọba ni rre uhunmwu oke nii miẹn iran otọ, iwewe-Negev, ẹvbo ni rre ugboghodo kevbe ni rre ahọ oke kevbe ototọ oke vbe odẹ orrie deba ẹvbo ne amẹ i ye vbe odẹ ekẹn, ọ ma sẹ ọkpa rae ye agbọn. A keghi wa gbele ehia a. Erriọ ọ re Nọyaẹnmwa Osanobua Izrẹl gie.

Jọsua 23:13

Wa ghi wa rẹn wẹ e Nọyaẹnmwa Osanobua uwa i ghi ra khulo avbe agbọn ẹvbo nii hin ehe ne uwa ye rre. Sokpan iran zẹ ẹbe ne uwa zẹ vbe ifi ra uye, ọ ghi vbe gha balọ zẹ vbe asan vbe ẹkpiyeke ra igban vbe uwu aro uwa. Erriọ ọ re ọ khian gha ye khian a te miẹn wẹ wa lahin otọe esiesi na ne Nọyaẹnmwa Osanobua uwa mu ne uwa.

Giọgis 2:2

Wa ghẹ gu emwa otọ na ta ile rhọkpa, wa guọghọ aka iran sotọ.’ Sokpan wa ma he ru vbene I tama uwa. Iyeke ẹre ọ re uwa ghi ru ye ihe ẹre.

Giọgis 2:3

Te ime ghi tama uwa na wẹ mẹ I ghi khulo emwa na ladian vbene uwa ya nana ghe odaro. Eghian uwa iran ra gha khin, ẹbọ iran ghi vbe gha re edanmwẹ nọ wegbe ne uwa.”

I Samuẹl 18:21

Ọ keghi kha wẹẹ, “I gha rhie Mikal ne Devid, I gha ya ẹe khuẹn ifi muẹn ne ivbi e Filistin gbe ẹe rua.” Rhunmwuda ọnii, e Sọl keghi tama Devid ukpogieva wẹẹ, “I gha ya ọmọ ne uẹn.”